بنات انجنيت وجننوني وستخفيت . 24 ساعه هواش حتى إذا لعبو تهاوشو واذا ضحكو تهاوشو حتى وانا اكتبلكم الحين قاعدين يتهاوشون :sad_smile: انجنيت ماكو شي يلهيهم زهقت على طول راسى يعورنى من هواشهم مع العلم انهم ازغار الكبير عمره 6 سنوات ( اصبيان ) رجا كل الرجا من اهل الخبره يفيدونى ارجوكم ساعدونى انا على وشك الانهيار . :emoticon_U:
الله يعينك اختي والله الحال من بعضه عيالي جننوني وولدي نازل طق باخته اربع وعشرين ساعة\ ومافي حل الا العقاب انا انصحك تعاقبيهم وبلحظة الهواش تعطيهم عقاب علشان يخافون ماعلي اعملي بالمثل اللي يقول (( اضرب ابنك لتحسن ادبه ومايموت الا باجله )) والله يحفظهم ويطول باعمارهم ويخليهم ويهديهم وعيالنا امييييين
الله يعينج عن تجربه الهواش تغلبت عليه بالفلفل الاخضر ينفرك بلسانهم ،جربي الفلفل الاخضر فركيه ولاتقولين ماتحمل ترى حق مصلحتهم ،والله يخليهم لج
والله انتي ذكرتيني باختي كل ما ادق عليها تقول عندي معارك طاحنه قلت لها لوتودين عيالج فلسطين تتحرر بسرعه ههههههههههههههاي مسكينه هم اسم الله عليهم 24ساعه هذا طقني وهذا سوالي واذا طلعت واحد طق واحد منهم الثاني يدافع زين فيهم حميييييييييه 000000 الله يكون بالعون000
مشكورين بنات شكلى بسوي ماكس بعقابى واطبق اللى تقولون عنه الا الفلفل ماقدر انا قلبي حنون عليهم وهذا اللى مقويهم .......................................................................................... ام نوافي لووووووووووووووول والله انج صاجه .
صدقيني الفلفل بيفيد انتي لازم تقوين قلبج شوي انا كنت نفسج بس قويت قلبي لانه ابيهم يتأدبون حاولي وخبريني
مانصحج بالفلفل لايشرق فية يروح ضحية وانتي تنغثين بس نصيحة سوي عقاب امهاتنا تربط الجاهل لين يقول توبة او حطية بغرفتة وقفلي علية بس بشرط لاتخرعينة تصكين اليت عنة وستمري وخلج جادة ودعيلي بالولد الصالح وراح تستفيدينمن كلامي
الله يعينا ويهدي اعصابنا اللي فلتت بصراحه انا جربت كل الطرق حتى اني اخلي كل واحد منهم بغرفه واحرمهم من اللعب مااااااا فاد اما عن الفلفل قلبي ما يطاوعني بس جربت شي ثاني وهو اشربهم (مره) كميه صغيره تدرون شصار قاموا يتهاوشون منو اللي يشرب اكثر ويصير الاول هههههههههه يعني صارت لعبه بس تدرون خواتي اني فرحت جدا بهالموضوع لاني كنت اظن ان حالة الهواش هذي بس عند عيالي الحين عرفت ان الوضع طبيعي الحمد لله واعذروني طولت عليكم
عندنا وعندج خير من الله انا من كثر ما تعبت منهم قمت اخليهم يتناجرون ويتكافخون وانا اطالعهم اخر شي يملون ويتفرقون ابروحهم الله يهديه بس ويصبرنا
حتى انا عبالى بس عيالى ولمى شفت ردود البنات قلت يعنى احنى مو حاله شاذه بس قمت افكر وقول الحاجه ام الاختراع .................... لين رسيت على حل قلت لهم اللى مايتهاوش يروح الجمعيه اول يوم يعنى ثانى يوم ماتهاوشو يعنى نفعت معاهم ...........
الحاااال من بعضه وهذاا اناا بنااات بعد انااا سويت طريقه الهديه اللي يقعد عااجل له هديه وصرفت اربااع وانصااف اليوم اللي يصيرون فيه عجاال وهادين ومايتهاوشون لهم ربع انا جربتها صارلي يومين ولك الحمد بداا ينفع معااهم جربيهاا وخاصه الجهال يحبون الفلووس انشاء الله افدتج
نصيحه اذا تبين اتجربينها يبيلها صبر بالاول التوكل على الله يعينا على تربيتهم مو بس انخليهم هدد الثاني فكرة الفلوس والله صج تنفع والهديه واسوي جدول وفيه نجوم والي ياخذ نجوم اكثر اعطيه قدهم فلوس ونهايه الاسبوع يروح الجمعيه وعوديه يشتري فاكهه لان عيالنا الي هبل فيهم اكل الخرابيط اتصدقين لما اقطع عنهم الخرابيط واكثر الفواكه والتمر بالذات على الريج احس يطخووووووون شوي بعدين الكبار اذا شفتهم خلاص وصلت عندهم الله يعز السامع اول بالنعال تكفخ . اخذهم واهول فيهم بالقصص شسوي ويفتحون حلوجهم من هالقصص واغير الموضوع وادري للحين كل واحد وده يكمل طقته .. بس اجاهد بعد شنسوي امهات والله نصيحه اقري البقره يوميا لا تتعاجزين عن تجربه مره استمريت اكثر من شهر والله كانت فتره سكون نوعا ما بدون جذب بس بصراحه اهدا .... بعدين انا ما دري ملا حظتي الشخصيه لما اسولف معاهم و واهذر والله جد واحاول افهمهم واقص لهم قصص يتاثرون صج ما يطولون بس لا توقفين مره وخلاص .. ما اطول عليج جربي توكلي على الله واكثري من الدعاء والاستغفار واقطعي الخرابيط عنهم وحاولي تقعدين معاهم و اغريهم بالفلوس والطلعات الي يهدا اكثر ويسمع الكلام اهو يشتري او ينقي له الاعراض او الالعاب ........... على فكره لا تستهيني بالتمر على الريج عن تجربه ...................... واذا ما جبوه طيحي الفلوس الي ياكل 3 له نص او دينار انتي وميزانيتج.....
بنات كوكو : امين يارب ويعطيج العافيه ========================= تاتيتا والله صاجه ويعطيج الف عافيه حبيبتى
حبيبتي حسب الياهل وعمره يعني اذا عود يعرف انج قاعده تساحلينه واذا صغير تقدرين تقصين عليه بس مايمديه الا نسى اللي عطيتيه واللي وعدتيه لانه ياهل واذا تميتو تهددونهم راح يملون ولاعاد يهمهم على قولة المثل الشي اذا زاد عن حده انقلب ضده بس تعاليله بالمساحل والمدح يعني قوليله انت شاطر وبطل والي يسمع الكلام ريال وجذي من هالكلام دخلوهم بنوادي وخاصة انه ياي الصيف او اشترو لهم كراسات وقولو لهم اللي يرسم احلى 5 رسمات باليوم له بالشهر او نهاية الاسبوع مبلغ معين او اللي يسامح اخوه اذا سواله شي له هدية ويكون ريال عاجل وخو البنات يساعدونكم بالمطبخ ويهتمون بغرفهم وهم سوو عى ارتب غرفة هدية بس عاد موكل يوم هدية خلوها كل اسبوع علشان يتشوقون مادري انا قلت من تجارب رفيجاتي ونا راح اسوي جذي اذا كبرو وقاموا يتطاققون لووووووووووووووووووول الله يعينكم امين
