كلام امي !!

السلام عليكم ,,

بيوم ازوارتنا قالتلي امي ودي بخدامة زينة لأن خدامتها طاحت عليها اتبوق فلوس , وقلت مالها لا منتدانا الغالي وقعدت اقولها ان في خدامات ممتازات صاحباتهم يبون يتنازلون عنهم , وقتلها عن جم وحدة في المنتدى , بس امي استغربت من المدح الكبير للخدم وقالت ليش يتنازلون عنهم وكل المميزات الكثيرة فيهم , ليش ؟؟ :75_75: وقالتلي حكمة حلوة ومهمة وقتنعت فيها الصراحة وهي " لوفيه خير ماعافة الطير " :wink_smile:

ولكم التعليق .

صاجة والله انا بعد مستغربة من المدح الزايد
انا بعد ابي خدامة لأني طحت على خدامتي مشطبه على كل شيء حتى لقفاش والمواعين والشوك الله يستر منها بس وتعدي على خير عفية بنات اللي عندها خدامة امينه وتعرف حق اليهال والطبخ وسريعة بالشغل لاتبخل على

شكراا على مرورج مسية , والله يرزقني ويرزقج بخدامة اتريح بالنا .

انا مقولتي من زمان نفس مقولة امج قعدت فوق السنه بدون خدامه وماشتكيت لاني موموظفه وزوجي كان يبي يجيب مسترجعه وانا رافضه تماما اقوله لو فيها خير ماعافها الطير خصوصا ان خدامات هالوقت معززز**اااات مو خدم مايعجبها العجب وتتشرط وتنافخ وشايفه عمرها بس عندي نصيحه لكل وحده تدش وتشوف الموضوع لاتطلعون خداماتكم سوقه يعني مكان فيه اشياء الافضل انها ماتشوفها يعني مثلا خدامتج محجبه يعني المع**ه ملبستها حجاب تروح معاج مكان سوق تشوف الخدم تقولج بقط الحجاب ومابي ألبش يونيفورم ابي جنز وتي شيرت يعني لاتفتحون عيونهم ولاتخلينها تخالط الخدم انا خدامتي اخذها معاي بيت اهلي لان بيت اهلي عايله كبيره وكرررررررررررف عشان اذا شافت الكرف تحمد ربها علي بس نصيحه الخدم مايخربهم الا الخدم اللي نفسهم وفوق هذا يخربهم عدم حرص المع** والمع**ه يعني البيت سايب اي احد يدش ويطلع والمع**ه ياغافلين لكم الله يما خدم هالوقت بلووووووووووى توقعي منهم غير المتوقع والله انا حيييييييييييل طيبه مع الخدم ابوي يزفني وزوجي وامي وحمواتي الكل يقول حيل معطيه خداماتج وجهه من كثر البطره ومن كثر ماعطيتهم وجهه واخذها معاي كل مكان وكل ماروح مكان لازم اشتريلها شي والله يمكن اربع جبت ومن جنسيات مختلفه يوم شافوني جذي خبله وطيبه بطرو عالنعمه وقام يدلعون ويتشرطون وماطولو عندي قلعتهم وقعدت سنه بدون خدامه ليما جبت وحده جديده وصرت معاها رسميه بلا دلع بلا وجع قلب


وموفقه حبووووبه

امج صااااجه وحبيلي خشمها

مشكورة الجادل777 والله يتمم عليج خدامتج

كلاااامكم عدل ويعطيكم الف عااافيه

الله يعافيج سمااااء الكويت .

الله يعطيكم العافيه أنا كلشششششششش ما تواطن الخدم بس الي حادني أني اشتغل وماعندي مكان أودي اعيالي وحدي خائفه من الخدامه ومادري شسوي

ماما عبودان شكلج امظيعة بالقسم .. ما الومج الجوع كافر .

بالتوفيق يالغاليه

السلام عليكم
والله ياخواتي معاكم حق في كلامكم بس في ناس على ذمة قولتهم ان سبب تنازلهم لوجود خادمه ثانيه او ماتبي بيت كبير او تبي احد معاها يساعدها او ماتبي بيت فيه حموله وكذا عايله او وصول خادمتهم القديمه واحنا ناخذهم للحاجه الماسه اما ندعيلهم او مع الاسف ندعي عليهم واللي تبي الدعوه الخيره والتوفيق نصيحه لاتغشين في التنازل عن خادمتج وانتي الله يرزقج
اهم شي مواتصرف الخادمه على حساب غيرها وعاد هذا يرجع للخوف من الله ومحبه الخير لها ولاخوانها المسلمين
وربكم الموفق

تسلموووون حبيباتي على تفاعلكم ومروركم ,,,

اي والله صاجه اختي الجادل 777 واختي مالي اسم اللي الحين مو جايين للشغل جايين يتطمشون ويجربون الاكل والدلع لكن اللي خلاهم يصيرون جذي قانون الخدم الردي اللي مدلعهم ومخلينهم ما يتحاجونوالمكتب يقول لهم اذا اشتغلتو وما عجبكم المكان تعالو ردو المكتب احنا نوديكم مكان ثاني والله رفيجتي توها رادة من السفر كانت بوحدة من دول الشام تقول والله الاثيوبيات اللي تشوفينهم عندنا ما يتحاجون انه طقة فيهم وطقة بالارض وشوي ما تعبد عيالهم من الخوف والمداراة عليهم يعاملونهم معاملة العبيد وماشين مثل السيف ولا كلمة لان قوانينهم مو مثلنا وانا عن نفسي والله جبت اثيوبية شفت منها العجب وفوق هذا جذابات ما خليتها رديتها على طول المكتب وقال لهم زوجي ثلاث ايام فلوسي عندي واذا ماردت فلوسي كاملة بتشوفون شي ما صار واشتكيكم العمالة المنزلية انكم محرضينها ترد المكتب قالو خلاص نبي تنازل قال انشالله راح واخذ الفلوس كاملة بعد ما استلمهم قال مافي تنازل اللي مثل هذي ما ادخلها ولا بيت بالكويت تشتغل فيه تتسفر يعني تتسفر حرام تقعد في بيت واظلمهم - انا اذا ابي اتنازل عن وحدة تكون زينه بالشغل بس ماتعرف تطبخ اوكي او تكون تطبخ بس ما تعرف لليهال مو حابينها عيالي هذا شي ثاني بس غير جذي لا والله ما ابلي غيري بمصيبة
والله يوفق الجميع ويوفقنا وياكم ​

​

تسلمين حبيبتي بلاهوية على تفاعلج .. وبارك الله فيكم جميعا ,,,

صااجة امج
بس سااعات تصير ظرووف سفر مثلا او ترجع لج خدامتج القديمة وقتها شنو بتسوين باليديدة؟
نفس هالشي صاارلي
عندي خدامة مسيحية بنت مو متزوجة صغيرة وشغيلة تحب الشغل طلبتها يديدة لان خدامتي سافرت وظلت عندي شهرين وماشاء الله عليها تعلمت عربي بسرعة ومااحطيت لها تلفون نهائيا ماتطلب مني تكلم اهلها عشان جذي انا طلبت بنت ومن رجعت خدامتي القديمة مااصرت في حاجتهااا وابي فيهااا 420 بس
تحياتي

صح ممكن
قبل اخذت اندونيسيه مسترجعه طلعت يساحره الله لا يوفقها اشوه قعدت سنه وذل

صح ممكن
قبل اخذت اندونيسيه مسترجعه طلعت يساحره الله لا يوفقها اشوه قعدت سنه وذلفت
كرهت المسترجعات

يوم خداماتي السيلانيات بيمشون طلبت فلبينيه شهرين واسبوع يالله وصلت واخذت اثيوبيه مسترجعه كانت يديده توها واصله الي ردوها ماعرفي يتعاملون معاها لا عربي ولا انجليزي والحمد الله طلعت من حظي
ولما شرفت الفلبينيه كانت الاثيوبيه صارلها حوالي شهرين عرفت الشغل وتمكنت منه
وصارت الفلبينيه احس بس تحوس مع انها حرام تبي الشغل وتحاول وحاطه حيلها بولدي الصغير بوسنين بس تلاحقه وتلاعبه وهو ما يبيها لانها تمشي وراه مثل ظله
عشان شذي اضطريت اتنازل عنها جيبتها 550 ومعاشها 60 وماتسوي شي لانه الاثيوبيه ماشالله شايله الشغل كله والصغير كبر ما يبيها يبي الاثيوبيه لانها اقدم

والحين موجوده للي يبيها حرام شكلها تبي الشغل عندها 4 يهال وتبي تطرش لهم

اي والله صاجه امج سلميلي عليها

مشكورين حبيباتي الفراولة الحمراء وروان الكويت ونونا سكر وسلامج يوصل ان شاء الله .. والله يوفق الجميع ,,,

والله اهي بالنهايه مسأله ضمييير كل وحده وضميييرها وكل وحده وعالللي تربت علييه المفروووض لما الوحده تعرض مميزااات الخدامه تذكر عيوبها عشان عالاقل تبري ذمتها ويمكن الشي اللي اهي شايفته عيب بالخدامه يكون شي عادي يعني مو كل شي يناسبج يناسبني ولا كل شي يناسبني يناسبج

والله يوفق الجميع ويعطي كل وحده علي قد نيتها