مرحبا بنات امس في وحده حاطه اعلان ورديت عليها بسؤال ردت علي برساله خاصه الساعه 3 بالليل تقولي حبيبتي دقي علي الحين واشرحلج كل شي وحطت رقمها وبصراحه خفت حيل غريبه وشفت مشاركاتها 6 مشاركات انتو شرايكم بتصرفها؟؟؟؟؟؟؟ مو غريب؟
طاف يا قلببي يمكن ولد وانتي لا دقين على احد ما تضمنينه ... دربالج انتي متزوجه ... واهم شي راحتج ... يا قلبي انسي اللي صااار ولا تردين عليهااا ولا شي ... يمكن ولد باجر يصير مشاكل ويدق عليييييييييج ويوهقج مع ريلج ... وفديت قلبببببببج
مادري كيكه بس صدقيني لاتسئين الظن بااحد يمكن مالها خلق تكتب او ........ الخ التمس الاخيك المسلم سبعوون عذرا ... وانتي هم ديري بااالج ولتستعجلين بااي شي الخيره فيما اختاااره الله .... ويمكن الاخت تعبااانه او او او الله اعلم
انا بصراحه خفت بس هذي قالتلي دقي الحين وحطت رقمها عشان جذي خفت ومشكووووووووووورين عالرد ونفس ماقالت عسسسوله اخاف ادخل بمشاكل
تدرين صارت معاي مطرشين ايميل ومادري تقول انا بانتظارج شنو مافهمت بس رديت شنو بانتظاري مافهت عبالي تبي شي وهم مشاركاتها شوي انا عليمية علمني اضيفهم او لا
أمممم اعلان ومشاركاتها 6!! لو بلغتينا عنها عموما لا تتصلين على اي وحدة متأخر . . . عن نفسي افضل الرسائل الخااااصة دااائما . . . وفي تاجرات معتمدااات عندنااا اللي صارلهم فترة وياااانا ومشاركاتهم فوق الالفين وطالع لكن حتى ولو اتصال فجرا صعبة بعد . . .
ههههاههههاي كتبت موضوعي ونسيت ارد عليج ترى عادي في ناس يناسبهم الوقت انا منهم والله عادي اشوفها بس شنو سالفة ضيفيني بالايميل مادري خايفة اضيف احد
امبيه كيكه حتى انا متوهقه تخيلي قبل فتره وحده يديده و داشه البروفايل مالي و ما عندها مشاركات و لا ربع و طالبه صداقه و انا لمى اللحين ما رديت عليها<< خايفه منها هههههههه اشرايج شسوي؟؟ عليا حبي لا تضيفين احد ما تعرفينه ...
تلرى عادي يعني لو قايلتلج بالنهار دقي جان ماخفتي ودقيتي واذا مشاركاتها قليله يمكن توها مسجله بالمنتدى مادري انا اشوف السالفه مو محتاجه كل هالخوف حتى لو كنتي داقه وطلع ولد سدي بويهه ولا تهتمين
المشكله اهي موتاجره حاطه اعلان عن معرض بس لا والمصيبه في واحد اشطبوه الاداره دازلي رساله بعنوان كيكة سابليه الظاهر قاري مشاركتي بموضوع الشامخه وكاتبلي خنتقاسم الكيكه وحاطلي موقع بس الله لايوريكم تصرقعت بسرعه وشطبت الرساله حتى الموقع ماتجرأة افتحه الله يكفينا شرهم يارب
حبيبتي ماعليج لاتدقين اختي رفيجتها صار معاها نفس الموقف ليما دقت طلع رجااااااااااااااااال ودخلت بمشاااااكل نصييييحه من اخت لاتدقين
