السلام عليكم قصه ولادتي ببنتي الله يسلمكم قبل لا اطلع بيوم من شهري نزل مني مخاط الولادة بس قلت يمكن هذا عادي لانه لمى اقول لطبيب يقول عادي ويوم الاربعاء كان 28-7-2010 اخر يوم لي ونزل بعد وقلت عادي بس يوم جاة اليوم الي بعده نزل معاه دم وخفت قعدت ابجي خفت خوف ورحت بيت اهلي وسويت شغلي وعدلت اغراضي وبعدين رديت بيت زوجي ورحت مستشفى العدان انال وامي الي هي ام زوجي الله يخليها لي ان شاء الله ويطول بعمرها ان شاء الله وماكان فيني شي وبس الدم وقالت انشوف ورحت وقال الطبيب 1 بس وقلت زين لانه من اول التاسع يجيني طلق والرحم مو راضي ينفتح ورديت البيت ورتبت غرفتي وخلصت شغلي ويوم جاه اليوم الثاني باليل تعبت حيل ورحت انا وحماتي وزوجي وركبوا علي تخطيط وقال الطبيب 2 بس وقال لازم تقعدين عندنا لين الصبح اذا مانفتح راح نطلعج بس انا رفضت ورديت وبعدين نمت الساعة4:30 ويوم صارت الساعة8 جاني الم حيل بظهري وراح ونزل معاي ماي قلت خلني اروح اشوف شنو رحت الحمام عزكم الله وشفت ماي ودم وعرفت انها ولادة ونزلت تحت لامي ام زوجي وقلت لها قالت انا حاسة فيج وقالت لي امشي ومشيت وشربت دارسين والله لايوريكم زاد الم ومارحت المستشفى الى يوم صار الم كل 4 دقايق ورحت الساعة 10:15 رحت انا وحماتي وام زوجي وقعدت حماتي لين الساعة 12 وبعدين راحت وانا مابي اقول لامي لانها بتقعد تحاتي وهي تعبانة ودخلوني الجناح ورحم مفتوح ثلاث ونص والم كل ماله يزيد وقمت ارجع حدي تعبت ومااقدر امشي وقلت لهم دخلوني غرفت الولادة خلاص لانه مافاد ابره الورك لانه قام يزيد عن قبل ودخلت غرفة الولادة انا حسبت انها تحت بس كانت فوق وحسب مااحد يدخل معاج بس دخلت امي ام زوجي والله حدي تعبتها وعطوني الكمام لانه قالوا لي انه يخفف الالم والله لاخفف ولا شي والسستر تكشف والم جاني وصرت اصيح حيل وقعد من الساعه 2:45 لين 5:10 لين ماجاه طبيب التخدير لانه سوالي تحليل علشان ابرة الظهر وخذتها وقعد ساعة ونصف اسولف معاهم وعادي وبعدين جاه الدكتور الله ياخذ بحقي منه ان شاء الله كان مفتوح5 وقال لي انتي قيصري وقعدت ابجي يقول اني متينة وبنتي كبيرة والله يابنات اني مو متينة انا مع الحمل امتليت اشوي بس وبنتي والله حيل ضعيفة ونفشت ازيادة بعد ماجبتها قال لاختي وامي ام زوجي وقالت السستر لاتخافين انتي طبيعي وقال لي لج مهل ساعتين بس وجاني زوجي لانه ماكان يدري اني بمستشفى وقعد والله مابعد عن المستشفى ويوم صارت3:10 الفجر بتاريخ 1-8-2010 قال لي انه نبضات الجنين قامت تقل وقالت السستر كلمي الدكتورة الهندية اسمها كرستينا وقبل اكلمها اترجاه وهو عمك اصمخ وقامت وتقوله السستر قال انا نطرتها كثير وقلت لزوجي لاتوقع قال لي وقعي على موت الجنين بس زوجي وقع يوم قال له الدكتور شوف نبضات زوجتك قامت تقل ووقع ويوم شفت سرير العمليات قعدت ابجي بجي وقمت ارجع مع العلم الرحمن انفتح 9 ونص وراس كان واضح وقالت لي السستر اني اضغط على تحت بس الدكتور مو راضي ودخلت غرفة العمليات وجبت بنوتي الحلوة وبس كنت مهبولة بعد ماطلعت من غرفة العمليات قعدت اطالع باختي وامي ام زوجي وزوجي وقلت لهم ابي بنتي ماشفتها وقالوا بيجوبونها الساعة 6 الصبح بس لو هذا الدكتور مو موجود المستشفى بخير لانه الدكاترة كلهم زينين والسسترات حبوبات وياخذون الياهل منج مايجوبونة الى لين يبجي واذا جاه موعد الزيارة ماطلعوهم والله اهتمام يهبل حيل وبعد ماولدت جاه دكتوري الي اراجع عنده عصب اني ولدت قيصري بس تعبت ماقدر اسوي شي بس الحمد الله عدت على خير بس نصيحة يابنات اذا وحدة جاها الطلق لاتشرب دارسين لانة يجيب الطلق ولا يفتح الرحم واللسستر الي قالت والله انا جربت ويوم الرحم انفتح لين 9 برد عندي الطلق وعطوني صناعي بس ادعولي اذا ربي رزقني مرة ثانية اولد طبيعي لاتنسوني اوكي حبايبي انا ابي اطلع ارضع بنتي لانها تبجي ودخلت اكتب لاقصتي واطلع كتب القصة وراحت نفس ماشفتوا جننتني بنتي
حبيبتي اول شي مبروك عالبنوووتة وربي يحفظهاا لج وتفرحين فيهاااااااااااا... انا اختي نفس الشي صاار معاااها وصلت لتسع سم وعقب سوووولهااا عملية ... بس عذرهم كاااان ان اختي مااساااعدتهم بالولادة وانهااا كانت معصبة ومتنرفزة ,,,, يعني وحدة فيهااا ألم ولادة شنوو بيتوقعوووون منهااا,,, بس الحمدلله يااااربي علي كل حااااااااال وبصراااحة عقب قصتج ماااأفكر اني لووو حملت انشالله اووولد بالعدااان اخاااف اطيح بنفس دكتوووورج :wink_smile:
ياعمري الف الف مبروكواي قصتج عوار قلب حسبي الله عليه هالدكتور لو دازه شوي جان طالع الراس بس يالله الحمدالله على كل حال
مبروك يا قلبي والحمدلله عالسلامه الله كاتب انج تولدين قيصري وان شالله الولاده اليايه تكون طبيعيه انتي ولدتي بالعدان او بمستشفى ثاني؟؟ وبليز اسم الدكتور النحس عشان ما نروح له....
قيصري والا طبيعي المهم سلامتج وسلامة بنتج الحمدلله عالسلامة ومبروووك البنوته الحلوة بس قوليلنا شنو سميتيها؟
حمد الله على سلامتك والحمد لله إنك والبنوته بخير حتى لو بقيصرى والله إن شاء الله بعد شوى ما راح تحسين إنك ولدتى قيصرى بس إهتمى بنفسج حيل.
حبيبتي حمدالله على سلامتج ومبروك ماياكم مستشفى العدان استغفرا الله العلي العظيم مااسميه الا مستشفى عديمين الاحساس دكاترتهم مايخافون الله رفيجتي ممرضه بالولادة تقول الدكاتره اليدد الي توهم تدريب يلعبون بالحريم لعب واهي داشه مع وحده الولادة الدكتور توه يديد الا يولدها طبيعي وماتبطل رحمها قالت خلاص ابي قيصريه قالها لا لازم اولدج طبيعي وجبرها كله طلق صناعي لين انفجر رحمها وماتت الله يرحمها اهي والبيبي قولي حمدالله على كل حال ماتفرق طبيعي ولا قيصريه المهم مافيكم شي
الله يبارك فيكم اولا انا ماولدت بالعدان اصلا لو يقطعوني مااولد فية انا ولدت بمستشفى الاحمدي اهو بس هذا الدكتور الزفت بس باقي الدكاترة يهبلون حتى وانتي تتالمين يضحكونج بس ربي طيحني بهذا ووحدة من جاراتنا قالت لي اذا تبين تولدين فية مرة ثانية اطلبي الدكتور اذا هذا موجود لانه تعبج لانه بنتها جذيه والسسترات يهبلون بس لو مو الدكتور هذا بس قدر الله وما شاء فعل ان شاء الله الثاني طبيعي بعون الله
