ياجماعة الخير هذي قصة حقيقيه في وحده راحت للعمره واهي تصلي بالحرم اللي بذيج المرة اللي تصلي وتبجي تصلي وتبجي وتدعي وتبجي المراة استغربت منها وقالت اكيد لها سالفه وكان كل مابين فتره اييها ولد شاب يكلمها ويروح ويشوف شنو تبي المراه اخذها الفضول واجلست بجانبها واسالتها ليش تبجين عسا ماشر فردت وقالت لها والله من العذاب اللي فيني وليش؟ شنو سالفتج؟؟!! قالتلها اقولج قصتي وبعدين احكمي كنت متزوجه من زوج ونعم الازواج يحبني ويحترمني ويعزني بس كان فيني عيب اني ما اييب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن الين وافق فدورتله على المرة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه في يوم ياني زوجي وقالي بسافر مع مرتي الثانيه وبنخلي الولد عندج ووافقت طبعا لانه ماكو احد يمسك الولد غيري سافروا وخلو الولد عندي وكان الوقت شتا وكنت شابه الدوه(فحم) والولد عمره تقريبا بين السنه وجم شهر واهو يلعب ويطامر جدامي وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولج اشلون صارت ايد الولد واهني حسيت ان ناري طفت اشوي نمنا ذيك الليله الا ويينا خبر وفاة زوجي مع زوجته وهم في طريق العوده بحادث وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره واهو اللي يشوف طلباتي وطلبات البيت ومو مقصر معاي بشي بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده ولازلت اعاني من العذاب وتانيب الضمير وادعي ربي يغفرلي ذنبي سبحان الله اشلون حكمة ربج انه صار هالولد خير لي لولا هالولد جان انا حالتي حاله ويرد اييها الولد واهو خاش ايده ويحب راسها ويسالها ها يمة نروح الحين؟؟؟ وعسى ان تكرهوا شيئا وهو خير لكم للامانة منقول من الايميل...
السلام عليكم اولا يولها من رب العالمين بس كافي انها عرفته غلطتها لقول الله عز وجل ( ان الله غفور رحيم ) وان تستغفر ربها وتتوب والله يعينها.:emoticon_U::cry_smile:
السلام عليكم اولا يولها من رب العالمين بس كافي انها عرفته غلطتها لقول الله عز وجل ( ان الله غفور رحيم ) وان تستغفر ربها وتتوب والله يعينها.
ان هذا الشي الي سوته بينها وبين رب العلمين وانا اقول انها ما تقول حق الولد علي اللي سوته في:sad_smile:ه وربي يسخرله هالولدولا انتو شرايكم
السلام عليكم ورحمة الله تعالى وبركاته، الله يغفر لها والله غفور رحيم المهم انها تابت ورجعت الى الله وقامت بتربية الولد اللهم اغفرلها يا ارحم الراحمين.
نشكرج يالغلا ع النقل الأكثر من رائع حتى تتم العبره والعظه للتذكير...ونسأل الله تعالى ان يغفرلها ويتوب عليها...........والله رحيم بعباده وغفارللذنوب ....يكفى أنها أعترفت بذنبها......وانا أطلب من كل أخت بالمنتدي أو خارج المنتدي أن تدعولها بقبول التوبه والهدايه.....والله عور قلبى الولد....يا سبحان الله ...الله له حكمه من هالشئ ينبات ..يبي هالحرمه تتوب من ذنبها وعذبها ظميرها لان الولد أصبح يتيم وهى المسئوله عنه.......ويكون دائما أمام عينها
