قصه مشوقه كويتيه حبت بحريني

القصه شوي من تأليفي وشوي صج صاير اذا اعجبتكم القصه بكمل كل اجزائها

اعرفكم على نفسي انا (فجر) من الكويت عمري 21 وأحب البحرين حدي لان في سبب راح تعرفون كل شي بتفصيل راح اعرفكم على اهلي أمي الغاليه ( نوف ) حدها طيبه و متفهمه بس شوي عصبيه واعتبرها مثل صديقتي عندي أربع خوات انا الوصطيه فيهم اختي الكبيره (شوق) ويلاه عليها شوق غريبه و طيبه بسرعه ينقص عليها و أختي ( ملاك ) هاذي وايد حبوبه وملتزمه في الدين طبعا متزوجه و اختي (مناير) مسكينه مو صاحيه كله تعصب على اشياء سخيفه يعني بالعربي ما اتغشمر واختي ( أنوار) الجعده حدها مليقه مراهقه يعني دلوعه حيل الي يقرب منها ياويله من أمي
المهم خلوني أرد حق قصتي انا تربيت في بيئه مزعجه و متوتره حيل يعني عارفين سوالف الام والابو هواش ونجره كل وقت وعصبيه الفرح عندنا يمر مره بالسنه آخر الهواش والنجره ابوي و امي تطلقو وصرنا انا وامي وخواتي بروحنا امي فكتنا من عذاب ابوي لان كان حيل عصبي وكله يطقنا وانا وخواتي كل وحده فينا ادور الحنان من أي شخص سواء صديقه او وحده قريبه علينا امي مشكلتها طيبه وحنونه بس عيبها ما تبين لنا اهنا تحبنا وايد تستحي امي حدها ما استانست في حياته نص عمرها قضته مع ابوي ما ارتاحت كلش يعني بالاصح سالفتنا نفس أي سالفه بالمجتمع الكويتي تلاقي الام متزوجه من عمرها 17 ليمن تكبر ريلها يبدلها في يديده طيب وين الايام الحلوه والعشره راحت نسيتوها رياييل مالكم صاحب كلش تنسون كل التضحيه بس تشوفون وحده ثانيه طبعا مو الكل الريياييل جذي اغلبكم يعني المهم قبل ما يطلقون امي وابوي كنا بايعين بيتنا وسكنا في بيت يديد عقبها في فتره تطلقو واحنا قاعدين انسوي بيتنا من تجهيزات لفت نظري شخص يصير جدام بيتنا مادري في شي غريب شدني له بس شنو ماعرف كنت صغيره مالي بسوالف هاذي بس اهو الوحيد الي جذبني مع الايام صرت اشوفه وايد يطلع بره بيتهم ويقعد ويخز الكل الي رايح والي ياي حتى خواتي ماعافهم لحقهم بعد يعني الولد راعي سوالف عاد يوم من الايام كان الجو بارد والهوى حده قوي قلت ابطل دريشتي ابي داري تتهوى المهم بطلتها وانسدحت على فراشي فجاه اسمع صوت اغاني قلت بسم الله شنو هاذا الصوت من وين طالع ؟؟ شسالفه خلني اطل بره واشوف شوي ولا ولد ايرنا طالع من سيارته ومعلي صوت الاغاني قلت بقلبي فديته والله كان حاط اغنيه حق فرقه جيتارا اسمها حبيبي تعال شوف قلبي الملهوف من يومها حبيت الغنيه هاذي و اهو نازل من السياره شافني استحيت انا نزلت راسي قعدت اطل من الدريشه على اساس الجو حلو التفت صوب بيتهم ولا اهو بعد يطل من دريشه وصرنا كل يوم نطل من الدريشه نفس الوقت ونفس الحزه مع الايام طولنا بس اطالعه و يطالعني حدي مراهقه اهو كان اكبر مني في 6 سنوات كان عمري وقتها 14 سنه حدي صغيره عليه بس كنا نطالع بعض ما صار شي بينا مع الايام تغير وقتنا وصرنا نطل الفير تطورنا شوي قام يأشر بيده حقي مافهمت شنو يبي اشوف يحرك ايده قلت غريبه اشفيه هاذا؟ صار مينون ولا شنو ويمر الوقت واحنا على هاذي الحاله راح فصل الشتى ويانا الصيف صار الجو حار ماحب اطل وايد و اهو من كثر ما شمس في ويها قام يحط فوطه على راسه لونها ابيض ويربطها في راسه ورد أشر بيده حسيت اني حبيته مع الايام حبيته بدون ما اكلمه وكان كل وقتي وتفكيري فيه اهو وبس
حتى اختي ملاك شكت بالموضوع يعني حست ان في شي يخليني اروح داري امبجر معني كنت احب اسهر الصبح معاهم اختي كلمتني
ملاك : فجوروه انتي شنو سالفتج ؟ تسوين روحج تبين تنامين احسج جذابه
فجر : شكو اجذب يعني الواحد مايرتاح مثلا يلا قومي تسبحي وايد الدهن الي في شعرج تنقع حده انا بروح انام تصبحين على خير
ملاك: وانتي من اهله
رحت داري توني ببطل الدريشه ولا اختي ملاك انزلت تحت تناديني تستعبط علي اهي تدري ان عندي شي بس موعارفه شنو
ملاك : فجور ألوووووووو ادري فيج مو نايمه لا تحقرين
فجر : اهم شي شكو توني بحط راسي على المخده ولا انتي تناديني خير اشتبين أوووف
ملاك : ههههههههههه وراج شي بس كيفج حبيبتي ردي نامي يلا باي
فجر : بايات
وقتها حدي خفت انها اطيح علي راحت ملاك وخليت دريشتي امبطله شوي ولا ولد ايرانا يفتح الدريشه وصار يطالع ويأشر انا قلت حق نفسي بغير وبصعد الصطح احسن حسيت نفسي في مسلسل درب الزلق ههههههه صعدت الصطح ولا اهو صعد انا قلبي قام يدق انخشيت واهو قام يدورني اخر شي فتحت الباب بدش داخل ولا ياشرلي بيده جنه يقولي وقفي بلييز وقفت عند الباب مادري اشفيني خفت منه ونفس الوقت ابيه قام يأشر بيده عند الباب الي وراه ويكتب رقمه هههه انا قمت وسجلت رقمه سلم علي من بعيد وراح انا ظليت خايفه ومرتبكه شوي والف ويهي ولا خدامتنا وراي حدي انصعقت قتلها ويعه
فجر : ميري شنو سويي انتا اهني ؟
ميري : انا ياخذ غسيل
فجر : انت شنو شوف
ميري: ههه كل شي شوف
فجر : انتي لاكو قول حق ماما كبيره ياويلج
ميري : لا ماكو قول مافي مشكله انتي بجا لازم هبي واهد
فجر : يلا روهي انتي نامي
المهم رحت داري افكر اشلون اكلمه ماعندي موبايلي اوووف اخاف اكلمه من تلفون البيت و اتوهق شسوي ظليت افكر لي الظهر اشلون اكلمه الولد خلاص دش مزاجي لقيت فكره اشلون اكلمه تيمعو في بيتنا بيت خالتي واحنا وااااايد معاهم بشكل غير طبيعي جنا خوات واكثر من خوات عاد وحده من بنات خالتي انا ومعاها وايد كل شي اقولها و نوعها طيبه تسمعني اذا شكيت عن أي شخص وتساعد الواحد اذا تقدر تسمها ( أفراح ) ناديتها
فجر : أفراحوه تعالي بكلمج شوي بس بروحج تعالي داري بليز ؟
أفراح :اوكي نطري شوي
شوي ولا يتلي أفراح
أفراح : ها اشييج خرعتيني حدج شسالفه ؟
فجر : نزلت راسي يعني مع ويهي مستحيه منها ههه قتلها سالفة ولد جيرانا
أفراح : اممم والمطلوب شنو ؟ اخدمج فيه ؟
فجر : ماعليج أمر ابي استخدم موبايلج بكلمه لان ودي في الولد احس راح احبه من كل قلبي
أفراح : بس تدرين انا ماعندي هسوالف هاذي اخاف احد يطيح عليج وانا ابتلش وانا بعد غير جذي خايفه عليج الولد يمكن يسوي شي فيج
فجر: لا شنو بسوي اهو ولد ايرنا مايقدر يضرني بشي يلا عاد افراحوه اكلمه بس شوي عفبه عن خاطري
أفراح : اوووف شسوي فيج مابي اردلج طلب بس هاا ما اوصيج تكلمي بصوت واطي علشان خالتي او خواتج ما يسمعونج
فجر : حاضر بسوي الي تبينه
أفراح : شوفي انا بروح صوب باب دارج وسواي روحج قاعده تتكلمين بسمع صوتج يطلع بره او لا
فجر: وااااي شنو انتي حدج خوافه يلا طلعي وبتكلم
أفراح : اشوه ماكو صوت كلش يلا دقي عليه الحين
فجر: اخاف شقوله ؟؟ ماني عارفه
أفراح : يعني ما لقيتي الا انا تساليني دبري حالج فكري شوي فتحي مخج
فجر : عندي خوش فكره اشرايج اكلمه ليمن يطل احسن ؟
أفراح : أي والله احسن رعلشان يعرف ان انتي الي داقه خوش فكره
فجر : عيل شوفي خلينا ننزل الحين نروح تحت نقعد مع الاهل والفير نصعد لان انتو اساسا راح تنامون عندنا الله يعين امي عليكم ههههه لا لا اتغشمر
افراح : مالت عليج بعد اتذليني ههه بكفخج يلا قومي ننزل الحين
نزلنا صرت افكر فيه شقوله اشلون ابتدي اشلون اقوله قوه شخبارك افكار وايد قامت تييني وحدي سرحانه فيه والكل يطالع يقولي قومي قعدي معانا نلعب أونو اقولهم مالي خلق ظليت افكر وافكر لي كلهم نامو وظليت مع بنت خالتي وصارت الفتره الي يطل منها اهو طل ويقولي من بعيد دقي علي عقب ربع ساعه اتصلت فيه دقيت رنه وصكيته خفت ترددت يتلي قشعريره
قام يدق علي ويدق ويدق وانا ما اشيله وبنت خالتي حدها ميته من الضحك
افراح : فجور ويهد قومي شيلي التلفون الولد قاعد يدق ليش حاقرته
فجر: وااااي لا حدي ختيفه استحي
افراح : انتي ردي عليه اكيد اهو الي راح يتكلم اول
فجر: اوكي بحاول اشيله
شلت التلفون ودقات قلبي قامت تزييد
الولد : ألوووو ؟ قوه وينج على الخط ألووو ؟
فجر : هااا ؟ ألووو شنو
الولد : ههه ليش صوتج جذي مرتبك ؟ شكلج اول مره اتكلمين فيها واحد
فجر : هااا أي أي صح كلامك
الولد : شسمج ؟
فجر: اسمي فجر وانت شسمك ؟
الولد معقوله ماعرفتي اسمي انا كل ماتطلعين بره اخلي خدامتنا تناديني علشان تسمعيني اسمي توقعتج تعرفينه
فجر: لا والله ماعرف اسمك كلش يلا قولي شسمك ؟
الولد: جاسم
فجر: والنعم
جاسم : بصراحه انا حدي معجب فيج ومنجذبلج حيييل
ظليت ساكته ما اتكلم كله اهو يسولف واسمع صوته حدي حبيته اكثر من اول ما سمعت صوته
صكرت التلفون منه ولا يطرشلي مسج ليتنا مثل رمش العيون نلتقي في وقت والمسج الثاني الله يكون في العون احباب يتغلون نرسل وهم يمسحون قلت حق أفراح انها ماتسمج المسجات كل شوي اقوم واقرى المسجات وانطر اتصاله ويتلي افراح تضحك
أفراح : ههههههههههههه وربي صحكتيني شكلج مسخره حدج لي هدرجه تخبينه
فجر: لاتحرجيني اكثر احبه أي فيها شي موقادره اشيله من بالي كلش والله
أفراح انزين انا يايتلج كنت بقولج انه دق يلا كلميه انا انطرج بصاله بس هااا لا تخلصين كل رصيدي
فجر: هههه الجعص طول عمره جعص اوكي لاتخافين على رصيدج بدق رنه يا الجعصه
أفراح : جعص ويهج يلا بروح الحين بره باااااااااااااااي
فجر : مالت بايات
قمت اطالع تلفون واهو يدق كل مادق التلفون قلبي يدق معاه رديت عليه
جاسم: فجوره شخبارج ؟
فجر: تمام بخير وانت
جاسم: الحمدالله ما قلتي جم عمرج ترى مادري عنج شي الا اسمج خو انتي ما تتكلمين كلش بس انا قاعد اقرق على راسج وايد قوليلي كل شي عنج
فجر: عمري 17
جاسم : عمر كله هم انا قلت جذي عمرج
انا جذبت في عمري لان قلت لازم اكبر من نفسي شوي
جاسم : اقول فجور تفكرين بالزواج
فجر : هااا شنو شكووو
جاسم : ههههههه اشفيج انحرجتي اسف مو قصدي بس مجرد سؤال
فجر : مادري يعني عادي
جاسم : بصراحه انا شكلي بتزوجج
اهو قال جذي حسيت كابين علي ماي بارد سكت 5دقايق وقمت اقول في قلبي معقوله الدنيا اضحكتلي من الاول بتزوج شخص يحبني معقوله
جاسم : ألووووووو فجور وينج ؟
فجر : كاني موجوده
جاسم اشفيج سكتي فجاه
فجر : سلامتك ولا شي
جاسم :بس بالاول لازم اختي تتزوج الي اصغر مني علشان ما يبقى في البيت إلا انا وانتي
فجر : اهاا ليش تبي فكه من اختك ؟
جاسم : لا مو فكه بس ودي انها تتزوج علشان يصفالي الجو معاج
فجر: نعم يصفالك الجو معاي اشلون يعني؟ وضح ؟
جاسم : ههه لاتفهميني غلط اقصد يصير لنا دور بروحنا حقي انا وياج عاد بصبغ دارنا حمره ونلبس في اول ليله لنا احمر
فجر: اوكي انا بروح الحين مشغوله عن اذنك
جاسم : اوكي ديربالج على نفسج باي
فجر : باي
من اول ما صكيته منه حدي مستغربه اشلون تجرأ وقالي جذي غريبه مرت أيام وشهور على علاقتنا عاد من المرات كنت اكلمه الفير
جاسم : فجور حلمت فيج
فجر : امبيه شنو قول عسى خير
جاسم اشفيج خفتي أي خير حلم حلو حده
فجر : قوله بسمع
جاسم : امممممممم من وين ابتدي
فجر : اشفيك كله حلم قول شنو؟
جاسم : انا مو بس حلمت انا احتلمت فيج
فجر : احتلمت شنو يعني
وقتها ماكان عندي خبره بسوالف هاذي كلش فصج ماعرفت شنو يقصد
جاسم : يعني حلمت اني نايم معاج
انا اهني سكت منصدمه حسيت قلبي راح يوقف
جاسم : حلمت ان..
قال كلام غير متوقع كلام جنسي
جاسم : فجر اشفيج انتي تحبيني لازم تسويين معاي جذي
فجر: مستحيل انسى هشي ماراح اسوي معاك شي
جاسم : بكل وقاحه كيفج يعني انتي ما تحبيني يلا لا ادقين علي كلش واعتبري الي بينا منتهي باي
لا لا لا لا حدي منصدمه هاذا جاسم الي حبيته مو صج لا مرت شهور ما كلمته حالتي تدهورت كلش ماصرت احب اطلع كله بسطح قاعده صرت ماحب اكلم احد وحدانيه اسمع اغاني حزينه صارت حياتي صعبه بدونه يوم من الايام طرش مسج حق بنت خالتي يبارك على السنه اليديده يتلي بنت خالتي
أفراح : فجور بقولج خبر يفرحج
فجر : شنو ؟ قولي ما ظني في شي يفرحني من بعد جاسم
أفراح : ترى جاسم طرش مسج يبارك على سنه اليديده
فجر : شنو شنو من صجج انتي حلفي؟
أفراح :والله اقري المسج
فجر : أي والله تتوقعين يبي يردلي ؟
أفراح : يمكن شوفي حاول تتصلين فيه
فجر : اوكي

عقبها اتصلت عليه

فجر : ألو
جاسم : هلا والله
فجر : اقولك شي ماصدقت انك دازلي مسج
جاسم :عادي يبه حبيت ابارك على السنه اليديده
فجر: الله يبارك فيك
جاسم : ها لي الحين ماتبين ؟؟؟؟
فجر : لا
جاسم : كيفج باي

صكه بويهي ردت فيني الحاله مره ثانيه خلاص جاسم كان يبي يستغلني ويسوي حرام وياي معني حبيته اهو ماقدر الحب كان يلعب يتله فتره مااشوفه كلش حتى سيارته ماشوفها قلت خير شنو صاير وينه مرت الايام وانا بس انطر شوفته وطلته علي لكن للاسف ما شفته كلش
نمت من التعب قمت اسمع صوت اغاني وطقطقه ولا ابطل الدريشه والصدمه الكبيره؟؟؟؟
سمعت اغنيه يامعريس عين الله .... لا مستحيل جاسم جاسم حبيبي تزوج ادقق واشوف ولا اهو لابس البشت وفعلا يوم زواجه قمت اشوفه وايد فرحان وانا وااااايد زعلانه على نفسي الدنيه الي خلتني اكلم واحد سافل مثله شفتو يابنات سوالف الشباب شنو يسوون من عقب سالفته حسيت نفسي مينونه مو عايشه بدونه أه فيني قهر و آهات منه

يتبع الجزء الثاني

حلووه اتينن بس كمليييييييييييهاااااااااا

يلا الحين انا اندمجت كمليها ...:smile:

يلا ناطرييين

يلاااااااااااااا كمليها

مشكورة عالقصة

يالله ننطرك الين تجين روووعة

حلوووووووووو ورووعه يسلمووو بس كملي يلغلا

روعة قصتك....متشوقة للجزء الثاني:wink_smile:

من جد كملي تكفين يالغاليه