السلام عليكم فيه موضوع مهم لكن جميعنا نغفل عنه الا اذا طاح الفاس بالراس (الله لايقوله) برأيكم متى المفروض الطفل ماينام مع والديه بنفس الغرفة؟؟؟؟؟ واذا صار الاول هل اخليه ينام مع الخدامة؟؟ يعني ولدي عمرة سنتين وكم مرة يصيدنا بأوضاع محرجة (هو اصلا يكون نايم)وانا صراحة اخاف يضل بباله هالشي ويأثر عليه؟ اخليه ينام مع الخدامة والا وش الحل؟؟ خلونا نتناقش بالموضوع ونستفيد من تجارب البعض
تخلينه ينام مع الخدامه؟؟ليش ماكوو غرف زياده الا مع الخدامه ؟ لا حبيبتي سنتين تحطينه بغرفه بروحه تكون جنب غرفتج النوم وبابكم مفتوح وكل شوي طلي عليه وكل ساعتين سويله حليب00 دربالج تخلينه مع الخدامه حرام عليج 00
شوفي اختي انا من رايي تخلينه ينام بغرفه بروحه وعلى قولت الاخت الباب شوي مفتوح وعلى فكره اذا عندج اي فون وزوجج اي فون في خدمه تحطينها وبعدين تاخذين تلفون زوجج تحطينه عن راس ولدج وتلفونج جنبج واذا ولدج قعد او بكا يرن تلفونج مثل منبه وفي جهاز ثاني شاشة تلفاز صغيره نفس الدفتر تنحط عن راس الطفل وهو نايم ويكون عندج جهازه ثاني بعد شاشه تشوفين ولدج وهو نايم وفيه سماعات اذا قعد او بكا واتمنى اكون فدتج بالموضوع
حبيبتي انتي حنا خواتج وماسوينا الا الواجب 00 والخدم مشاكلهم واجد هالايام انتي يالام الطفل الصغير ماتسحملينه كل شوي مقعدج وتعب شلون الخدامه تلقينه تموته من الجوع ولا تغيرله 00 تحت عينج ابرك وغرفه بروووحه احسن له ولج وانتي بتكونين مرتاحه 000 بالتوفيق00
استغرب من الخوات اللي يخلون عيالهم بعد الستة شهور ومازالوا ينامون معاهم بنفس الغرفه؟ اذا الرسول عليه الصلاة والسلام قال ابو سته اعزلوه وهو ماينطق عن الهوى كل عيالي من عمر 6 شهور ينامون بغرفه بروحهم ويمي مو بعيده وبيني وبينهم مو اكثر من مترين واتطمن عليهم كل شوي حتى ماشاء الله نومتهم تكون وايد زينه لانه انتي بتفتحين الانوار او بتسولفين مع ريلج على راحتج وهم مساكين روتينهم غير عنج
الطفل من عمره عام يبتدى يسجل ما يراه من أفعال الوالدين لذك نبتدى نعوده فى البدايه على النوم على سرير مقابل فى نفس الغرفه ويكون عليه ستار فاصل الى ان يتعود النوم وحده ثم فى عمر العامين ينام فى غرفه وحده ويترك الباب مفتوح وتكون قريبه من غرفة الوالدين ليشعر بالامان وهكذا يتعود..........
