كان وزني 96 وبعدين وصل 66 والحين نفسيتي تعبانه وابيكم تواسوني وتساعدوني

سلام عليكم


بقولكم قصتي كلهاا والي تساعدني والله عمري ماراح انسى لهاا هل جميل على الاقل تواسوني



بنات كنت متينه وحس بقلت الاراده والشخصيه
ليمن تشجعت او تاثرت من متني وسويت رجيم ونزلت علي معجزه اسمها الاراده وضعفت
صرت احس نفسي ملكة جمال والثقه صارت عاليه الحمدالله

لاكن فجاء كل هل حلم تلاشا راحت الاراده
ماضل شي ماسويته رحت حق دكتور طالب الشمري وعبدالله المطوع ووجدان الشمري ورحت شركات التغذيه وجربت سوبتريم وماي الزعتر وكوفي قرين ورجيم السوائل
شفتوو كل هذا ولا شي ضعفني وصار وزني من 66 لي 76 عشره كيلوو زايده

ونفسيتي تعباانه لانه قااعده احاول موقادره
صارلي سنه قاعده العب اسوي رجيم يوم يومين وبعدين اخربه

يبنات حاسه انه علي عين لانه الكل يتحجه بس قااعده اقرا على نفسي

واايد نفسيتي تعبااانه موقادره كارهاا نفسي حييييييييييل مابي ارد متينه ودي ماطلع من البيت حتى كرشتي صارت شكبرها والي قهر ملابسي صارت ضيجه وجنزي صار يعورني صوب البطن

انا حيييييييييييييييييل تعباانه نفسياااااااا


ومليت من الرجيم ودي احس اني انسانه عاديه لاكن ماكو فايده لانه انا شرها على الاكل اذا مامسكت نفسي عادي اضل طول اليووم وحلجي شغال بس اكل شهيتي تنفتح وماعرف اسكر حلجي

تعبت والله تعبت من هل مرض

فا شالحل

اولا شي قعدي بروحج و تكلمي مع نفسج بجدية و قولي حق نفسج راح ابتدي من اليوم بالرجيم الصج مو بس حجي و خلاص و حلفي انج ما تخربين ريجيمج علشان كل ما تبين تخربينها تتذكرين حلفانج
و حبيبتي ما ابي اواسيج لان هالشي ما يفيدج ردي ارادتج القوية مره ثانية و الارادة الحين اهيا اللي راح تفيدج مو المواساة
ردي روحي لدكتورة تغذية مره ثانية و التزمي بالتعليمات
و كل يوم روحي للممشى على الاقل من نص ساعة الى ساعة
و اذا تقدرين نادي رياضي سباحة لانها تشد الجسم
و الله يعطيج اللى في بالج يا رب

اول شي مشكوره على المرور بس تصدقين حتى الي قلتيه سويته وايد اقعد مع نفسي وحط وعود وعهود حتى اتصدق واخر مرا حلفت عشان ما اخربط وطحت مريضه وتعبت وقلت لازم اخرب الرجيم لان حطيت ابالي اقمه علي من الرجيم

والله ماااااااكوو فاايده

اهم شي ارقي نفسج الرقيه الشرعيه لمدة ثلاث ايااام متواااصله


والرقيه الشرعيه للحسد تلقينهاا بالنت سوي سيرج ..


ثانياا لاتفكرين بالرجيم انه هم فكري بالعااااااااااااااااافيه ترى النفسيه هي اللي تأثر


عليج وتخرب كل شي ارتااحي نفسيااا واحمدي ربج ع العااافيه اللي انتي فيهاااا


وصدقيني اذا ريحتني نفسج واقتنعتي بنفسج وحمدتي ربج ع العااافيه


وتذكرتي دااائما >> لئن شكرتم لأزيدنكم <<


صدقيني بترد اراادتج وثقتج بنفسج ..


اتمنى اني فدتج وان شاء الله توصلين للوزن المثااالي ..

بعد قلبي مشكوررررررره وانشالله بقره ورقي نفسي

والله ينولكم كل لي تتمنوونه

يمكن عين صابتج يا قلبي اقري على نفسج يالغاااليه رقي نفسج على طؤل يالغلا ؤان شاء الله الاراده تردلج مره ثانيه بقؤه يارب

اميييييييييييين ياااااااااااارب

اختى الله يعافيج ويفرج همك وهمى انا وانتى فى الهواء سوى سويت رجيم وقعت فى البيت شهرماطلعت رحت امس مناسبة صاحو منى يقولون زايدة واناالحين رابطت فى البيت بس اقول الله يعيين

انا قبل كنت مثلج و ما ابي اقول جم صار وزني لانج راح تنصدمين ((
من بداية هالسنة ردت ارادتي القوية مرة ثانية و الحمدلله للحين نازله 20 كيلو و باقي بعد وااااايد علشان اوصل للوزن المثالي
تذكري ان شاء الله لمن تضعفين طول ما انتي ماشية الناس تمدحج و تقولجج ضعفانة احساس مو طبيعي وناااااااااااااسة لاني انا الحين جذب لدرسة اللي معاي بالدوام شاكين فيني اني مسويه عملية تحويل مسسار المعدة بس الحمدلله انا مو مسويتها بس صكيت حلجي و خففت اكلي مع الرياضة
انا اشتراكي مال النادي خلص حسافة و الحين باديه اروح الممشى حتى لو مو كل يوم على الاقل 5 ايام بالاسبوع
اليوم رحت فصلت عباية جديدة عند محل انا زبونته و اخر مره شايفتنى البياعة من قبل بداية السنة اليوم لمن شافتني انصدمت تقولي انتي ماما صاير واجد ضعيف لووووووول
احساس مو طبيعي وناااااااااااااااسة
تذكري الرشاقة و الملابس الضيجة و انتي تردلج ارادتج )) ساعات نحتال على انفسنا علشان نقوي الارادة و الحمدلله هالشي ماي وياي

الله يوفقج يا رب و انا وايد مستانة حقج لانج بتضعفين باذن واحد احد يا رب

اختي حتى النفسية تلعب دورا ولان نفسيتك متازمة راح تاكلين الكابة بتخلي الواجد ياكل
حاولي انك ترفعي معنوياتك وتجاولي تعملي رجيم وانشاء الله بيصير خير

سلالام عليكم مشكورين واايد خواتي وحبيبااتي بعد

اختي شوق واميره وسلم صج رفتووكل وحده معنويااتي وحسيت فيكم مثل ما انتوو حاسين فيني اناا اليوم فتحت صفحه يديده والله يتمم علي انشالله هل مرا

طلعت عبايتي الضيجه عشاان يكون لي حافز وكل ماا اشوفها اتشجع عشان اضعف ورد البسهاااا
وبلشت بقرات صورت البقره ورحت نادي

ادعولي فعلان انا محتاااجه دوعاكم


والف شكر

الحمدلله يا رب يثبتج على اللي انتي فيه و تحافظين على رشاقتج اللي ما تتقدر بمال الدنيا
لان الصحة فعلا نعمة من رب العالمين و السمنة مرض نعوذ بالله منه
يعني مو بس شكل حلو هم بعد صحة و عافية و خفه

حبيبتى جربى الكمون والليمون والنعناع

انجرب شورناا
مشكوره

لاتضايقين نفسج انا كنت مثلج ماخليت شيء ما سويته قالولي امشي بس زوجي مايرضى قعدت اشغل ميوزك واسوي تمارين بالبيت على الاقل ربع ساعه لااااا وعيالي معاي لووول وانشاءالله اتوصلين للوزن اللي في بالج

ما يستاهل شي ضايقي روحج فيه .....تقدري اول الصبح وقبل النوم تاخذي كوب دافي مايل لحار شويه مع نص حبة ليمونه +م عسل ...اشربي وكثري من الماي وامتنعي عن المعجنات نهائيا شوفي عمري كيف
2 شي لان بطنج فيه غازات كثيره ولازم تتخلص منها كيف ...اكثر من اكل الفاكهه والخضره وخاصه الخيار والبطيخ
وامشي لمده ساعه تقريبا وكثري من استغفار.....................واديما قولي لنفسك انتي عندك هدف لازم توصليه وعاد بشريني

يمكن عين صابتج يا قلبي اقري على نفسج يالغاااليه رقي نفسج على طؤل يالغلا ؤان شاء الله الاراده تردلج مره ثانيه بقؤه يارب




واذا تبين صج انصح بعملية مسار المعدة واااايد كان وزنهم بال100صار بال50 نصيييييييييييييييييييحة

السلام عليكم

انا اشوف ان حالتك عادية يعني الانسان يمر بمراحل صعبة في حياته ومشاكل وتصير نفسيته تعبانه ومع ذلك لازم يكون قوي

يعني حتى الممثلات اللي هم قدوتنا في الجسم يمتنون ويعانون من مشاكل في الوزن بس تلاقينهم يردون ينحفون

.. لا تجعلين الطعام هو الملجأ وقت الضيق أو التعب النفسي .. وبعدين اطلعي من البيت اشغلى نفسك حطي لك برامج

يعني مثلا تعلم لغة تعلم سباحة .. اذا جلستي بالبيت مقابلة روحك طبعا بتتعبين وبيزيد وزنك

وتتذكري اختي ان ربي عنده حكمه ولعله اراد انك تمتنين عشان تتذكرين انك ما نقصتي ال30 كيلو بجهدك بس .. لا بفضله

وبإرادته .. ياما ناس اعرفهم 5 شهور رياضة ورجيم قاسي ولا 5. كيلو نقصوه فاحمدي ربك وادعيه انه يوفقك

انتي دوم صبح وليل ارقي نفسج بالمعوذات ووازني اكلج اهتمي فييه والله وياج حبيبيتي

تبين نصيحتي انا كنت نفسج لما كان عمري 16سنة كنت بطططططططططططة .. سافرت سعودية 15 يوم بس ماكنت حاطة ابالي اني اضعف لا والله بس تدرين الوناسة والسهر واليمعات اهي اللي خلتني اضعف والله رديت الكويت والله اخواني ماعرفوني طبعا انا اكلمج وانا عمري 16 سنة الحين انا عمري 27 سنة والحمد لله من ذاك اليوم وانا ارادتي ثابتة وراح اقولج السر اقسملج بالله اني صادقة وما جذبت عليج ويمكن راح تضحكون يلي بتقرون الرد سري اهو ( الأفلام الهندية ) صار عشقي الأول والأخير اني اشوف الأفلام الهندية واجسام الممثلات اللي ودج تصير نفسهم كنت اشوف الافلام الحديثة وخاصة اللي فيها ( اشواريا ) والممثلة الثانية اذا تعرفونها اللي مثلت فلم فاشن ماعرف اسمها بس حتى هذي ملكة جمال ..


وبس اروح الغرفة ارقص نفسهم ههههههههههههههههههههههههههه وكل يوم هذا رجيمي ارادتي اهي ( الافلام الهندية) ورياضتي اهي ( الرقص الهندي )

وحاولي انج تحطين صورة وحدة جدامك جسمها حلو ودج يصير جسمج مثلها والله ماراح تخسرين شي صدقيني ..

ملاحظة : وزني السابق 82

وزني الحالي راح اقوله لج بعد الولادة باذن الله ..

بس لا تنسين هالله هالله بالرقص الهندي ماوصيج ..

بالتوفيق