كرات البطاط مع الصور

مكونات الكرات:
5حبات بطاط متوسطة الحجم ومسلوقه
رشة ملح
قليل من جبنة الموزاريلا المبشورة

بعد سلق البطاطا يرش عليها الملح وجبنة الموزاريلا وستذوب من حرارة البطاط وتهرس ثم تكور كما في الصورة






مكونات الخلطة:
1فيلية دجاج مقطع مكعبات صغيره
1علبة صغيرة مشروم مقطع شرائح
1فلفل بارد مقطع شرائح
1جزره صغيره مقطعه شرائح
1كأس من القرنبيط أو الزهرة مقطعه زهرات صغيرة
نصف كأس من الذرة المجمدة
رشة ثوم بودر
4ملاعق كبيرة من الزيت
1علبة كريمة الخفق
رشة فلفل أسود ورشة ملح
رشة ريحان مجفف

يوضع الزيت ثم الدجاج ورشة الثوم البودر ويحمس جيدا وبعد ان يستوي الدجاج نصف استواء تضاف جميع الخضروات ويقلب ثم يرش بالملح والفلفل الأسود والريحان المجفف ويغطى حتى تنضج الخضروات من البخار لمدة تقريبا ربع ساعة ويحرك بين فترة وأخرى ثم نضع علبة الكريمة على الخضار وتحرك بين فترة وأخرى حتى تتماسك الكريمة قليلا ونتأكد من طعم الملح بعد وضع الكريمة




تصب الخلطة في بايركس ويصف عليها كرات البطاطا


الخلطة النهائية بالخلاط نضع:
1علبة زبادي أو الروب
2ملعقة جبنة كاسات
رشة ملح

وتصب على الكرات ثم يرش جبنة الموزاريلا عليها وتدخل الفرن وبالهناء والعافية



الشكل النهائي

يعطيييج الف عافيه

وتسلمين وتسلم ديااااتج

ماشاءالله شكله روووعه تسلم ايديك

الله يسلمكم حبايبي

ماشاء الله بجربها ان شا ءالله

وايد لذيذ الطبق وسهل

يسلمووووووووووو خوش طبخه
وانا راح استغني عن المشروم لاني ماااااااااااااااحبه

شكلة عجيب تسلم ايدج​

يسلموووووووووووووووو يعطيج العافية

يسلمووووووووووو روعه

شكله مشهي حيل

واااااااااااااو شكله لذيذ
انا زوجى صايم اليوم اول ايام البيض
انشالله راح اطبخله هالكله
ويعطيييييييج الف عافيه
​

الله يعافيكم حبايبي

تسلم الايادي واايد سهله ولذيذه

بس انا احيانا احط البطاط بكيس الحلواني واسويه وردات

اسهل من الكور ههههههههه وحتى شكله احلى

يمي يمي
روووووووووعه
وتسلم ادينج
ممكن سؤال ؟؟؟
ميخالف ما احط الدياي؟؟؟
لان ما احبه

هذي جدا روعه ولذيذه تسلم ايدج

وييييييييي تصدقين اول مره اسمع في ناس مايحبون الدياي

انا احلا شي عندي الدياي والروبيان وماحب اللحم :teeth_smile:


انزين ريماس انا ابي اسوي بطاط مع الجبن مثل ماسويتي بس اسلقهم بالزيت

ماااتضبط معاي للاسف فقلت يمكن احطهم بالثلاجه وعقب اسلقهم ..!!!


( انا يديده عالطبخ ومب ذاك الزود اتعلم عشان زوج المستقبل هع :biggrin: )

الله يعطيج العافية

يعطيك العافيه