بنتي عمرها ثمانية شهور بس حركتها مو طبيعية حيل تزهق اللي يمسكها بدقيقة . و من كثر الحركة حيل ضعيفة .امي تقول ان بحياتها ما شافت جاهل بهلنشاط الزايد.هل هدا طبيعي او اوديها لطبيب .
لا عادي حبيبتي الحين كل الجهال جذي شياااااااااااااااااااااطين الله يحفظهم بس اقري عليها وارقيها وانشالله مافيها الا العافيه الله يخليها لج
ليش تودينها طبيب يلعبون ببنتج ويجرون فيها اسم الله عليها طبيعية كهم جذي ولدي الحفاضة نقعد انا وخدامتة نص ساعة عشان نلبسة من كثر الحركة لاطبيعية بس انتم تعودتم على البرود وعبالكم مو طبيعية
هلا اختي . . . امنعي عنها الحلويات والكاكاو والاطعمة السريعة (الجنك فود) . . . وفي نوع من السمج اسمه ( سمك القد) حاولي ادورينه في مركز سلطان اشتريه لها . . . هالنوع من السمج مفيد جدا للي عندهم هايبر اكتفتي نشاط زائد هم بعد ابتعدي في اكلها عن اي شي فيه مواد حافظة +الطماطم كعصير والبرتقال لان فيهم حمض الاستيل سالسيك ولا تودينها الطبيب بيلعب لج فيها بأدوية وكيميائيات لانه بيصرف لها أدوية تخليها هادية لدرجة انج تمسكين ايديها بتحسين إنها مرتخية لدرجة مرعبة . . . وربي يحفظها لج . . .
هلا حياتي اسم الله عليها الحين الجهال كلهم جذيه وخصوصا اذا عندها اخوان او جهال بالبيت وتشوفهم يتحركون لانه بهالعمر هذا يقلدون 000 ومثل ماقالت اختي ام عبدالله اذا تعطينها كاكاو حتى لو نتفه ابعديه عنها واقري عليها وخليها تتحرك ياحياتي عشان تتقوى اعظامها مو كله قاعده تصير رخوه جذيه000 اسم الله عليه ولدي على ما انبدل له ونغير له الحفاظ يزهق اللي مايتزهق كلهم جذيه لاتحاتين ولا تودينها الطبيب0000 الله يخليها لج00
اسم الله عليها ان شاء الله ما فيها شي بس اذا انتي تحاتين سوي تحليل دم وبس عشان تطمنين ما يضر وانصحج بالرقيه خاصه قبل ما تنام واول ما تقعد حتى لو هي طبيعيه انا دايم ارقي عيالي حتى لو ما فيهم شي والله يحفظها
