[center]السلام عليكم ياحوامل ووالدات المنتدى الحمد لله بعد معاناة نفسية وجسمية يا ولدي احمد بالسلامة طبعا الايام الاخيرة لي بالحمل كنت لاجة بنات المنتدى بالاسئلة عن العملية القيصرية وما قصروا معاي الله يجزيهم خير بس ماتوقعت اني اولد بهالسرعة في البداية على نهاية الشهر السادس قالت لي الدتورة انتي داخلة عالسابع والبيبي مازالت مشيمته تحت قريبة من عنق الرحم وراسه ما نزل تحت وشرحت لي الي ممكن يصير معاي وقالت ان الامل بأن المشيمة تصعدت مو كبير لانها حيل نازلة ومغطيه عنق الرحم وقالت لي ان الافضل اني اراجع بمستشفى الصباح لانهم ابخص بالحالات الخطرة المهم سويت تحويلي وعدت السونار هناك وقال لي الطبيب ان لازم ادخل المستشفى بعد اسبوع .... مع ان المفروض يدخلني على طول طبعا اختكم في هالاسبوع ماقصرت من مجمع لي مجمع تجهز لها وللبيبي اغراض والحمد لله خلصت اغراضي وجهزت جناطي ... ولا قبل موعد الدخول بيوم مرض ولدي الصغير وكا نفيه نزلة معوية قبلها بيوم وقعدت حايرة اشلون اخليه واروح انام بالمستشفى ورحت معاة للمستوصف وكان المكان زحمممممه و بعد ماردينا البيت عطيته الادوية وحملته على كتفي وكنت اغني له واحضنه عشان يحس بالحنان ونومته بعد ما حطيته بسريرة رحت قعدت بالصاله مع زوجي وقلت له خلاص آنه مابدخل الصباح باجر خل اسوي دخولي يوم الاحد ليما الولد يتحسن قال لي كيفج ........................... بعدها كنت بعد قعدتي على الكرسي ولا احس بشي داااااافي ينزل مني ولا اقول حق ريلي وي هذا الظاهر ان ماي البيبي انبط وقمت عشان اروح الحمام ولا الموضوع مو جي ريولي وهدومي كانو حمر .... دم وايد وكل ما امشي خطوة كأن حنفيت مبطله زوجي خاف وارتعب من المنظر .. الدم في كل مكان وكثييييير وآنه ميته من الخوف ... خايفة دمي يخلص ماتوقعت اني بنزف جذي على بالي النزيف مثل الدورة الشهرية ياربي ترحمني وترحم الياهل الي ببطني خنت خايفة علية اني افقده طبعا زوجي على طول اتصل بالاسعاف وآنه حضرتي واقفة بغرفة النوم مصدومة ما ادري شسوي ولا زوجي يقول لي روحي نامي على السرير لا توقفين انتي خايفة على الماترس والشرشرف ؟؟؟ ورحت نمت لعى السرير والنزيف يزيد الماترس تحتي غرق وآنه اتشهد واقول مو معقولة بعد كمية هالدم بعيش واناجي ربي وادعية انه يرحم عيالي ويرحمني وهني وصلو الاسعاف بعد عشر دقايق اخذو الضغط والحمد لله كان طبيعي وودوني بسرعة لمستشفى الفروانية لانه كان الاقرب لبيتنا وآنه المتفرغة اقول لهم لا مابي الفروانية ابي الصباح خخخخخ من كثر ماسمعت من البنات ان الفروانية فيه اهمال ووصاخة تعقدت المهم وصلنا هناك ودخلوني على طول غرفلة الفحص قصوا هدومي ولبسوني لبس المستشفى وحزتها حسيت بغثيان وضيق تنفس والم بكل جسمي وقمت اهذي وابجي ما ادري شسوي ورجعت الاكل الي كنت متعشية فيه وكنت اعتقد ان هذي علامات الاحتضار بعدها دخلت العناية المركزة وكنت اقرا سورة ياسين وهناك سألني الدكتور ليش الصباح ما دخلوج المفروض من اولها تتمين عندهم تحت الملاحضة وبعدها قال لي انتي نزفتي كمية كبية والحين لازم تدخلين العمليات علشان ننقذ حياتج مو علشان البيبي قلت له بس في اطفال ينولدون اصغر منه ويعيشون قال الله كرين بس حتى لو ولدتيه وعاش ممكن يتأثر باللي صار لج ويكون لا سمح الله فيه اعاقة بس الله يكتب لج وله السلامة طبعا حزتها كانوا السسترات منتهيين من تنظيف جسمي عن الدم وحاطين لي الجهاز الي يبين نبض البيبي والا الحمد لله في نبض ومنتضم وكنت فرحانه وايد واحمد الله وادعية انه يلمه من كل عاهة بعد دقايق نقلوني لغرفة العمليات لكن جنها سنه من كثر ماكنت اعاني و تعبانه وهناك عند بابالعمليات كان في طبيب قال لي حافضة آية الكرسي قلت له اي قال لي اقريها علشان فيها اسم الله الاعضم قريتها حطولي كيس دم وخدروني وما وعيت الا الساعة اربع الفجر وآنه في غرفة الملاحظة وهناك كان علي كيس دم جديد ووتأثير البنج كان عامل عمايل بس كنت احس اني مرتاحة من الي صار لي البارح ومكان العملية احس انه شاد ولا اقدر اغير وضعي بس كنت احمد لله على انه نجاني وكنت افكر بالمولود وبولدي الي بالبيت وابي اي احد يدخل علي حتى اسئلة واتطمن واول شخص دخل علي هو بنت خالي وهي طبيبة وحضنتني حيل وقالت لي البيبي جميل وحالته زينه ولا احاتي واهو بالحاضنه وان كل الي صار لي اجر ولازم احمج الله على السلامة فرحت بكلامها ويا الطبيب وقال لي ان المولود سليم وان وزنه كيلو ونص وهم ماكانو متوقعين اكثر من كيلو 200 حسب قراءة السونار وعدت الايام الاولى بعون الله والمسكنات ومساعدة امي وخواتي واهل زوجي والحمد لله كنت اتحرك دوم وهذي نصيحة عسولة لي واشرب سوائل كثير وكنت كل يوم ارسل من حليبي للبيبي وما شفته الا مرة وحدة وما سمحو لي بعدها لانه في العناية المركزة ومناعة الاطفال ضعيفة ما تتحمل الزوار ونفسهم طلعت من المستشفى خامس يوم وشرفت بيتي وسط فرحة اطفالي وزوجي بس فرحتي كانت ناقصة بدون احمداني اليوم لي عاشر يوم وانا في انتظار حبيب القلب آخر العنقود ادعي الله يعطي كل محرومة ويرزقها الذرية الصالحة وانه يفرج عن كل ام تنتظر شفاء ضناها ومنهم مثلي ان الله يقر عينهم بمواليدهم ويشوفونهم يلعبون سليمين جدام عيونهم ادري طولت بس حبيت انقل لكم تجربتي حتى الي بنفس حالتي يستفيدون ومايتهاونون اذا اكن عندهم مشيمة نازلة او ماي ناقص والي احمد ربي عليه اكثر انه ستر علي وما نزفت في السوق ولا في المستوصف وهذا كان خطأي وخطا الاطبا الالي مريت عليهو ما كان يقولون لي الا لو تشوفين نقطة دم تعالي اهي ما كانت نقطة كانت بحور وسلامي للجميع [/center]
الحمدالله على سلامتج الصراحه الله يعطيج العافيه انتي ماشاءالله عليج مره صبوره وتذكرين الله دووووووووووووووووووووووووووم هذا اللي حسيته من كلامج يارب يطلع ولدج بالسلامه وتفرحين فيه ويارب يقومج بالسلامه ويخليلج اللي تحبينهم
ياقلبي انتي الله يعينج يااارب ويشفيلج اوليدج ويقومه بسلامه ((حبيت اطمنج انا اخواني كلهم ينولدون بسابع والحمدالله كلهم بخير ال اناا طلعت 4 كيلووو هههه ولاتحاتين بس يصير وزنه 2 كيلوين وكم اغرام بيطلعوونه وان شاء الله خير والله يعينج مرة ثانيه واجر وعافيه ان شاء الله ))
الحمدلله على سلامتك وماجوره ان شاء الله على كل اللي مريتي فبه والله يشافي لك ولدك وتقر عينك فيه ويبلغك فيه ربي عريس يارب اااااااااامين يارب العالمين
حبيبتي انتي الحمدلله على السلاااامه يااا قلبي واجر وعااااافيه يالغلاااا عسى الله يقر عييينج بسلااامة وليدج وطلعته من المستشفى بصحه وسلاااامه ياااااااااااااا رب ( :
الحمدلله على سلامتج والله حدي تاثرت من قصتج كله اجر وثواب لج ان شاءالله الله يشافي ولدج ويقر عينج بشوفته امين يارب
