مادري من وين ابدي ولا شقول لكم يابنات قبل يومين انزلت مرت حماي من غرفتها مافيها الا العافيه اهي حامل بخمس شهور و3 اسابيع لها 25 اسبوع قبلها بجم يوم كان معاها التهابات وينزل عليها ماي فجاءه يوم الاحد العشى حاشه عوار قوي وهي قاعده تسوي شعرها عشان بتروح عرس وكل شوي يشتد ويزيد عليها العوار يوم راحت الحمام تكرمون والا نازل عليها دم وايد لونه اسود طاروا فيها على طول اهلها مستشفى المجزره الفروانيه دخلوها حوادث وفحصوها لقوها مفتوحه 3 سم وكيس الياهل نازل والمشيمه صايره على وجه المهبل الولها ماراح انسويلج شي بس راح انحطج في غرفه الوضع ونحاول نعطيج شي يصكر الرحم خلال 24 ساعه واذا مانفع راح نولدج المهم خلوها بروحه مسكينه بغرفة الولاده بدون مخدر وبدون كمام وبدون بنج وبدون حتى سستر شريفه تتحملها من الساعه 8 بالليل لغاية الساعه 8 الصبح تخيلوا وولدت بروحه انبط ماي الهادي وهي تصرخ وطلقت طلق طبيعي مسكينه وبعدها قام ينزل عليها دم ونزل ولدها بين ريولها وهي بروحها تصرخ لا وبعد قامت اترجع يوم جو السسترات ولقوها جذيه قاموا ايضفون ابسرعه ويرشون عطر حسبي الله عليهم وهي تبجي من العوارلا وبعد لما ولدت تمت ساعتين تسال اذا البيبي عايش ولا ميت ومحد يرد عليها حتى الدكتوره لما يت قالتلها اشفيج تبجين السسترات كلهم يمج ماتدري انهم هاملينها حسبي الله عليهم لا وزيدكم من الشعر بيت تراها (بجر) وعمرها (21) سنه وهذا البيبي اول فارحتها ؟ انا من اول مادريت انهرت وقعدت ابجي حيل وحاشني عوار في بطني تدرون بعد انا هذا شهري وعلى وشك ولاده والله من الخرعه نزل علي دم خفيف عورني قلبي لانها معاي بالبيت وكل يوم تقولي شوفي بطني كبر شوفي اغراض البيبي اللي عندي تعالي شوفي ولدي يتحرك وناسه كل ليلة احس بحركته هذا اللي عور قلبي وخلاني ابجي عليها من امس لي اليوم انها بالنفاس الحين وخياط بس بدون ياهل امس يوم زرتها تقول حق حماي سميت ولدي ؟ دفنت ولدي ؟ شفته ؟ اشلون صاير شكله بعد عمري والله عورت قلبي تكفووون اللي تقرى الموضوع تدعيلها ان الله يرزقها مولود ثاني كامل الخلق والخلقه وان يسهل علي ولادتي بدون خوف وتكون بنتي كاملة الخلقه والخلقه ادري طولت عليكم بس حبيت افضفض لكم قبل ولادتي عشان ترتاح نفسيتي
الله يرزقها بالذرريه الصالحة يارب والله يعوض عيلها ويصبرها ان شاءالله وربي يكون بعونها يارب ويهون عليهم وربي يسهل ولادتج يارب
يعيني عينها والله الله يشفيها ويعافيها ويرزقها بالتوم يارب ويقر عينها بشوفه ضناها ويسهل عليش ويرزقش بالولاده السهله وفضفضي ياحياتي حنا حسبة خياتش ياغناتي
والله عورت قلبي هالمسكينه الله يصبر قلبها ويعوضها خير ويسهل عليج وعلي وعلى كل حامل ولادتها اميييييين يارب
هلا أختي . . . حمدلله ع سلامتها وربي يعوضها خير . . . وما تدرين الخيرة لها وين . . . وعموما معروف الالتهااابات تسبب اجهاض وولادة مبكرة . . . مرت حماج بجرية وان شاء الله ربي بيعوضها خير . . .
وااااااااااااااااااااي والله عورتي قلبي الله يرزقها بالذرية الصالحة عاجلا غير اجل يارب وتفرح بذريتها ويسهل عليج ولادتج يارب بس ليش وديتوها الفروانية جان راحت خاص يهتمون على الاقل مو الفروانية ما احبه
ربي يصبرهاا ويعوضهاا بخير... صحيح انه اللي صااار موو شوية لكن الانسان المؤمن يصبر علي مابتلاه ويحتسب الاجر من رب العالمين ... وانشالله يااارب يرزقهااااا ويتمم عليهااا وعليج بسلامة...
الله يعوضها اانشاء الله اساليني انا عن المستشفياااااات الحكومه بس ما نقول الا الله كريم وانشاء الله ربي يسهل امرج يا رب
ياربي الله يصبر قلبها والحمدلله ع كل حال هذا اللي الله كاتبله شتسوي بعد لكن الحمدلله راح وهو بطنها لا شافته ولا عرفته احسن من انه يعيش معاها وتشوفه ويروح منها والله يرزقها بالذريه الصالحه يارب
يحليلهااااا صدق ماساه حقيقيه الله يعوضها خير ياربي ويرزقهاااا بنات وصبيان يارب والله يسهل لها يارب ف كل حمل انا عندي بنت خالتي يتها التهابات بالسادس والله ماكملت وربت بس الجنين عاش وخلوه عندهم بالمستشفى لين ماكمل التاسع بس وايد تعبت وياااه وان شاء الله هاي خيره من رب العالمين والله يسهل علينا وعليج الحمل والولاده يارب
