كفتة بطاطس سريعه ومظبوطه { بالخطوات المصوره }

السلام عليكم ورحمة الله وبركاته [/color]

الكفته هذي لذيذه مره ومظبوطه وماتاخذ وقت
ياليت تعجبكم

ونبدا بالطريقه المصوره

اول شي اسلقي بطاطس كامل بقشره عشان تحافظين
عليه من المويه لا تدخله وتحافظين على النكهه
مثل ماتشوفين



وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس



ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك



ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك
وهذا شكلها بعد الحشو والتشكيل



وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بر عشان كذا لونها غامق



ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك
وهذا شكلها بعد القلي



وصوره اقرب



وهذا شكلها من جوى والجبن سايح والطعم جناااااان



اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله [/color][/size][/font][/quote]​

حلوه وشكلها بس ايشهي اشلون طعمها يم يم يم)

تسلمي

الله تسلم يديك اموت في شي اسمه بطاطس ياليت احد عندي يسويها لي انا ملي خلق على الطبخ

هههههههههههههههههههه صج انج اكوتيه عدله

مشكووورة ي الغالية بس فى سؤال : بعد ما نحشيها ونضع البيض والبقسماط نقليها بسرعة ولا تحتاج ندخلها الثلاجة حتى تجمد وبعدين نقليها وشكررااا,,

واي يوعانه شكلها حلو بسويها بس بحشيها خضار وقول لكم شيطلع معاي

يسلمواااااااااا

تسلم ايديج يالغالية

[color="navy"مشكوره اختي]اموت على كفتة البطاط بس ماتظبط معايه[/color]

شي عجييييييييييب صراحة ..

لازم أتفنن واسويها انشالله

مشكورة وايد

تسلم يدك شكلها روعه ولذيذه

سلمت الايادي حبوبه وربي شكلها موطبيعي

وربي شكلها لذييييذ ويشهي

مشكوره خووووووش طبخه سويتها اطلعت عجيبه حتي اعيالي استانسواعليها
يعطيج الف عافيه ​

اممممممممممم شو لذيذ هالوصفة يسلمو الايادي

يمييي .. شكلها يشهي
تسلم الايادي​

يسلمووووووووووووووووو يالغاليه

يسلمووووووووووووو ع الطريقه

اكيد بجربها

مشكورة اختي الله يعطيج العافية

و تسلم ايدج مبين ماشالله لذيذ

انا اموت عالبطاط بكل اشكاله

تسلم الأيااااادي يااارب

ماااقصرتي طريقة سهلة ونتيجة لذيذة ​