Size="6"]السلام عليكم خواتي, أنا احب زوجي وبجد احترمه ببداية زواجنا كان في وايد خلافات وكنت وايد عصبية وصوتي عالي بس الحمدلله الحين راحت الخلافات بس بقي اثرها بأنة دايم يتذكر (تنسين يوم قلتي...أو يوم صوتك علي بوجهي)ومن هلكلام أنا الحين صرت أعرف حدودي معاه وربني هداني وصرت عاقلة شنو أسوي الحين حتى ينسى ويصير يقدر كل شي زين بسويه وشلون أحسسه اني احترمه وجزاكم الله خير[/size]
مرحبا رشا راح ادخل بالموضوع حبيبتى الريال مثل الطفل دلعيه ضحكي وياه يكفى ابتسامتج لما يدخل عليج حاولى لما تنادينه لا تنادينه بسمه مثلا قولى حبيبى حياتى حبى واذا فتحلج موضوع تذكرين يوم صوتج عالى لا تكبرين الموضوع ولا تناقشينه حبى راسه وسكتى صدقينى راخ يندم لانه بشوفج تغيرتى حبيبتى الريال نارج وجنتج خليه يعرف انج طيبه وما كنتى تقصدين راح ينسا بمعاملتج معاه حاولى تسوين الشى اللى يحبه مثال سويله الاكله اللى يحبها وقوليله انا سويتها لانك تحبها او لبسى الهديه اللى يشتريها لج مل ساعه او حتى عطر شراه حطى منه وقوليله هذا عطرك حبيبى انا حطيته لك جذى الريال يستانس وينسا واى استفسارات انا حاضره
هلا اختي قعدي وياه وقوليله اول سنوات الزواج يكون فيه مشاحنات ومشاكل لاحصر لها لان في شخصيتين مختلفتين في الطبايع والعادات وكل شي ومعروف ان هالسنوات كلها مشاكل ومشاحنات وكل واحد يحاول يثبت وجوده وشخصيته لكن مع الوقت كل طرف بيطوف للاخر ويكبر عقله ويسامح ويعذر وبتمشي الحياة غير ان العشرة والحب بيكبر بينهم قوليله ذاك الحجي بجلسة هادية وربي يصلحه ويهديه لج
هلا حبيبتى شوفى سمعى كلامه حاولى تمسكين اعصابج اذا نرفزج بالكلام خليه لين يخلص كلامه ولما يهدى بعد 4 او5 ساعات ناقشيه بس بالهداوه ومن ناحيه الاحترام اذا دخل عليج من الدوام بوسى راسه لما يقعد من النوم سويله جاى او عصير اهو يحبه قوليله سوالف حلوه وكرر اذا عصب سكتى فى البدايه وسمعى كلامه وعسا الله يحفظج
حسسيه باهتمامج فيه و راعيه و حسسيه باهميته يعني مدحيه بينج و بينه و عند اهلكم وجابليه دايما سأليه محتاج شي حبيبي اسويلك شي؟
