السلام عليكم ورحمه الله وبركاته كتبت فى هذا المنتدى منذ ايام كيف حملت فى خلال شهر وذلك باللجوء لله والاستغفار وهذ رابط القصه http://arb3.maktoob.com/vb/arb225498/ بعد تضرعى لله واستغفارى سبتها لله ما ستنتش مارست حياتى عادى كنت بروح الدوام كل يوم وبركب التاكسى واقعد واروح عادى واشتغل فى بيتى لحد ما بدات اعراض الحمل تظهر اولا الدوره ما جتش فى ميعادها ولانى كنت عارفه ميعادها بالظبط ما رضتش ادى لنفسى امل بدات الاحظ حاجات غريبه بتحصلى حاسه انى تعبانه علطول و مش طايقه اشم ريحه السجاير بتاع جوزى خالص ومضايقه وبيبقى نفسى اروح بسرعه عشان اترمى على السرير وانام رحت الدوام تانى يوم من بعد ميعاد الدوره وانا واخده معايا لبان سماره (نوع مشهور من اللبان فى مصر) لبان من غير سكر طلعت اكل لبان لانى ما كنتش قادره طلعت لبان كتير اعزم على زمايلى واحد منهم بص للبان كده وقالى ياه انا من زمان ما اكلتش اللبان ده من اصل مراتى كانت بتاخده علطول طول ما كانت حامل ما حطتش الموضوع فى دماغى وقتها لكن لما روحت قعدت افكر ايه اللى بيحصلى ده معقووووووووول ممكن لا ازاى معقووووول بالسرعه دى لالالالالالالالا مش هادى نفسى امل طب مانا اقطع الشك باليقين واجيب اختبار زى مالستات بتعمل دخلت الصيدليه اللى جمب شغلى وطلبت وانا فى قمه الاحراج لا وايه قلعت المحبس اللى فوق دبله الجواز واديته الفلوس بايدى الشمال وانا نفسى اخرم عينيه بدبله جوازى اه انا مجوزه يعنى من حقى اطلب الاختبار وروحت وانا قلبى بيدق انا هاعمله بقى هادخل الحمام الكبير وعملت الاختبار !!!!!!!!!!!!!!!!!!!!! ايه ده انا مش فاهمه حاجة يعنى ايه ولا اى خط ظهر يعنى ايه انا حامل ولا لا اما نقرا النشره تانى بيقولك لازم البتاعه دى الى اسمها طرف الاختبار تتلون معنى كده ان الاختبار تم بنجا ح نعم بتاعه ابه يا ربى البتاعه لونها زى ما هو وانا سايباها بقالى ساعه جوة ال ما علينا اما اشوف يادى المخ دانا ما شيلتش الغطا دانا حطيتها بغطاها لا لالالالالالالالالالالالا انا اتشائمت وادى الاختبار باظ يادى النيله اجيب واحد تانى لالالالالالالالالالالا والله ما نا جايبه هوه الحمل هيستخبى هاستنى وكبرت دماغى اليوم التالت لا انا عيله انا رجعت فى كلامى نفس الاعراض مش طايقه روحى وبدات اقنع نفسى انى لازم اعرف احسن يكون فيه حمل ولا حاجة واعمل حركه غلط لا قدر الله بس انا مش معايا فلوس هاجيب اختبار تانى منين هاقول لجوزى وقبل مانا اساله قالى الدوره جاتلك ولا لسه قلتله بسرعه اه جت نزلت وبعدين قطعت حسيت بملامحه اتغيرت وطلعت من الاوضه اليوم الرابع لالالالالالالالالالالالا مش قادرة اشتغل هادخل عالنت وانا فى الشغل اما نشوف اعراض الحمل ايه ايد ده دوار وغثيان وثقل فى ال لا انا مش كده يمكن حاسه بالبتاع اللى اسمه غثيان لكن انا مش دايخه وما عنديش ثقل خالص ايه ده انا هاقوم اروح رجعت البيت وكالعاده حضنت السرير طبيخ ايه وبتاع انا مش قادره اشيل نفسى صحيت ايه ده الساعه كام ده زمان جوزى جاى اما اقوم اعمله اى حاجة دخل وراح مدينى بتاع كده اسمه clear blue ايه ده يا حبيبى؟ بصلى وقالى انا بصراحه حكيت لواحد زميلى فى الشغل عنده خبره سال مراته وقالى ان الاختبار ده مضمون بنسبه 99ز9 % صاحبك مين ده وعنده خبره ازاى قالى عنده ماشاء الله 6 عيال يبقى عنده خبره ولا لا؟ اخدت الاختبار وقلتله خلاص خليه موجود اهو ينفع بعد كده قالى ممكن تجربيه دلوقت قلتله لا بعدين. ولا اعترض ومش عارفه ايه اللى حصل بعد كده لقيته اتخانق معايا خناقه وراح داخل نايم وهو زعلان بصراحه كل مره كنت بصالحه حتى لوهوه الى غلطان لكن المره دى ما كنتش فايقاله المهم دخلت نمت انا كمان وظبطت المنبه على قبل الفجر بساعه وصحيت قلت هاصلى ركعتين لله قبل ما عمل الاختبار صليت ودعيت ربنا كتير وقلت ادخل اعمله لالالالالالالالالا بلاش الحمام الكبير انا هادخل الحمام التانى خلى ربنا يكملهالى على خير وطبعا بعد ما قريت الاختبار كويس جدا ذاكرته كويس اوى بسم الله حطى البتاع اهوه طرفه هيتحول للون الوردى يعنى تم بنجاح قلت فى سرى يا مسهل يا رب النتيجه هتظهر فى خلال كم ثانيه لا دى النتيجه ظهرت علطول دى ظهرت فورا خطين والله خطين يعنى ايه انا حامل لالالالالالالالالا انا حااااااااااااااااااااااااااااااااااامل والله انا حاااااااااااااااااااامل ياااااااااااااااااااااااااااااارب يااااااااااااااااااااااااااارب احساس رهيييييييب احساااااااااااااس كبيييييير اوى بحب ربنا اوى ربنا استجابلى لا وبالسرعه دى ربنا ما خلانيش استنى اديهالى علطول دانا فرحتى باستجابه ربنا ليا اكتر من فرحتى بالحمل نفسه هابقى ام هانزل اشترى حاجات البيبى حد هيقولى يا ماما مش هابقى لوحدى ايه ده انا نسيت لازم اصحى جوزى اقوله ولما جيت اصحيه صدمنى صدمه المره الجايه بقى اكمل بس حد يرد عليا يا جماعه
