كافي صدماات بحياتي ... قصه كويتيه واقعيه لأميره البجع

السلام عليكم سيدات
شلونكم شخباركم؟
والله اني من زمااان متابعة قصصكم ورواياتكم الأكثر من رائعة
عشت مع أبطالكم وبطلاتكم
بجيت معاهم وضحكت معاهم
ولأني حبيبتكم حبيت أكتب لكم هاذي الرواية الواقعية وان شاء الله تحوز على اعجابكم
بس قبل كل شي أحب أقولكم ان الرواية شوي جريئة
بس انا اضفت بعض الأشخاص والأحداث وحذفت آخرين وبنهاية القصة أقولكم منو الواقعيين
والشي الثاني اني ماراح أقدر أنزل البارتات الا كل يومين أو 3
فالي حابة تكمل معاي حياها الله والعين اوسع لها من المكان وأبي أشوف ردودكم الحلوة
واللي مو حابة تقرا القصة فمجرد انها دشت صفحتي هذا شي يشرفني

يلا نبتدي بسم الله
========

المكان جامعة الكويت كلية التربية
الزمان سنة 1998
عهود: تكفين مريووم تكفين وديني بشوف حموود
مريم: أووووووووو عهدو مابي شنو كل شوي ساحبتني وديني وو وديني
عهود: شسوي تدرين اني ما أسوق وانتي رفيجتي الوحيدة اللي أثق فيها
( مريم وعهود صديقات من أيام المتوسطة وحتى ليما مريم سافرت عاشت بره فترة بحكم عمل أبوها ماكانت تنقطع الاتصالات بينهم)
مريم: أدري بس فشلة والله استحي شيقوول عني الريال؟ كله رازه ويهي
عهود: ما يقول شي وبعدين انتي تقطيني عليه وتمشين تالي تيين تاخذيني وصدقيني هالمرة ماراح تقطيني بس بعطيه شغلة وبمشي
مريم: لا عهدوو انسي لا تحرجيني
عهود: تكفين تكفين مريووم وهاذي بوسة اموااااه
مريم: انزين انزين بس فشلتينا الكلية كلها قامت تطالعنا بس مو اليوم مافي وقت باجر أوديج
عهود: هياااااا حبيبتي والله مريووم
مريم وعهود ثاني سنة لهم بالجامعة
مريم بيضة طويلة ضعيفة وجسمها أحلى جسم من بنات عايلتهم كلها باعتراف الجميـــــع ويها مدور وخدودها ما شاء الله حلجها لاهو كبير ولا صغير شعرها ليه نص ظهرها لونه بني وعيونها كبار بس مسحوبين شوي
عهود سميرة وطويلة وحلوة وضعيفة شعرها طويل أسود

****

هاجر بغرفتها تتذكر

قبل شهر في يمعة بنات خالها وصديقاتها
سوالف وضحك ووفرفشة وفجأة نادتها أختها الصغيرة عبير
عبير(وهي تضحك): هجوور تعالي سمعي اسم حبيب سلمى (صديقة عبير) نفس اسم حبيبج
هاجر( تضحك): وااااااااي فديته لا تطرونه حبيبي هذا
عبير: هههههههههه تعالي تعالي لحقي
هاجر: ها سلمو شسم حبيبج؟
سلمى: اسمه عبدالعزيز ال...
هاجر(مبتسمه): واااااااي يزين اسمه نفس اسم حبيبي انزين وين ساكن؟
سلمى: بمشرف
هاجر: هاهاهاها امبيه لا يكون الحب! تكفين تكفين جم رقمه؟(واهي متأكدة وواثقة ان مو عزيز بس جذي غشمرة)
سلمى:هههههههه 97
هاجر(بابتسامه عريــضة) : ايييييييي
سلمى: 04
هاجر( صغرت الابتسامه): ايييييييييي؟؟
سلمى: كملت الرقم (بس طبعا ما اقدر اكتبه)
هاجر والصدمة باينة على ويها وولا كلمة
سلمى ليما شافت جذي انصدمت
كان المكان لويه وضحك بس ليما شافو البنات الصدمه على ويه هاجر وسلمى الكل سكت ويطالعهم
هاجر لا شعوريا نزلت دمعاتها وسلمى ليما شافت جذي بجت
هاجر: سلمى ممكن سؤال؟ من متى تعرفين عزوز؟
سلمى : من 3 سنين وانتي؟
هاجر: امبيييييييه لألألأ انا من سنه و3 شهور.. (من الصدمة قامت تخربط) انتي للحين معاه؟؟
سلمى (واهي ميته من البجي): ايييييي الخاين يعني شنو كان يلعب علي يجذب علي؟؟
هاجر قامت تبجي بهستيريا وقامت لمت سلمى وباست راسها
هاجر : سلمى سامحيني سامحيني مادري والله مادري انه يعرفج والا يعرف غيري
سلمى: لا تبجين حبيبتي مسامحتج مو ذنبج والله مصدقتج
هاجر(منهارة): الخاين الحيوان أكرهه أكرهه تكفين سلمى دقي عليه جدامي أبي أطلع حرتي فيه
سلمى (امسحت دموعها): ان شاء الله حبيبتي بس هدي .. وقامت دقت على عزيز
سلمى:ألوو
عزيز: هلا عمري
سلمى: ها عزيز وينك؟
عزيز: عند الربع حياتي ليش؟؟
سلمى: انزين عزوز عندي لك مفاجأة...

*******

تهاني بغرفتها الساعة 12 بالليل
يرن تليفونها (عالية يتصل بك)
تهاني: ألووووووو علوية
عالية( بنت خالها): هلا تهوون تكفين طلبتج
تهاني: آمريني يالغالية جم علاية عندي
عالية: تهاني انا متناجرة مع سعود (زوجها) وطلع أدق عليه مايرد علي تكفين بعطيج رقم ولد خالته جراح اهو كله معاه .. تكفين دقي شوفي الوضع وحاولي تشوفين اذا سعود معاه والا لأ
تهاني: هااا؟ لا عالية انتي شتقولين ؟؟ لا يبا مابي أخاف
عالية: من شنو تخافين؟ تكفين دقي انتي المنقذة من لي غيرج؟
تهاني: لا عالية لا تشربكيني بمشاكلج مع ريلج ترى اهو شري ومالي خلقه وبعدين اخاف ولد خالته مثله شيفكني ذيك الساع؟
عالية (ميته من البجي): الله يخليج تهاني عشاني والله مو قادرة أحس اني بمووت أبس أعرف اهو وينه ومن معاه. تدرين بعد فيه وبسوالفه أخاف يرد حق البنات والسهراات اللي خبرج
تهاني : اي كاه انتي قلتيها وانا اخاف ولد خالته مثله ذيج الحزة شيفكني منه يبا هذول مايخافون ربهم تبيني أقط روحي بيدهم؟؟
عالية (تبجي زيادة): يبا سوي روحج غلطانه بالرقم أي شي بس الله يخليج لا ترديني تكفيــــــن
تهاني( انكسر خاطرها): خلاص خلاص علاية عطيني الرقم
عالية: حبيبتي والله سجلي عندج 908....
ان شاء الله بكمل البارت بعد الردود

مشكوره \

تسلم ايدج :smile:
ننطر التكمله

بصراحه القصه منقوله للـلأماانه

يلا حبيبتي شوشوه كلمت البارت الثاني لعيونج قلابي :angel_smile:


عالية: حبيبتي والله سجلي عندج 908...
تهاني: أوكي الحين أدق وأطمنج باي
تهاني ترددت ما تدري تدق والا لأ
خافت واايد تدري بسوالف سعود وأكيد ولد خالته مثله دام يماشيه.. قالت بقلبها ليش أورط نفسي؟؟
بغت تدق على عالية تعتذر منها انها ما تقدر بس كسرت خاطرها
قالت يلا أدق واللي فيها فيها وحتى لو رد دق علي ما أرد عليه عقب ما أطمن بنت خالي
مسكت تهاني الموبايل ودقت على الرقم يرن يرن يرن مافي جواب ودقت مرة ثانية نفس الشغلة
حمدت ربها ودقت على عاليه
تهاني: عاليه محد يرد
عاليه: انزين دقي مرة ثانية
تهاني: دقيت هم ما يرد
عاليه: وييي الحين شلوووون ؟ بعرف سعودو وينه شيسوي؟
تهاني: علوي حبيبتي ليش تحرين عمرج؟ روحي غسلي ويهج وتعوذي من ابليس ونامي ومن أصبح أفلح
عاليه (تبجي): لا لالا ما اقدر ماقدر خايفه يرجع حق سوالفه
تهاني (حيل منكسر خاطرها على بنت خالها): عالية يا عمري لا تبجين ولاتخافين مو عشان نجرة بسيطة بيرد حق سوالفه تعوذي من ابليس ودحري الشيطان حبيبتي
عالية: استغفر الله العظيم ان شاء الله .. مشكورة تهاني ماقصرتي تعبتج معاي
تهاني: العفو حبيبتي لا تقولين جذي بس ابيج ترتاحين يلا تصبحين على خير
عالية: وانتي من اهله يالغالية
تهاني بنت طويـــــــلة ضعيــــــفة بس ما شاء الله عليها وااايد حلوة
شعرها طويـــــــل وكثيف لونه بني وويها بيبي فيس عمرها 22 توها متخرجة من كليه العلوم وناطرة التوظيف
واهي الأخت الكبيرة وتحتها بنتين اللي اهم هاجر(19 سنة) حلوة ونعومة وعيونها وساع نفس اختها العودة وعبير(16) دلوعة البيت والجعدة وطلباتها أواامر
أبوهم علي (ينادونه بوحسين مع ان ما عنده أولاد)
وأمهم هناء طيبة وحبوووبة ومدلعتهم واهمه مثل صديقاتها مو بس يناتها

******

سلمى: عزيز عندي لك مفاجأة..
عزيز: الله لي آنا شنو حبيبتي؟
سلمى: لحظة في وحدة تبي تكلمك .. وعطت السماعة حق هاجر
هاجر (بصوت يرجف وقلبها تتسارع دقاته): أ--ل--وو
عزيز (مو منتبه عالصوت بس مستغرب شلون سلمى عطت التليفون حق وحده): ألووو هلا!!
هاجر: شلونك عزيز؟ عرفتني؟؟
عزيز(مبتسم): لا والله منو معاي؟؟
هاجر(تبجي):آنا هاجر ال.... يالحي... يالنذل يالخسيس ششلون؟ شلون يتلك الجرأة تسوي جذي؟تخوني؟ وتخون حبيبتك بنفس الوقت؟ مادريت ان حبل الجذب قصير ياااااااااااااانذل يااااااحقيييييييير (وانهارت)
عزيز مصدوم ولا كلمة
سلمى (تبجي وخذت الموبايل): شرايك بالمفاجاة؟
عزيز ساكت
سلمى (ميته من البجي): ليش ليش عزوز ؟ انا شنو سويتلك؟ ليش تخوني ليش تلعب علي؟ انت تبيني والا تبيها؟ ليش تلعب علينا اثنينا شلون قدرت؟
عزيز (موعارف شيرد): لح--ظ--ة لحظة سلمى خل أشرحلج.. انتي حبيبتي انتي عمري هاذي ولا شي انا أبيج
سلمى: يالمجرم والبنت شذنبها؟ ليش جذبت علينا
عزيز: حبيبتي خل أفهمج.. مابيها والله أبيج والله سامحيني.. عطيني هاجر بقولها شي
سلمى( خلالاص ودها تنفجر): بعد؟؟ انت ما تستحي وبتكلمها جدامي؟ شعندك قول؟
عزيز: تكفين غلاتي عطيني اياها
سلمى عطت التليفون حق هاجر
هاجر (ميته من البجي): نعم؟؟
عزيز (يصارخ): يالحي... يا حقيرة تبين تخربين بيني وبين حبيبتي؟؟ شتبين انا مابيج ما بيييييييييج انتي شايبج عندها ليش قلتيلها؟؟
هاجر مصدومة من الكلام اللي قاعدة تسمعه وبدال لا اهي تعصب وتغلط عليه اهو قام يغلط عليها عباله انها تدري عن سلمى ويايه قايلتلها عنه
قطت السماعة وركضت تبجي .. سلمى رقعت الموبايل بويه عزيز وركضت وراها تهديها...

وفجأة صحت هاجر من ذكرياتها على صوت مسج واصلها...

تكملتها

********

ثاني يوم بكلية التربية

عهود: صباااح الخير يا ويه الخييير
مريم: ههههههههه اي مو لله تبين تروحين حق حبيب القلب
عهود: لاشدعوه أصلا انا احبج من كنت جنين في بطن أمي
مريم:ههههههههه عن العيارة يلا زاهبة خل أوديج حق سي السيد وأفتكككك
عهود: أكيـــد جاهزة يلا نمشي

ركبو سيارة مريم جيب جراند شيروكي تذكرونه؟
وراحو البلاجات المكان اللي تواعد عهود محمد فيه
وصلو لقو محمد موجود بس ماكان بروحه مثل العادة كان وياه واحد من ربعه
صفطت مريم عند سيارة محمد اللي نزل من سيارته ويه صوب عهود وعهود نزلت الجام وحتى رفيج محمد كان منزل الجام فيسمع كل الكلام
عهود(واااايد جريئة): قوة ياحلو
محمد: يقويـــج يالحب شلونكم؟ شلون فطوم (يقصد مريم)
مريم مافهمت عن منو يتكلم
عهود (ضحكت): الحمدلله زينين اشتقتلك
محمد : وانا أكثر يلا قولي شيايبتلي؟ خابتني من امس بشوفك وبعطيك هدية!!
عهود: انزين مو جذي الدقرة تفضل حبيبي اخذ الجيس
محمد: مشكووووووووووورة.. بس شنو؟
عهود: افتحها بالبيت وشووف
محمد: حاضر ومشكورة انزين عهدو ضبطينا (ويأشر بعيونه على مريم ورفيجه)
عهود: لا عاد حدك هاذي عين السيح هاذي حبيبتي مو أي احد يستاهلها (واهي تدري ان مريم ما تحب هالسوالف ولا عندها تليفونات وشباب)
محمد: شدعوووه ترى بوشهيب يستاهل.. وخري انتي انا أكلمها .. فطوم فطووم احاجيج ردي علي
مريم ماكانت مستوعبه .. بس بعدين حست انه يكلمها
مريم: آنا؟؟
محمد: اي انتي عيل عقالج؟؟ (يستظرف دمه) ترى ولدنا خووش واحد ويستاهل تحطينه بعينج
مريم(مصدومه تخز عهود): وانا شكو؟؟
محمد: أي انتي شكو الولد متولع
مريم : واهو متى شافني عشان يتولع؟؟
ورفيجه كان يسمع كل الكلام وهو مبتسم وهني نط جان يقول
الصديق: مبلا كاني شفتج وعاجبتني ومتولع وأبي أتعرف عليج
مريم (فورت): ويييييع شهالهلاقة؟ انت شنو بالع رادو؟ يبا ما نبي غصب؟؟
الصديق : شدعوه فطووم.. فطوومة.. فطوومتي
مريم( مستغربة ليش ينادونها جذي): شتبي الحين خلص يا مادري شسمك؟(هني استوعبت أكيد الحين عباله أبيه وأبي أعرف اسمه.. اا شهببت؟)
محمد وعهود يطالعون المنظر بابتسامة عريضة (طابخينها سواا)
الصديق: اسمي أحمد ال... وتحت أمرج
مريم (حقرته): يلا عهود خلصتي شغلج نمشي
عهود( تضحك): ليش مستانسين؟
مريم: بتقعدين قعدي انا بمشي
عهود: لا خلاص يلا نمشي مع السلامة حبيبي
محمد (ويأشر على مريم وأحمد): مع السلامة حبيبتي ولا تنسيــــــني

مشكوووووووووورة والله يعطيج العافيه :smile:

الله يعافيج العفوووووووووووووووو:smile:

مشكوره :smile:

................................

مشكووووووووووووووووووره حبيبتي


وتسلم الايااااااااااادي ع النقل فدييييييييييييييييييييييييييت قلبج :teeth_smile:

:angel_smile:العفووووو ولوووو

متى بتكمليييييييييييييييييينهاااا :emoticon_U:

بنووووووووووووووووته وين التكمله :emoticon_U:

مشكووووووووووووره

ونااطررين التكمله يلا عاد مو تطوليين :75_75:

مشكووووووووووووووووووووووووره توته :teeth_smile:


يالله كملي حياااااااااااتي .......

روايه حلوه

مشكوره ياقلبي بنوته

وبانتظار باقي البارتات

لاهنتي يالغلا :wink_smile:

بارت الثاني لعيونكم سوري ع الازعاج


البارت الثالث
******

مريم كانت طول الطريج للكلية ساكتة
عهود: مريم شفيج؟ ليش ساكته؟ انتي زعلانة مني؟
مريم (بنفسية): يعني انتي شايفه اللي صار صح؟؟ انا شكو يكلمني عن رفيجه؟ ششايفني رايحة فيها؟؟
عهود (انصدمت): الله يسامحج يعني انا رايحة فيها؟
مريم (اووو انا شقلت؟ حست انها غلطت عليها): عهود حبيبتي لا تزعلين بس انتي تدرين انا كلش مو صوب هالسوالف.. مالي خلق أتعرف وأكلم وأعور راسي وقلبي.. انا جذي مرتاحة
عهود: لا حبي عادي بس والله مو قصدي بس حمود قال انج خوش وحدة وان رفيجه هذا خووش ريال.. وان ان شاء الله تتعرفون على بعض وترتاحين معاه وتحبينه وتتزوجون وتعيشو بتبات ونبات وتخلفو صبيان وبنات
مريم: ههههههه ضحكتيني .. عرفتيني عليه وحببتينا في بعض وزوجتينا وخليتينا نخلف.. هههيييييي اصحي (تقرصها حيل على ايدها)
عهود: آآآآييي عورتيني.. لا صج مريوم تكفين فكري والله وناسة.. احنا رفيجات ونحب ربع ونتم على طووول مع بعض
مريم: يالنصابة احنا على طول مع بعض
عهود: تكفين مريوم بس قولي بفكر بالموضوع بس فكري.. ترى حمود يمدحه حيـــــل
مريم: واااااااااي صدعتيني يمه حنه انزين انزين بفكر امشي خل ندش الكلاس تأخرنا

*********

وصل هاجر مسج طوط طوط
فتحت المسج ( دردش معنا في M-chat وتعرف على اصدقاء جدد رد ب Go)
هاجر كانت متضايقة حيل ومومستوعبة المسج بس متنحة فيه وليما استوعبت قالت
" اي والله بروحه ملل ومالي خلق شي خل أدش أفرفش شوي"
ردت (Go)
( سجل نكك والجنس والعمر والدولة)
( آهاات أنثى 19 الكويت)
( تم تسجيلك بنجاح يمكنك البحث عن أصدقاء جدد)
شوي وهي تفكر مو عارفة شنو تسوي والا توصلها كمية كبيرة من المسجات
( الجارح 25 الكويت يرغب بالدردشة معك رد بنعم)
( أسمراني حليو 18 الكويت يرغب بالدردشة معك رد بنعم)
( عصبي نار 33 الكويت يرغب بالدردشة معك رد بنعم)
الخ الخ الخ
قامت هاجر تضحك على النكات بس ماردت على ولا واحد (وطبعا بهالخدمة محد يعرف رقم الموبايل الشركة تعطيهم أرقام وهمية)
وصلها مسج ( محروم 23 الكويت يرغب بالدردشة معك رد بنعم)
استغربت من النك وصار عندها فضول تعرف ليش اختار هالنك
ردت ( نعم)
( محروم مساء الخير)
(آهاات مساء الخيرات)
(محروم معاج بدر 23 الكويت منو معاي)
(آهاات تشرفنا معاك آهات 19 الكويت)
(محروم اهلج سموج آهات؟ ظلمووج؟)
(آهات هههههه لا بس خلنا عالنك احسن)
( محروم انزين يا آهات تدرسين؟؟ ووين؟؟)
(آهاات اي أدرس بجامعة الكويت)
( محروم صج والله؟؟ عبالي بجامعة اكسفورد <=== بس لاتملق عالبنت)
( آهاات هههههه لا والله مو ملاقة بس كافي جامعة الكويت وانت؟ تدرس تشتغل؟)
( محروم لا هذا ولا هذا .. محروم )
(آهاات مافهمت شقصدك؟ محروم من الدراسة والشغل عيل شنو؟؟)
( محروم محروم من الدراسة من الشغل من شم الهوا من الشمس الحلوة الللله )
( آهاات شلون يعني؟)

**********

تهاني نايمة الساعة 2 ونص بالليل يرن تليفونها
تهاني ( بصوت نايم من غير ما تشوف الرقم) : أ--ل--وو
--- (لوية وازعاج أغاني): أأأأأأأأللللللللووووو منوو؟؟
تهاني( مالها خلق تفتح عينها): نعم؟ منو معاي؟
--- (بصراخ عشان اللوية) : انتي اللي داقة تقولين منو؟؟ انتي شنو نايمة؟ ميته؟ لو بالقبر طلعي وكلميني
تهاني: رووووووووح ووووووووولللل .. وسكرت التليفون حطته سايلنت ونامت
بهاللحظة ياها مسج بس ماتدري عنه
الصبح الساعة 10 ونص قعدت تهاني بعد ما غسلت وبدلت جيكت على تليفونها والا تلقى مسج افتحت لقت كلمتين زلزلو كيانها
( ك... أم... ) "سوري بنات بس بغيت أعيشكم بواقع القصة والكلام اللي دار"
جيكت على الرقم لقته رقم جراح ولد خالة سعود
تذكرت شنو صار البارحة وجيكت على الرقم اللي داق طلع نفسه
انصدمت دمعت عيونها ودقت على عالية
عالية (نايمة): أ--ل--وو
تهاني: صباح الخير عالية ترى جراح دق علي البارحة الساعة 2 ونص
عالية ( صحصحت): صج متى وشقال؟ شلون الوضع عنده وما حسيتي ان سعود يمه او لأ؟
تهاني قامت تبجي وقالت لها كل شي من الاتصال لين المسج اللي شافته توها .. بس ماقالتلها عن الأغاني وماتدري ان سعود يمه أو لأ
عالية: حبيبتي تهاني سامحيني مسحيها بويهي
تهاني ( تبجي): علوي أول مرة بحياتي أحد يقولي هالكلمة .. بس يلا الغلطة غلطتي انا دقيت عليه من البداية
عالية: وااي حبي سامحيني انا حطيتج بهالموقف.. تهووون بقولج شي بس لا تزعلين مني
تهاني: لا عادي حبيبتي قولي
عالية: تهاني ديري بالج من جراح ترى سوالفه نفس سعودو.. اذا دق لا تردين على مكالماته ووخري عنه
تهاني (منصدمة): عاااااالية الله يسامحج انا قتلج مابي أقط روحي بيدهم.. ليش سويتي فيني جذي
عالية: والله حبيبتي سامحيني مالي غيرج ينقذني.. لجأتلج
تهاني : الله يهديج ويسامحج.. يلا اللي صار صار.. ولا تخافين لو يكسر تليفوني اتصالات ماراح أرد عليه.. يلا انا أخليج باي
عالية: باي حبيبتي وسامحيني مرة ثانية
تهاني سدته وقعدت تفكر" الحين شيفكني من هالزفت؟؟ يالله يا رب خله يبتعد عني ومايأذيني"
وهي قاعدة تفكر رن موبايلها...

******
أول شي بنات بالنسبة حق M-chat لحد يقولي اني اخرب البنات اعلمهم على المغازل
آنا حطيت هالقصة للعبرة وراح تشوفون شنو المصايب اللي تيي من وراه
ثاني شي يلا حبايبي شرايكم بالبارت؟؟

رووووووووووووووووووعه

بس بليــــــــــــــــز مو تأخرين عليناااا بالتكمله :sad_smile:

ناااطرينج :smile:

يله كمليهااااااااااا حدي اندمجت :smile:

اوك اوك حبووبين االحين اكمل ويت؟

البارت الرابع
*******

(محروم خليها على الله مابي اعور راسج)
هاجر ما بغت تضايقه ولا بغت يغثها بمشاكله بروحها منغثة وداشه تفرفش
(آهات على راحتك .. انا أستأذن الحين)
( محروم راح تكونين شابكة على طول؟؟ والا بتفصلين؟)
(آهات لا بفصل وان شاء الله أشبك بعدين)
(محروم خلاص أشوفج على خير)
هاجر طلعت من الام جات ونزلت تحت عند أمها
*********

تهاني شافت تليفونها يرن
908... يتصل بك
"واااااااي هذا شيبي؟ ماراح أرد عليه"
تم يرن يرن يرن
بالأخير ياها مسج
( لوسمحتي ردي علي)
تهاني ( ليش عشان تسب بعد؟؟ )
( آسف والله بس بغيتج بموضوع) دق تليفونها مرة ثانية جراح
تهاني خلته سايلنت ونزلت
******

هاجر (وهي تبوس راس امها وخدودها): السلام يما حبيبتي شلونج وين تهاني وعبورة؟
هناء: هلا بالغالية والله حبيبتي تهاني بغرفتها وعبورة بالمدرسة .. انتي ماوراج كلية أشوفج مو لابسة؟
هاجر(تدرس بالعلوم الادارية): امبلا عندي يما بس تعبانه ومالي خلق أداوم
هناء: خير يما شفيج مريضة؟
هاجر : لابس متكيسله
هناء: عيل تعالي تريقي معاي عشان تفتحين نفسي..
هاجر: حااضر أصلا انتي اللي تفتحين نفوسنا كلنا حبي انتي امواه
هناء: هههه الله يخليكم لي أنتو اللي طلعت فيهم بهالدنيا..

تهاني نزلت... وعيونها حمرا ومالها خلق تتكلم.. قعدت على طاولة الطعام من غير ما تبوس أمها
تهاني: السلام عليكم
الكل: وعليكم السلام
هاجر وأمها يطالعون بعض مستغربين اهم حتى لو يشوفون امهم وأبوهم كل يوم يبوسونهم كل يوم
هناء: خير حبيبتي شفيج؟
تهاني: مافيني شي يما بس مو نايمة عدل
هناء: شفيكم حبايبي اليوم مالكم خلق.. يما بناتي خل أبخرهم لا يحسدونهم .. أخاف صابتكم عين
تهاني (كلام امها غصب خلاها تضحك) : لا يما شدعوه بس سهرت بالليل .. ومانمت عدل
هاجر (تضحك): على شنو ينضلونها بنتج هاذي؟؟ آنا أكيييييييييد لأني جميلة بس تهنوو؟؟ ماعتقد
هناء: يوزي عن بنتي هاذي تهاني شيخة العرايس
تهاني تطالع هاجر بطرف عينها بغرور وابتسامة خبيثة
هاجر: وييييييييييع

********
مريم كانت طول الكلاس سرحانه برفيج محمد وبكلام عهود "وااي انا شفيني خليني أشيله من بالي وانتبه حق الشرح"
عهود (بعد الكلاس) : وييييع مليت ما بغى يخلص شكثر يسولف
مريم: ههههههههه حرام عليج خذيتي كل آثامه
عهود: أصلا اهو ماخذ آثام الأوادم من كثر مايسولف عن فلان وعلان
مريم: لالالا يسولف عن اهله .. هذا يزاه يعطينا أمثلة عن أهله عشان يبسطلنا مقرر التربية الثقيل
عهود: المهم شقلتي؟؟
مريم : عن شنو؟؟
عهود: أهاا؟ علينا؟؟ (بالمصري.. عهود أمها مصرية وتحب اللهجة المصرية) منتي كونتي سرحانه طول الفصل يا مريم؟؟ اي اللي شاغل بالك يا ترى؟؟
مريم (ميته من الضحك): ماكو العرج لازم يحن.. بولا شي ماكنت سرحانه
عهود:هههههه أقول مريووم بسج ها بسج طاقة الثقل علينا.. يلا أخذي رقمه
مريم: عهدوو ويهد آنا ثقيلة غصبا عليج.. وعناد عليج مابي
عهود: لالالالالا خلالاص سوري سوري انا هبلة انا خبله انا مينونه (تمسك ايد مريم وتطق روحها) هاج لتيني كف .. عطيني كف .. بس تكفين ارضي والله حمود ماكل قلبي كل شوي مسج بالكلاس ها خذته ها خذته؟؟
مريم (منحرجة لأن الناس تطالعهم): هههههه بس بس عهدوو فشلتينا انزين خلاص وافقنا يبا
عهود: هيااااااا كلولولولوش
مريم من الاحراج ميته من الضحك عليها ومشت عنها...

*****

رايكم يا حلوات

واااااااااااااااااااااااي كمليها لعبتي بعصابنا :smile: