السلام عليكم شلونكم شخباركم عساكم بخير يا اخواني واخواتي الاعزاء والعزيزات طلعت معاي كلمات وما ادري شعر مو شعر لان كنت شوي زعلانه ما ادري اذا هي شعر والا لاء بس اليوم انقالي وسمعت جملة "" يا الغريبه !! "" انقالت لي صدقوني بدون مقدمات فجأة اصدمتني وهيجت علي جروووووووووووووح ما تنتهي لا عارفه اعبر بكلام ولا عارفه ارد طرى معاي كلام بنفسي وكتبته بمسج ودزيته لرفيجتي ولزوجي ولا اكو رد ولا تعليق على المسج وحبيت اكتبه لكم يلا نبدى :: ما بــقــى وطــن ! ما بــقـى أمان ! ما لقيت لقلبي مكان .. ما لقيت لقصتي عنوان .. أحس احزاني طــوفــان ... غـزت ضـلوعي .. وخلتني غير أنسان .. حالف الفرح .. ما يعمر بحياتي .. لو بعض أزمان .. تـعب .. شقا .. قهر .. غربه .. دمع .. حرمان .. هو بعد بقى من الضيم نقــصــان ؟ وسلامتكم هذي مقدمه لموضوعي انا على طول احس بالغربه اول بعرف عن نفسي انا مو كويتيه امي كويتيه ماده اولى وابوي سعودي اب عن جد ومو قرايب حصل قدر تزوجوا وجابوني اول ضناهم ايام ماكان فرق بين العرب كل الناس واحد انا تعبت حيل بحياتي من قرايبي الكويتين لما صار سن الزواج يقطون نغزات ان احنا مو كويتيات انا وخواتي ولا يبونا لعيالهم عشان اربع الاف الحكومه حسيت الدنيا ظلمت بوجهي خصوصا ان ماعندي عيال عم قد سني عقب دارت الدواير وانعجب فيني شخص كويتي وتزوجني اهلي عارضوا وعقب رضوا عشان ضغطت عليهم انا كانت حالتي بالبيت متاذيه من اخواني حيل مو شوي وحكره وغثه والحين تزوجت بس للحين اعيش بغربه مرات زوجي يغثني بكلام والا اسلوب طبعا كل المتزوجين يتهاوشون عادي انا لما ازعل وادق على امي ابي اتكلم تصك بوجهي تقولي ظلي ببيتج واذا رحت لاهلي حواتي واخواني يقولون شنو جايبج انقلعي لا تقعدين عندنا اكون جايه بنام يوم والا ادرس زوجي مرات انغث من اسلوبه وطريفته معاي بس بالاخير يراضيني ويكرر نفس الاساليب اللي كانت تغثني وزوجي طبعا غريب عن كجنسيه وكقبيله هو غير هو صح فيه كثير ايجابيات بس انا يا بنات صايره حساسه من اي كلمه حاسه اني مكسوره يعني اذا طفرت منه لا بيت اهل يبيني وين اروووووووووووووووووووووووووووووووووووووووح؟ من شوي غثني بسالفه ع العشا بيسويها غصب وانا بس قلت رايي ما فرضته عليه ويقول لاء انا كيفي طبعا كيفج بس احنا نتناقش عادي وهو قالي السالفه انا ما سالته يعني بيني وبين زوجي ازمة حوار شوي الزبده مراااااااااااات افكر ان اذا طفرت من زوجي بما ان مالي بيت اهل يستقبلني وعارفه شلون راح يغثوني انا وصلت مرحله ما اتحمل الاهانه والاذيه نفسيتي تعبت لو تلميح يعني غريبه بين فرايبي باول حياتي طبعا قاطعتهم لان هم قاطعين ولا يبونا ومعاملتهم مو حلوه اول لما كنت عزوبيه والحين يوم تزوجت مالي شغل فيهم وانا ببيت زوجي غريبه بوسط اهله حتى حماتي تقولي يا الغريبه قدام زوجي بدون مقدمات ولا كلام بيني وبينها زوجي قال تغشمر هي بس انا مو قادره اتحمل صايره حيل حساسه حتى بالجامعه ما قمت اكلم البنات ورفيجاتي مالي شغل امشي بروحي واكل بروحي وكل شي بروحي مالي خلق احد ياذيني لو بنص كلمه الا اللي اعرفهم زين انهم زينات مرات اقول لنفسي انا غريبه وانا بوطن امي واذا رحت السعوديه بلد ابوي احس بغربه اكبر والحين غريبه عند اهل زوجي ومرات احس زوجي بنظره اني غريبه وبعض تصرفاته مقل انه ينوي يسافر والا يبيع شي ولا يعلمني حمواتي يعلموني ما دريتي زوجج حج وبيسافر طيب علمني شنو بيصير مو زوجتك ؟؟ ليش اختك وامك ومرة حماي تدري وانا اخر من يعلم لا وهم اللي يعلموني عبالهم ادري ؟ يعني شنو بنظرك انا بمكن حتى رفيجك يدري وانا لاء؟ شنو انا غريبه عنك ما تعلمني ؟؟ ويمكن هذي الحقيقه يعني بالمختصر انا ما لقيت الوطن لا بديرة امي ولا ديرة ابوي ولا لقيتها بزوجي كل ما تمر السنين احس بالغربه اكثر واحس ان قدري من انولدت اكون الغريبه والله مرات اطفر وافكر جد والله ابيع ذهبي واخذ جوازي واسافر لاي ديره اعيش بره وبروحي وارتاح من اي اهانه اهلي اجرحوني واهل زوجي بعض كلامهم تجريح بس انا قطعتهم خير شر وقلت لزوجي وسكت لان يعرف طريقتهم انا خايفه يجي يوم واطفر من معاملة زوجي وقتها وين اروح ؟ مالي الا اطق جوازي واسافر انشالله لجوء سياسي واذا بغيت اموت اموت بعيد عنهم محد من اهلي ولا زوجي ولا احد لا بديرة ابوي وامي حبني وعشت غريبه فما راح تفرق اذا تغربت مو انا بغربه وجنه سبحان الله العقل الباطن عندي مبرجم على هالشي حتى تخصصي انجليزي اللي هي اللغه العالميه بكل مكان بالعالم ممكن نتكلمها دايم افكر جذي لما انهار وانجن من زوجي وما القى مكان اروح ولا احد يسمع وانا تعبت من هلي تعبت منهم ومن معاملتهم حلاص بعد كافي هم غثوني متى ارتاح يمكن ارتاح اذا ابعدت عن دار امي ودار ابوي
ياحياتي الله يفرج عليك ويسعدك دنياء واخره وهذا ابتلاء من الله اصبري واحتسبي الاجر ومابعد الضيق الا الفرج باذن الله الله يفرج عليك وراح ادعيلك ياقلبي وناجي ربك اخر اليل وكررري من الاستغفار
حبيبتي هونيها وتهوون ,, والله يكوون بعونج حاولي تمسكين ريلج وتقعدين وياه وتتواجهينه شنوو اهوو الي يبيه ,, وحاولي انج بعد تزورين امج وتحبينها على راسها وحسسيها انج بنتها وصدقيني الام بسرعه ترضى على ضناها ,, وحاولي لاتحطين ببالج اليأس نهائيا وفكري بمستقبلج ,, ولاتنسين الدعاء ادعي بكل صلاتج انه الله يسهلها عليج ,, وعسى الله يهون عليج حبيبتي ,,
فديتج يا روحي حبيبتي حسب الكلام الي كاتبته حسيت انج مضغوطه نفسياً حيل و هالشي ماثر على كل شي حاولي حبيبتي تطلعين من هالغضط النفسي باي صوره ياحياتي و انتي هم ذاكره بانج صايره حساسه عن اللزوم يعني انتي مشخصه وين الخلل و لازم تعالجين هالخلل يا روحي وبعدين يا قلبي انتي ذكرتي بان ريلج فيه وايد ايجابيات و هذااعتراف منج و هذا شي زين اهتمي بايجابياته علشان تقدرين تصلحين سلبياته صدقيني الزوجه تقدر تصلح الامور بصوره عجيبه بخصوص اهلج لازم تقربين منهم بصوره اكثر و مثل ما قالو البنات الام ترضى بسرعه عاد انتي و شطارتج مثل ما قلت لج حبيبتي طولي بالج كثري من الاذكار بصورة مستمره تعوذي من الشيطان خلج ريلاكس اهتمي بنفسج و لا تخلين شيطان يعلب براسج لجوء سياسي ما ادري شنو كلنا معاج قلبي
هلا أختي . . . والله الغربة الصجية مو الغربة اللي تقولين عنها غربتنا كبشر عن دار المرور الدنيا لدار بقاء ثانية . . . يعني مسألة الغربة أنتي ضخمتيها حيل لين خليتيها ضغط نفسي مستمر على صحتج وعقلج وتفكيرج . . . مسألة انتي مو كويتية وسعودية او خليجية ترى مافي فرق صدقيني وأي وحدة عاقلة بتقول لج هالشي مافي فرق ابداااااااااااااااااااااا لكن انتي تأذيتي من هالكلمة وأنتي صغيرة بمرحلة كنتي فيها تكونين شخصيتج وأفكارج وتوجهاتج وحتى مشاعرج . . . فعلشان جذي هالكلمة صارت بمثابة كابوس وضغط عليج . . . المشكلة إن حبيتي اقولج الصج وماتزعلين ! فيج . . .الزوج يمل من النكد والحزن وخصوصا إنه يفكر بطريقة غيرنا طريقة عقلانية أكثر . . . وفيه بعد المشكلة لأنه ناسي حقج عليه . . .وإن حياته تغيرت من زواجه . . . شوفي حبيتي . . . في موضوع لي بعنوان بوصلة الشخصية طبعيه وطبقيه على زوجج والنتائج شنو يطلع ارسليها لي وبإذن الله هالموضوع من بعد مشيئة الله بينفعج جدااااااااااااااااااااا ولاتكدرين خاطرج وطوفي ولاتعيشين نفسج في مود الحزن إن حبيتي تبجين سكري دارج على نفسج وابجي وبعدها طلعي وقعدي شوفي نفسج وزوجج وبيتج
انا مع ام عبدالله بكل كلمه واحب ازيد شغلات انا كنت بفتره احس ان محد يحبني فتره المراهقه وكنت اعيش مع نفسي ضغوط نفسيه فضيعه لكن تعلمت اشيا كثيره اهمها انج لا تنطرين من احد حب ولاطبيه ابدي بنفسج وحبيهم وعامليهم اكثر مايستحقون ولا تنطرين منهم المثل وشوفي ان الاغلبيه بيتغيرون معاج وحطي بالج ان سعادتج انتي اللي تخلقينا محد راح يهمه كثرج صحتج ونفسيتج وسالفه طلاق واسافر لاتفكرين بهالشي نهائيا ومشي حياتج على وناستج واذا سمعتي كلمه طوفي حسي انج قاعده غصبن عن كل اللي حواليج ولا يحركون فيج اشعره
حبيبتي لا ضخمين الامور بالدرجه جذي ردي لا تكتمين بقلبج اذا احد قالج يالغريبه ردي قولي انا سعوديه وافتخر وبالنسبه لزوجج انت تقولين فيه ايجابيات كثيوه خلاص خليج مع ريلج لا تبتعدين عنه ولا لحظه دخلي بشخصيته اكثر تملكيه راح يوقف معاج صدقيني ويرد علي اي احد يتكلم عليج احتويه بجميع الطرق واذا علي امج مالج الا رضاها مهما صار حق الله سويه والباقي علي رب العالمين وربس يهديك صغريها تصغر كبريها تكبر
