هذه مشكلتي مع زوجي احبه كثيرا وهو يحبني اكثر لكن المشكله انه عصبي يعصب لاتفه الاسباب احاول اتجاهل عصبيته فالبيت بالصمت حتى يهدأويرجع للندم والاعتذار المشكله عندي عصبيته خارج البيت ممكن توصل فيه ان يرفع صوته عليا قدام الناس او فالشارع او نكون طالعين نتعشى بمطعم ممكن يعصب على العامل اللي في المطعم او ممكن يختلف معايا على صنف توصل معاه انه مايتعشى واحيانا يعصب على اخواني لسبب تافه فاكون بموقف محرج واحاول ادافع عنه وابرر موقفه يعصب اذا تاخرت شوي عليه وهو ينتظرني بالسياره احاول معاه واحاول لكن مافي فايده اتحمل لكن احس كل هذا على حساب نفسيتي نفسي اعلمه الصبر بس ماني عارفه كيف احاول ارسمه دايما باحسن صوره ويجي هو بتصرف تافه يهد كل اللي بنيته لما نرجع البيت يعتذر وفعلا ارضى واسامح لكن كيف امسح الفكره اللي اخذوها الناس عنه لدرجه الناس وحتى اخواني يتفادو التعامل معاه حتى والله وحده قالت لي وسط ناس الله يعينك عليه كيف متحملاه الناس اخذت عني فكرة اني ماني مرتاحه معاه وانا بالعكس حرام اظلمه بس مااحب الناس تاخذعني الفكره هاذي0000000000هو طيب ويحبني وانا والله مالقى مثله لكن كيف اتعامل معه؟ساااااااااااعدوني ارجوكم
والله حسب كلامج اللي ذكرتية أنتي السبب إنه يرجع بعصبيتة ليش تسامحينة أنتي تقولين يحبج أوكي يعني السلاح معاج لا ترضين على طول قعدي يوم أو نص يوم متضايقة من اللي سواة خلية يحس ويندم عى فعلتة صدقيني راح يتوب زوجج مثل زوجي
انا اوافق كلام اختي وطنيه حيل اذا عصب عليك وخاصة قدام الناس ازعلي عليه حسسيه بان عند مشاعر واحاسيس وضحيلو : تخيل نفسك في مكاني (واحد يعصب عليك ويرفع صوته قدام الناس ) والله ما راح ترضاها وكمان غيرك ما يرضاها .. ولا تنسي عليك بالدعاء ثم الدعاء ثم الدعاء الله يفرج همك ياااارب تقبلي مروري
اللــــــه يهديه ويسخره لج.. بس صح كلام البنات لا ترضين بسهوله خاصة اذا صارخ قدام الناس انا كان زوجي جذي حتى قدام اهله يعني شوفوني بس بوقتها اسكت ولما ارد البيت ازعل وخاصة لا تعطينه هذييييييك الشغله >>فهمتي والله راح يتوب...
الله يخليكم لبعض يارب شوفيحبيبتي كلام البنات صح و انا من رايي تقعدين معاه و تقولين له المشاكل و الاعصاب ما تطلع برا الغرفه الزوجيه ولا اسمعك ترفع حسك علي جدام احد تبي تصرخ لمن نكون بروحنا و مو بكل وقت ولا تعصب و تصرخ جدام احد لانه اذا عصبت راح ينهدم الاحترام بينا و مثل ما انا احترمك جدام الناس لازم تتحرمني وماتحرجني و خلج عادي لمن تحاجينه لا ترفعين صوتج بس حسسيه انج متضايقه و قوليله اذا رفعت صوتك علي جدام احد بزعل و بتشوف ويه ثاني لي بس بطريقه حلوه وانتي و اسلوبج الحلو معاه بس حسسيه انج تبين الاحترام مثل ما انتي محترمه وانج ماتبين يحرجج وانشالله ربي يهديه لج ويسخره يارب والله يتمم عليكم ولا يغير عليكم ويهديه وصدقيني هذي احسن طريقه لاني مجربتها و قايله حق رفيجتي ونفعت معاها والله يوفقج يارب:smile:
الدعاء ... ثم الدعاء ... ثم الدعاء أهوا إلي بردا لج و بغيره ... أسئلي الله (( الله يسخر لج سخيمة قلبه )) واي و الله ريايل لكويت عصبيين بدرجه فضيعه الله يهداهم يارب
سلااااااااااااام والله نفس حالتي يوم يعصب مااقدر اكلامه ومادري شنو الحل وياه وما يتحاجى يوم يعصب طرح وايد حلوووو راح اجرب بعد كلامكم واشوف شنو يصير معاااي انشالله يتغير
عورتي قلبي يا ثلوج دافنه والله يعينك ويصبرك حالتي نفس حالتك بس يالله الحمدالله وشكرالله تقبلي المرور
