:teeth_smile:السلام عليكم حباايبي بسولف لكم اليوم عن قصة ولادتي وشسوو فيني العرف اولااا انا رحت تعبانه شووي بس عواار ولادة بداية قلت اروح عشاان يعطوني مخدر وانام لين اولد رحت للعرف افحصوني قالت لي الدكتورة انتي مفتوحه 2 ونص سانتي بس العنق الرحم مسكر ومستحيل تولدين طبيعي امممم بداا فيني الخوف ولادتي الاولي طبيعي ليش قالت مستحيل طبيعي تولدين وسوتهااا سالفه امي الله يخليهاا لي قالت توناس 2 سانتي امشي الجهراا وخليناا نشوف شيقولون ردت الدكتورة ما انصحكم تطلعون من اهني خلوناا نحولهااا عمليات امي قالت لاتوناااس طلعنااا رحنا مستشفي الجهرااا فحصني الدكتور وقال في ولادة بس مو الحين خلوهاا تدخل نتابع حالتهااا ونشوف سونار والتخطيط المهم دخلت وكلي خوووف من سوالف الحريم عن المستشفي بس توكلت علي الله دخلوني الوضع وجاابت الدكتورة السونار وقالت كل شي تمام والبيبي اوكي التخطيط اوكي قالت الحين نحولج الجنااح قتلهاا دكتورة تقول العنق مسكر ومستحيل طبيعي اضحكت قالت ليش انتي مو اول ولاده طبيعي وبعدين العنق مفتوح عندج وااضح انه مفتوح من زمااان وراح تولدين طبيعي حولتني للجناااح وصار الصبح وجت افحصتني ولااا توه 3 ساانتي وانااا خاايفه من العمليه علي الكلام الدكتورة العرف المهم قالتلي خلج علي راحتج مني لبكرةواذا ماافي ولاده نعطيج طلق صنااعي نحفز الطلق عندج طلق باارد قلت لزوجي ما ابي بروح العرف هذول جذابين قال كيفج رحت لدكتورةقتلها بطلع علي مسؤليتي نص ساعه بروح امشي وارد قالت اوكي بس لاتطولين ووبس تحسين بعوار تعالي بسرعه اوكي رحت للعرف الدكتورة قالتلي انتيالعنق مسكر لاااازم عمليه رجعت للجهرا قلت لهم اخر يوم بس وبعدهاا اسوي عمليه سبحان الله صار الصبح جت الدكتورة وقالت ماشاء الله 4 سانتي ولله الحمد طبيعي بدون صناعي الوضع ومااشاء الله علي ولادتهم والله اني ماحسيت بشي دخلت الوضع افحصتني مرة ثانيه طق المااي البيبي ابرة مخدر نمت قعدت صرخت نوموني المرة الثانيه يلااا شدي شدي نفس الحلم سبحان الله ولدت بعدهااا قعدت عبالي حلم اسال الدكتورة اناا كم سانتي الحين قالت خلااص ولدتي وجبتي بنوته زي القمر لااا ولقيتهم داقين علي امي وجاايه وجايبه االاغراض لاني مايمديني ادق رحت الوضع من غير لا لااعلم احد ولله الحمد خلصت بسلاااام بنااات لاتصدقون المستشفيات الخااصه من يقولون عمليه نصاابين يبون فلوووووس بس وللهم لك الحمد والشكر يارب ابي ردوودكم علي قصتي ؟؟ انتظركم
حياتي حمدلله على سلامتج الف مبروك المولوده اليديده وتتربى بعزج وعز ابوها . انا كنت مفتوحه ثلاثه سانتي وخالتي ام زوجي كانت معاي بس قالت حق الدكتوره مانبيها تدخل الحين المستشفى انا ايبها بليل وتكون على وشك ولاده لانه تقول الدكاتره يلعبون فيج اذا دخلتي مبجر وصج رجعت البيت وحطيت بخوره وسويت رياضه ومشيت وشربت خروع واناناس ماصارت الساعه 12 بليل الا انا مفتوحه 5 سانتي والحمدلله ولادتي كانت سهله على قولتج جنها حلم لله يخليلي وليدي ويحفظه لانه بعد 8 سنين وبعد 7 اجهاضات يبته .
حمدلله على سلامتك اولا وتتربى بعزك وعز ابوها000 سوالف المستشفيات وين ما تروحين سواء خاص او حكومي والعرف انا من عشاقه الصراحه ولادتهم وخدمتهم فرق السماء عن الارض بنسبة لمستشفى الجهراء ولدت 2 من اولادي بالجهراء يتركونك كنعجه حتى تولدي لا رحمه ولا انسانية كانهم يعاقبونك لانك حملتي00والعرف عسى الله يجزي منصور العرف خير الجزاء على هالمستشفى الاكثر من رائع000 تحياتي لك
حمد لله على سلامتج يارب والف والف مبروك المولود الجديد ويتربى بعزكم ياارب العرف اللي سمعته انه يعاني من مشاكل بالفلوس ومظغوط عليهم ونفس حالتج وحده من البنات قالت انهم قالولي عمليه وحلفت ان الدكتوره اللي بالمستشفى قالت لها بدون عمليه ولما رجعت للمستشفى ولدت طبيعي وتوأأأم ماشاءالله عليهم سمتهم (( حمد ومحمد ))
الف مبرووووك والظاهر هالدكتوره هذي مالها خلق تصدقين اول مره اسمع هالسالفه اذا مفتوح2 سانتي معناته مسكر الرحم هذي جذابه بولاداتي الثنتين كان رحمي مفتوح 2سانتي وابنتي الثانيه سانتي واحد والله وكله اخذ طلق صناعي وعادي يفتح الرحم اهم شي قمتي بالسلامه ياقلبي
حمدالله على سلامتج كلامج صحيح الخاص بس يبون فلوس صحيح الحكومه مو بمستوي الخاص بالنسبه للنظافه و الكشخه بس الحكومه رعايه اكثر و اهم شي الوحده سلامتها و سلامت البيبي مو مهمه الكشخه انا ناويه اولد بالصباح لان الحكومه خبرتهم اكثر
الحمدالله على سلامتج وسلامت البنوته وع البركه والله التساهيل من رب العالمين ... الله يتمم علي انشاءالله وأولد طبيعي
السهاالات من الله و الحمدلله عالسلامة على ضمير الطبيب و شطارته و على الدعاء و الاستغفار مو منهم حكومة و الا خاص نفس الشيئ حتى طبيب الحكومة ياخذ مكافاة على العملية ؟؟؟؟؟؟؟
حمدالله علي سلامتج وموشرط خاص لازم عمليه انا دكتوري بخاص قال لي تو الناس رجمج بس 2 سانتي انطري اسبوع وتعالي انا مومستعجل عليج وينصح وحبوب حيلللللللللللل ومحترم والله لايحدنا علي الحكومه جن حنا فراشات عندهم حتي الحمام لوتموتين مايقومونج تروحين ووووووووووع وريحتهم ووصاختهم وناس رايحه وراده وصراخ ونفسيتج تتعب <<<كلاام بنات مجربين العدان والصباح اهم شي عندي بالولاده الراحه والمكان الشرح لو ادفع مليون واصابعج موسوا انا ماجربت العرف انا كل ولاداتي بالسلام فوووووووووووق الامتياز
الحمـــــــــــــــدلله على سلامتج .. ومبروك ما ياج حبيبتي انتي ممرضة والمفروض تعرفين هالسوالف؟! نا تذكرين بسنة ثانية شنو خذينا بالتمريض العملي ؟؟ كتاب كامل شكبره عن هالسوالف! طبيعي جدا اذا 2 سانتي .. وبعدين اهي على أي أساس قالت لج عنق الرحم مسكر؟؟ فحصتج؟؟ المفروض من البداية تقولين لها انتي منو وشتشتغلين .. لان ترى يعملون ألف حساب اذا دروا ان لج خبرة ودارسه هالشي .. أهم شي سلامتج يا معوده .. وعقبال ما تفرحين فيها عروس .. ويا ريتج حاطه اسم الدكتورة ومفشلتها .. عشان البنات يديرون بالهم .. والدكتورة الثانية بعد السنعه عشان الكل يدعي لها .. الله يحفظج ويحفظ بنيتج
علي سؤالج هي افحصتني وسويت سونارين الاول الي عندهااا بالغرفه والثاااني الدقيق الي 30 تحت بالسرداااب وللعلم الرحم فاااتح كااان بس تقولي عنق الرحم مو فااتح
