السلام عليكم شلونكم امهات واللي بتصير ام بأذن الله شرايكم كل وحده فينا تحط شنو عندها من ارقام محلات او بيوت يسون فناتق او اشياء جديده من(الكبب ، الحلو القهوه ، السكر ، كفرات ، توزيعات ) تكتب لنا تجربتها والرقم وطبعا اسم المكان عشان اللي ولادتهم قربت يستفيدون . أنا ولاتي بأذن الله اخر شهر5 بس احب اعرف شنو الجديد واحطه في بالي عشان وقت التجهيز الوحده ماتحتار بروحها بتكون ثقيله وبالغصب تطلع واحنا اهني نتساعد نفيد ونستفيد . اول وحده والصراحه التوب وفاء الغريب (كبب، معجنات، حلو قهوه) شغل راقي ولذيذ وعن تجربه ورقمها 66218136 أم علي كاكاو 66006685 فايزه حلو شغلها (كبب) جربته عند ناس يمكن عندها شغلات ثانيه مادري 66642585 ام فارس (كبب) بس يمكن عندها شي ثاني 24841514 الحين بس هذيل اللي اذكرهم اذا لقيت تفاعل احط الباجي :wink_smile::wink_smile:
حبيبتي اول مشكووره بصراحه من ناحيتي احب الشغل البسيط الناعم اما سوالف خبات وجذي ماتعجبني وبالنسبه لتقديم انا اسوي هالشغلات شريت مرت ستاند فيه سلال وصبغتهم وحطيت بكل سله 10 حبات تقديم وفيه 8 سلال وطريقتها كانت رووووعه وبس
والله حبيبتي الله يسهل عليج ويقومج بالسلامه ان شالله انا عن نفسي مااهتم لهشغلات نهائيا يمكن طبعي ما احب المظاهر زياده او خصوصا لمن اكون بوضع ارجي رحمة ربي وانا بين روحين ونصيحه اذا انتي مقتدره تصدقي اول شي وبعدها دلعي روحج وعسى ربي يه*** واتمنى البنات يفيدونج بالي يعرفون
اولا مشكورين على مداخلاتكم انتو فهمتوني غلط انا بعد مو من هالنوع اللي يسوي استقبال بالمستشفى ويخسر والحمدلله انا قصدي نستفيد يعني انا بولاداتي كنت كل اسبوع استقبل اي احد ايي حياه الله بس القصد من الموضوع لم ايونج الناس شنو تقدمين ما تبين كبب ومعجنات وحلو قهوه واكيد بتوزعين عليهم توزيعات كاكاو وكل هذا مايعدي 200 او300 والحمدلله انا ولاداتي السابقه بغرفه عاديه بالمستشفى صج مستشفى خاص بس مايتعدى 500 واستقبل في البيت ولان ماعرفنا وايد قلت كل خميس اما رفيجاتي حددت لهم يوم لا قاعده ابالغ ولا تحاتين حبيبتي الحمدلله الواحد يتصدق ويعطي كل يوم شلون اذا على السلامه وقلت يكون الموضوع شامل وانا اسفه على ردي هذا ومشكورين مره ثانيه:smile:
حبيبتي انتي عليج بالسكر والصواني الصغار حق التقديم اما الحلويات والكبب الناس تجيب هذي وحده تسوي سكر ع اشكال جربت اختي منها حلو شغلها بس جابتلها سله وحطت السكر فيهاا على ماعتقد صينيت السكر مو شي اسمها دندوون 99110117 وهذي وحده تسوي كبب صينيتهاا حلوه ذربه 97562212 وهذي مالت ورق عنب وملفوف عن تجربه روعه بس الصينيه عاديه 97236939 والله يسهل عليج ويرزقج باللي تمنين..
الله يسهل عليج والله ما عنيدي خبره بالشي هذا وان شاء الله اذا ربي رزقني بعيال بستفيد منج : ) لا تخلين شي بخاطرج
هلا و غلا حبيبتي الله يسهل عليج يا رب و يقومج بالسلامة انشاء الله و يرزقج بالذرية الصالحة بالنسبة حق الكبب و الحلويات أنا آخذها من المحلات جاهزة و ذربة مثل حلويات الروماني أو الخباز أو سابليه و ساعات أكون شاريه صواني تقديم حلوين و ذربين مثلا عندج هوم سنتر بصراحة شفت عنده صواني وااايد حلوين و أحلى من المحلات أوديها للمحل و أخليه يحطلي فيها الأنواع اللي أختارها من المعجنات و الحلويات و بالنسبة للسكر في سكر تقديم ينباع بالمنتديات و ساعات بالمعارض أشكال و ألوان شكله حلو و ذرب و التوزيعات صديقتي كانت مسويه توزيع فنتق و راقي بنفس الوقت بس آخذ رقم الأخت اللي اتسوي و أضيفه على طول هو عبارة عن علبة أو قرشة زجاج صغيرة تحط فيها ككاو ذايب نفس طريقة شوكلت بار و تحط بسلوفان ملونه و ملفوف بشكل مرتب و راقي بسكويت أو المارشملو ( خد البنات ) و تحطهم بعلبة شفافة ملفوفة بشريطة على شكل فيونكة شكلها بسيط و ذرب و فنتق بنفس الوقت موفقين يا رب
الله يسهل عليج حبوبه ^_^ انا اختي وخالتي يابولي الفطاير والكبب من كيك ان بيك وربيل وحتى حلو القهوه منهم والصواني 3 احجام مع مطاراتهم لون واحد فضي وحماتي زينتهم لي كنت مسويه استقبالي بالمستشفى لاني قيصريه وقبل رمضان بسبوع وكل شي بسيط وناعم اختي وحماتي زينو لي الغرفه بيدهم والعصير من مصر منجا فرغلي وسكر التقديم واييد حلو طلبته من وحده بالمنتدى هذا رقمهاا 99110117 وتوزيعه انا مسويتها بروحي الككاو سويت شكلين علب مربعه والثاني جياس بس وايد حلوين وكل شي شريته من بياع الورد هذا كله ماكلف على حتى 120 وان شاءالله اكون فدتج حبيبتي
انا اول شي كانو يوزعون عصير وفاطير وورق عنب وبعدها بفتره جاي وقهوة وحلو قهوة ولي طلعو اخذو من التوزيعه وبس
انا سمعت ان احلى ورق عنب من " شربات " رقمها 65545355 و هم ورق عنب شيف هاوس 65886577 بالنسبة للحلو ،، انا رحت " مندرين " اللي بحولي لذيييييييييييييييييييييذ حده كل حلو احلى من الثاني ،، و عند جوكلت اند مور ،، يمدحون الككاو الكور منقوشه و داخلها سوس انتي تختارينه رقمهم 99282829 و هم يمدحون حلو غلا ،، 97143553 و حلو سبشل فليفر 94436823 بس حلو مندرين اللي جربته اما الباجي لحد الحين ما جربت شي بس واااااااايد وااااااايد يمدحونهم و حبيت افيدكم
