السلام عليكم ورحمة الله وبركاته ...... شلونكم قلبوشاتي شخباركم طبعا مبرووووك لكل عروس سواء توها متزوجه او من زمان الموضوع باين من العنوان؟؟ نبي كل وحدة تدخل تقولنا شلون كانت الأوضاع في بيت اهلها قبل عرسها بيوم طبعا الكل عارف ان قبل العرس بيوم لويه وحوسه ويصير اكشن وايد يعني اللي خواتها يبجووون متأثرين واللي تفتر على المشاغل تستلم بدلاتها واللي امها تستقبل اللي يهنون واللي منخشه مستحية من ابوها.... نبي الكل يشاركنا و نسترجع ذكريات ومواقف حلوة صارت قبل ليلة العمر ولا تستحون قولوا كل المواقف اللي صارت لكم وشنو الاشياء الحلوة واللي تشوفونها مو حلوة و لا تنسون المواقف الطريفة اللي حصلت لكم وحتى لو ما كنتي عروس تعالي قوليلنا اشصار مع اختج قبل عرسها شاركونا وخلونا نستانس مع بعض ولا يوقف لا يوقف لا يوقف
سكتي لا تذكريني الحين حايسين بعرس أخوي عرسه إن شاء الله يوم الأربعاء الجاي من تأثيث الشقه ومن ملابسنا ومن حجز صالون غير الإكسسوارات والصالون والتنظيف والحف وغيره وغيره وااااي الله يعين العرايس الله يوفق العرايس ويتمم عليهم على خير إن شاء الله
أنا قبل عرسي بيوم كانت عندي آخر جلسه في برنامج العروس كان الحمام الملكي و البدكير و المنكير و البرافين و طوووووووولت حيل بالصالون و تعبت و زهقت الحمام الملكي بروحه ساعتين و أمي راحت مع عمتي بعد المغرب بيت حمولتي يودون أغراضي لما جيت من الصالون كنت تعبااااااااااااانه و دايخه بس قعدت أنطر أمي تجي عشان آخذ منها الاخبار ههههههههههه و التفاصيل و اذا الشقه حلوه و لا لأ !! و بعدها نممممممممممممممممممممت نومه حلوه و تحلمت أحلام سعيده >> لوووووووول يسلموووو ع الموضوع
أحلى موضوع بصراحة ودايم أتكلم فيه لأن هاليوم أحلى من يوم العرس جو مو طبيعي خواتي بعرسهم وناسة برجع للموضوع وبقولكم
موضوع مميز .. انا الله يسلمج عرس اخوي كان قبل جم سنة واحنه لازم لووويه وحوسه قبل العرس عاد الله يسلمج رحنه نستلم بدلاتنا .عاد احنه موزعين الشغل علينه كل وحدة فينه تسوي شغله عاد انا عطوني شغله استلام البدلات و انا من التوتر كنت طاااايره لمن وصلت الاتيليه عاد كان راقي و كشخه عجييييب حده كل شي هناك زجاجي حتى الباب انا كنت راااكضه لمن داخل ما كنت ادري ان الباب زجاجي كان حسبالي الباب مفتوح و انا قاعده اركض بأقصى سرعه و لا فجأة : طططططططراااااااااااااااااااااااخخ . احححح راسي انفلع بالباب اثاري الباب كان مصكر . وانا خلااص رحت فيها ما قمت اشوف شي جدامي عاد يا فشيييييييلتي كان الاتيليه هدووووء وانا فجاه طرااخ امبي ماشوف الا الموظفه مقعدتني تقولي ( اسم الله عليكي مدام اشربي ميه بلكي بتتحسني شوي ) اول شي من الصدمه والفشيله سكت عقبها لمن استوعبت فطست من الضحك . و بس هذا اللي صار معاي طول عمري ماراح انساه
ماتشوفين شررر مقبوله حليلج هههههه وانا قبلها اصيح ادور حد يوديني الصالون اتحنى ومن حظي الصوالين اول يوم مسكرين وثاني يوم الكل لاهي بوناسته الاولاد الله يحفظهم لاهين باجازة العيد وعرسي كان 3يوم العيد بالنسبه لي حزنت عقب هاي الزفه بعد اتخيلوا رحت الفندق بالفستان ووياي عبايتي غطيت عمري فيها اوني سايره اغير واروح الشقه يعني من بيت اهلي لشقتي في دبي تقريبا40 دقيقه وعقبها اكتشفت ان ما وياي شي من ملابسي غير جلابيتي العاديه اللي لبستها في القاعه كانت في شنطة الفستان وبسس وانا موول مستحيه من الموقف ما عرف شو اقول لريلي 0000وعقب عرسي بيوم ريلي مرض اسبوع تقريبا شوهالقراده يا فرحه ما تمت
هههههههههههههههه خوووووش موضوع انا يطولت العمر انقلب البيت مناحه ....... لان الوالدة حيييييييل متعلقة فيني وانا بعد تخيلو بنات انا بالجامعه وانام بحضنها ,,,,فهي تبجي وتقول شلون بتنامين خخخخخخ عاد انا اقول لها خلاص انا ماابي اتزوج ليش زوجتوني لوووووووووووول
ههههه موضوع روعه يعطيج العافيه انا منخشه طول اليوم وراحو امي وخواتي يودون اغراضي وطولوا ومليت بما انه حمولتي بيت خالي يعني ميانه طقوها قعده عندهم رقص وغناوي وانا مليت بالغرفه انطر وابوي بالبيت بروحه جان اطلعله بالصاله يعني بسوي مومستحيه وبكسر الحاجز اطلبلي مطعم جوعانه هههههه والله وطلبلي وقعدنا نتعشى انا وياه دشت امي طقت على راسها ماسمعت الا اقسم بالله ماتستحين !ههههههههه وانا تلخبطت عندي الاحاسيس والمشاعر ماعدت افهم شعوري شنو جماد يمشي ؟؟؟؟؟؟؟؟؟؟؟ مادري اذا مستانسه او زعلانه مستحيه ولاعادي مادري بس الحين توني افهم انه شعور رائع
أحلى يووم كان اليوم الي قبل العرس خالاتي كلهم يوو عندنا وصار مناحة بجي وفرحة وكلن يدعي من صوب وأختي الصغيره الي متعلقه فيني وأنا هم متعلقه حيــل فيها لأني مربيتها بجت بجي وأنا هم طلعت كل الي فيني يوم كله أحساس ومشاعر أول مره أحس أني غالية عند أمي وخواتي وخالاتي لهدرجه الحمد الله كان يوم يهبل ويارب يذوق كل محرومه هالأحساس يارب
هههههههههههههه يمة هذا اليوم رعب بنسبة لي طبعاا قبل عرسي بيومين مخلصة برنامج العروس واخر يوم لي بيت اهلي قاعدة بالبيت اول مرة احس ماابي اطلع من البيت احس بخوف كانه مااارااح اتزوج كاني داخلة مكان رعب والله خواتي مااشااء الله عليم ماايقصرون زادوا الخوف علي حتى نوم مانمت ورحت الصالون وخفت خوف اول ماادخلت الصالة يمة مااتدري اشلون دخلت مااصرت اشوف شي احس امشي واشوف احد مااصدقت على الله وصلت للكوشة بس شفت خالتي وخواتي 2 عندي اقولهم جاه زوجي يقولون لاا بس شفت اخوي الصغير دريت انه جاه ومنية تصيبني رجفة اعوذ بالله احسة بيذبحني هههههه بس والله الخوف كلة رااح يوم صرنا بروحنا بس قلبي طقاقة داخل بس والله اياام ليتها تعود وناااسة صج ليلة بالعمر بس بعض المرات اتذكر شنو صار وشنو قلت اضحك على نفسي حتى كلام مو عارفة اتكلم هههههههههههههه بس وناااسة
الله يسامحج رديتينا للمااااااضي القريب هههههههههههههههههههه والله كان يوم اللويه العالمي كل شوي اتذكر شي ومتوتره وموتره كل اللي بالبيت
