السلام عليكم ورحمة الله حبيت اسألكم واشوف خبرتكم عندي بنت عمرها سنه وشهر وهي لين الحين ترضع مني والحين انا حامل .. والمشكله .. انها تنام وهي ترضع ولازم اهزها على ريلي !! واتنش في الليل كم مره .. ومش عارفه كيف اتصرف لانه يوم انش في الليل كل شوي هالشي يتعبني وابا اوقف الرضاعه لاني حامل .. ياريت اتساعدوني
انا بعد عندي نفس المشكله بنتي عمره سنه و5 شهور ماتنام الا يمي بالفراش واذا حطيتها بفراشها لازم تقعد واتيه تنام عندي ماني عارفه شلون اخليها تنام بروحها ياليت احد يفيد
السلام عليكم انا عندي اسلوبي الخاص حبيت اكتبه لكم يمكن يعجبكم اولا اشتريت مرتبة عالية وحطيتها على سريري عشان ما يقدر يصعد ثانيا تحطين بالتلفزيون اللي بغرفتة على قنوات اطفال انا احط قناة براعم فيها حركة وايد تشد انتباها تقعدين جمبه بس لا تلزقين فيه علشان اذا قمتي ما يحس فيك واذا شفتيه ما ينتبه على التلفزيون حطيه بحضنك وقوليله شووف راح تطير الطيارة او يارورو عطني الورد او ايا كان اسم الشخصية اللي في الباباي وسوي تعابير بوجهك مثل مندهشة فرحانة اي شي علشان ينتبه على التلفزيون ولما تشوفينا اندمج حطيه شوي شوي وبعدين قومي او زحفي عشان ما يحس عليك مشت معاي السفاله هاذي تقريبا اسبوع صرت انا اللي اشتاقله واروح عنده ودمتم
