قصة الشايب مع الوايت.....بتعجبكم‎

•●•●{ ربنا لاتزغ قلوبنا بعد اذ هديتنا}​

الشايب والوايت​

​

يسولفون عن شايب نوى يشتري له وايت علشان يسقي الحلال , وذالشايب متقاعد​

وشاريله رعية غنم​

​

وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال​

فقام و توكل على الله وعزم يروح يدور له وايت.​

​

صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.​

عجب خوينا​

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح​

أوصلهم وأشوف كم هو واصل سومه و إذا هم حادينه اشوف كم هو عليه.​

​

وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.​

ولا ذاك الرجال​

ماسك الميكروفون ويحرج 50,,52,,55,,ومن قال زود ,​

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.​

وخش معهم بالحراج ,,,56,,,ويزودون...ويزود...ويزودون...ويزود.​

المهم وصلوه 75,,,قام خربها وقالهم ,,,80​

هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!​

​

يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب​

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك​

بمليون ريال ذالحين ,,ذالحزه​

بس مانشوف وجهك واقف معنا بالحراج .​

انصدم الشايب ..أفتر راسه شوي وقال هااااا..وش السالفة..؟؟؟​

مليون ريال ..وليه..؟؟​

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.​

​

وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري ​

وش السالفه!!!.​

طيب وش العلم علمني ..؟؟​

علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي​

جايبينه يرشون به الأرض علشان يحرجون.​

والحراج من اليوم بــ 56 مليون و 75 مليون..وابو الشباب (الشايب) خش عليهم عرض​

ولايدري وش العلم.​

​

وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..​

وهو ماصدق. طاير من الفرحه,,مليون,,ويقول بخاطره ​

عجزت وأنا اجمع خمسة وثمانين ألف ويجيني ذا الرزق من الله ​

فسبحان الله مقسم الأرزاق على عباده.​

الرزق مثل الأجل يتبعك​

​

******​

الله يرزقنا بمخطط بالغلط.​

ماحولكم وايت للبيع هههههههههه....​

ممارأقــــ لي ​

يسلموووو حبيبتي

حلوووووووووووووووووووووووووووووووه

خخخخخخخخخخخخخ

سبحااان الله وعلى نياااتكم ترزقووون رزق وجاااه ...يسلموووووو حبيبتي ع القصه...​

ههه ما شاء الله عليه
بس ترى ما عرفت شنو يعني وايت؟؟
ما مرت علي!!

اولا تسلمـــــــــــــــــون على المرور الطيــــــــــــــــب
ثانياً يأخت ليلي (الويت ) مثـــــــــــــــل الشاحنه الكبيره اللي تحمــــــــــــــل الماء

سبحااااااااااااااااااااان الله صج علي نيته والله رزقه...........

مشكوووووووووووره علي القصه..............

مشكوووووره حبيبتي

جـــــــــــــــــزاكم الله خيــــــــــــــر على المرور المرور الطيب ...