كروسون بالدجاج لذييييذ وسهل

قوه بنات هاذي اول مشاركه لي بهالقسم ياليت تشجعوني :teeth_smile:


المقادير :
دجاج عاد على حسب كميتج نص دجاجه دجاجه كيفج تكون مسلوقه ومنتفه مثل الشورما
وفلفل بارد وبصل ومقطعين شرائح طويله
وجزر مبشور
1 ومشروم
وملح وفلفل عشان حمسة البصل والفلفل والجزر
2 وكريمه حمرا كيديدي او اي كريمه قابله للخفق والعدد على حسب صينيتج
وطبعن الكروسون ساده
وشرائح جبن كرفت او اي جبن سلايس المربعات
مكعب ماجي


الطريقه :
بعد امنسلق الدجاج وننتفه نحمس البصل بزيت ونخليه لين يذبل شوي ونحط الفلفل البارد ونفس الطريقه وبعدها الجزر ولين يذبلون كلهم ونحط مكعب ماجي ونحمسهم وبعدها نحط المشروم والدجاج ونحمسه ونرش الملح والفلفل ونحط علبة الكريما ونحركها لمدة خمس دقائق ونطفي عنها
ونكون وقتها جهزين الكروسون نمسك الكروسون ونقصها من على جنب جنج تقصين صمونه وتفتحينها وتحطينها بالصينيه ولا صفيتيها تصبين عليها كريمه بس مو تغرقينها بس شي يلين وبعدين تجيبين حمستج وتحطينها فوقها وعقبه تجيبين الشرائح الجبن وتصفينها فوقها ودخليها الفرين لين تتحمر واكلي اصابعج وراها

وعليكم بالعافيه:wink_smile:

شكلها لذيذه :smile:
يعطيك العافيه بجربها..

يعافيج ربي بس نسيت اقولج اذا تحبين تحطين شوية كسبره او بقدونس مفروم مع الحمسه تطلع لذيذه

تسلم ايدج يالغلا شكلها رووعه

عليج بالعافيه حبوبه

تســــــــــــــــلم ايـــــــــــدج حبيـــــــــــــــبتي

مشكوووووووووووووووووووة

انا مجربتها من اول دايم نسويها برمضان وايد حلوه يعطيج العافيه

حلوه تسلم ايدج
بجربها الفكره الكروسان مع الكريمه
بس بجرب غير الدجاج بسوي ريوق للدوام وعجبتني الفكره

يعطيج الف عافيه وماقصرتي

تسلم الايادي بس جربيها بالصمونه السويسريه المعجفه
اخف من الكرواساون

عليكم بالعافيه

مشكووووووووووورة

مشكوره رمااااديه حبي

يعطيج العافيه جاري التطبيق.................

تسلمين .÷÷÷÷

العفو فديتج

عليج بالعافيه ياقلبي

يسلمج متوهقه

الله يعطيج العافيه يا قلبي ​