مرحباااااااااا بنات شلووونكم نبي كل وحده تحط عمرها وجم صارلها تنطر الحمال والسبب تأخيره منج من زووجج وشنو السبب؟؟؟؟ اول شي انا ببدي العمر:20 المده: بكمل سنه السبب:عين والتابعه الي بعدي ؟؟؟؟
حياتي سااارون مافكرتي تعالجين؟؟؟؟ واذا قاعده تعالجين عند منووو؟؟؟؟؟؟ يااااااارب يرزقج بتؤأم الصالحيييييين
انا عمري 34 وصار لي سنتين ماحملت والسبب أول شي قالو زوجي وبعدين اكتشفو إن أنا فيني هرمون حليب وهذا آخر حجي وقاعدة أتعالج منه وهم بسوي الصبغة والله يسهل
عمري 21اناحملت المره الاولى بعدزواجي ب5شهوراستخدمت علاج تكيس على المبايض ولدت بالثامن وبنتي ميته بطني والحين من ولدت لي سنه وشهر ماحملت يقولون فيني تكيسات على المبايض والرحم مايل وهرمون الحليب مرتفع الله يرزقني الذريه الصالحه وجميع المسلمات
عمري 25 صارلي متزوجه سنه بسسسس اول بدايه زواجي مافكرت بالحمل لاني كنت ادري وزوجي بعد كان يدرس براا ماجستير يعني لو بحمل ماراح يكون عندي والسبب للحين والله ماادري ويمدحوون دكتوور محموود الاسطل لسوالف تاخر الحمل وعالج عمتي صارلها 4 سنين ماحملت والحين ماشاءالله عندها ولد وانشاءالله هالشهر اذا ماحملت اروحلها بإذن الله
اول مره اسمع فيه !! انا اذا ماحملت هالشهرر بروح عند ان انور بالحفررر حييييييييييل يمدحونها كذا وحده بالعايله راحتلهاا ماشااءاللله حملوو ع الله ثم على ايدهااا .. وعسى الله يرزق كل محرووومه
مرحبا آنا سالفتي سالفة أول ماتزوجت كان عمري 24 ،الدورة كانت غير منتظمة ،بعد ست أشهر رحت للدكتورة مهجة البدر وقالت لي عندج هرمون حليب مرتفع ، واخذت علاج وحملت ورزقت لله الحمد ببنت , وقعدت بعدها أربع سنين كنت اراجع لكن مقطع كانت الأسباب ضعف تبويض وهرمون الحليب أخذت علاج شعبي وحملت على طول ورزقت ببنت ثانية لكن للأسف ما حمدت ربي ،و آنا في ولادتها كنت أدعي انها تكون آخر بنت لأني مابي بنات أبي ولد فرب العالمين عاقبني للحين ماحملت صارلي الحين تسع سنوات من ولادتي الأخيرة ،رحت كل مكان وسويت تلقيح صناعي كذا مره واستغفرت ربي على اللي سويت بنفسي ، بس لحد الحين عندي أمل بربي ان يسامحني على ذنبي الكبير ويرزقني بالذرية .
عسى الله يرزقج بالذررريه الصالحه غيرررج يتمنى الضنى بنت ولا ولد كل شي من رب العالمييين وهذا انتي بس جبتي الثانيه غيرج جابو 6 و7 بنات وحامدين ربهم الله يهدييج بس مادري لمتى هالعقليه ع سالفة الولد والله باجر محد يدري عنج غير البنت سبحان الله تكبر وتزوج وهي حوليج عكس الولد من يتزووج يندمق كل لاهي مع مرته وعياله <<< جني شدييت حيلي هههههههههههههههههههههههههههههههههه ماقول الاياازينهم بنت ولااا ولد
الله يرزقكم و يرزق كل محرومه يااااااااارب و لا يخسر تعبكم ان شاءالله أنا حملت بعد سنه و نص تقريبآ بعلاج شعبي و الحين عمر بنتي 9 شهور و ما أفكر أحمل الحين كللللللش لين تكبر بنتي
الله يرزق كل محرومه يارب انا تزوجت وعمري 21 سنة وحملت بعد 3 شهور وجبت بنوته وخذيت حبوب منع حمل سنة كاملة واول ما قطعتها حملت بولد واخذت الحبوب لمدة سنه ونص وأول ما قطعت الحبوب حملت بالثالث وبعدة اخذت الحبوب 3 سنين ونص وبعدين قطعته علشان احمل بس طلع فيني كيس هرموني مسببلي ألم فظيع في الرحم من غير الغدة اللي سوتلي ضعف في المبايض بس عالجت الغدة لمدة 5 شهور وآخر دورة سويت ترديد وعقبه حملت ولله الحمد وانا الحين في الشهر الثالث
