بسم الله الرحمن الرحيم والصلاة والسلام على سيدنا محمد خاتم النبيين ياخواتي انا مو عارفه من وين ابدي ومن وين انتهي لان حاسه اني انتهيت مااطول عليكم ياخواتي انا قصتي اني مطلقه وعندي ولد ويتيمه الاب وعندي من بعد الله امي الغاليه الله يخليها لي ويشفيها من مرضها وبس المهم عن طريق صديقه لي تعرفت على شخص ونصحتني فيه وقالت انه زين وحبوب وولد حلال بس فيه عيب واحد انه متزوج بس انه مو مرتاح مع زوجته وواصلين للطلاق بسبب انها ماتجيب عيال وحاولو وماكو فايده لمدة 8سنوات المهم مدري يابنات شي خلاني اوافق مع العلم اني اكره فكرت انه زوج يخون زوجته لان هذا كان سبب طلاقي المهم اني كلمته واعجبني اسلوبه وحنانه بس بنفس الوقت مانسيت انه متزوج وكنت دايم اني احاول اعدل من تصرفاته مع زوجته وكنت انصحه لما جاء وقت قال انا بطلقها واتزوجج المهم يابنات انا رفضت هالشي وسعيت لين انه رضاها وجابها للبيت مع انه اهله كلهم اوقفوا معه على طلاقه وحبيت اكمل الجميل وظليت ابحث عن حل انه زوجته نحمل وقمت اخذ منه معلومات لين عرفت حالتها بالضبط المهم ماخليت احد ماسالته ماخليت شي لين الله وفقني ولقيت الحل المهم بدت مرحلة العلاج والله يابنات والله انه حتى مشايخ راح المهم قالوا الدكاتره ماكو امل الا اطفال انابيب المهم سوو وماكو فايده اخر حل طحنا على شيخ يعرف بامور السحر والعلاج وكشف عليه الشيخ وكانت الصدمه له انه زوجته مسويه عمل والعمل هو اللي ماثر عليهم اثنينهم لان السحر طلع شر مو خير عليها المهم تعالج وقال بقول لاهلي عنها واوجها بس انا نصحته انه يرحم حالها ولايفضحها وجيت بكل طريقه لين الحمدلله صفت النفوس المهم سبحان لله احملت بنفس الشهر اللي تعالج فيه عند الشيخ وطبعا والعلم عند الله الشيخ قاله زوجتك بتحمل بعد ماينفك العمل منك وفعلا سبحان الله والله والله ياخواتي انه بعد ثلاث شهور سافرت عمان جان الرجال يقلب على قلبت الشر لدرجة انه كذا مره يمد ايده على ويطقني طبعا نسيت اقولكم انه اقنعني بشغله غبيه وهي انه اذا ماابيه يطلق اتزوجه عرفي ووافقت المهم انه الله رزقه بولد الحين الله يخليه له ونسى كل شي حصل بيني وبينه والله ياخواتي انه قام لاشافني مدري شنو يصير فيه تلقينه زين وفجاه يقلب على قلبت الشر اهنه وطق وانا اتحمل واترجى لين حصل هذاك اليوم شي غريب انه كان جاي من السفر ومن وصل ثاني يوم جاني والله ياخواتي انه دقت عليه ومارد عليها تدرون شنو صار الرجال حاله انقلب وصداع وحاله فجاه نام وهو نايم والله ماصدقت اللي صار انه مثل الجهال الله يكرمكم انه بال بالفراش ومن فز من الفراش على الباب على طول اساله وين بتروح قال ذلفي بروح حق زوجتي وولدي انا مخنوق مخنوق وماادري عنه يومين والثالث جاني وهم نفس الطريقه بس هالمره اقوي طق وعض ورفس الله انه شال لحمي بضروسه جسمي كله راح المهم ابجي واصرخ واترجاه خلاص انا شنو سويت مايتكلم يزيد لين اذن اذان الفجر يالله طخ بعدها قط نفسه على السرير ونام قام من النوم ومشي وقام يدق على ماارد وقام يدز مسجات ماارد فيها انه يعتذر ويترجاني مااخليه وانه بعدي يضيع وانه راح يعوضني عن كل شي بس انا خلاص مو قادره والله انحشت بيت خالتي قلت عشان مايجيني احس اني تعبت ارجوكم ساعدوني ابي حل ابي ابعد عن حياته وهو يبعد عن حياتي الله يخليكم ادري اني غلطت واعترف بغلطي بس ابي احد يسلعدني ينصحني الله يخليكم تكفون ويبعد عنكم كل شر واعذروني اني طولت عليكم اعذورني ابي فزعتكم لان حلي الوحيد هو الانتحار لان ماابي اضعف وارد له تكفون
الحمدالله انج تعرفين غلطتج سويت خير وسويتي غلط بنفس الوقت بس لاتحزنين هذا نصيبج وكل انسان يغلط .. حبيبتي نصيحتي لج تركيه والله بيعوضج خير صلي وادعي ربج بس لاتفكرين تردين له خليه اهو وحياته ع قولتهم يسطفل مالج شغل فيه .. ابتعدي عنه وفهميه انج ماتبينه ولايدق ويفضل تغيريين رقمج .. بتضلين طول حياتج بنفس المأسآة معاه
انا مع اختي روز ,, مثل ماقالت اتركيه وغيري رقمج .. وادعي ربج .. والله يعوضج خير حبيبتي ويرزقج على نيتج .. انتي كان قصدج خير وانقلب عليج لكن انصحج اتركيه والجأي لربج اهو الي بيعوضج خير طمنينا عليج وبالي يصير معاج .
أختي . . . أنتي امرج عجيب بصراحة مو شايفة الا النتيجة اللي وصلتي لها ولا راجعتي نفسج بأخطائج الاولية تعرفتي ع شخص وكلمتيه وعلاقة وقمتي بدور العشيقة الطيبة اللي تبي مصلحة هالشخص واشغلتي نفسج بأمور كان الاولى تهتمين فيها بنفسج وامج وولدج . .. وبعدها سويتي الطامة زواج عرفي بالله عليج عرفي ليش؟ احنا ساكنين في صحراء وإلا في مجتمع مدني ؟ اختي انتي تحتاجين من يصحيج من هالخرابيط اتركي هالرجل واستغفري ربج وسوالف الانتحار والامور التافهة تركيها انتي أم ومسؤولة عن امج المريضة وفي حياتج أهم من هالشخص اللي ماوراه إلا المشاكل والسحر . . . والمصيبة موديته لساحر كل هذا علشان ينجب !! مثل ما قلت لج تحتاجين وقفة قوية مع نفسج وتراجعين اخطائج والخطأ الكبير علاقتج برجل غير مناسب كلامي قوي عليج لكن هذا اللي انتي تحتاجينه مو طبطبه وكلام حنون لا صراحة . . . ولا تنسين اخذي نسخة من زواجج العرفي منه . . . وان مصخها بسوالفه روحي لاقرب محامي . . .
يالله قصتك قصه بس الحل هو الطلاق مو الانتحار وكلام اختي ام عبدالله عين العقل واحب اشكر اختي ام عبدالله ع كلامها لانها داااااااااااااااااااااااايم تعجبني نصايحها وعساك على القوه
السلام عليكم ورحمة الله وبركاته اشكر كل من ردت على موضوعي وانصحتني والله ياخواتي كلامك يبرد القلب ونصايحكم حيل صحتني من غفلتي والله صج وقفتكم معاي حسستني انه الدنيا للحين بخير وحسيت انه فعلا اني بين خواتي والله يجزيكم الف خير ويبعدعنكم كل شر وانا خلاص عاهدت ربي ونفسي انه ابعد عن الغلط وابدي حياتي من جديد وضحكة ولدي وصحة امي عندي بالدنيا ومافيها واشكركم مره ثانيه
مادري شقول بس البنات ماقصروا الله يعينج وخلاص انسي ترجعين له انتي سويتي خير وانشالله اجرج عند الله وربي يرزقج احسن منه والانتحار اعوذ بالله حبيبتي كلنا تصير لنا مشاكل والله اكبر من مشكلتج لكن الصبر والاستغفار احسن حل وتعوذي من الشيطان واكثري من قراة سورة يس وبعدها ادعي بفرج همج وربي يوفقج والحين انتي ربي ولدج وقولي الحمدلله الله رزقج بولد خير من اي رجال وصدقيني ماوقفت الدنيا على الزواج او على رجل الله يخلي لج امج وولدج وكثري من الاستغفار
انا مع كلام اختي ام عبدالله 100% بس ودي اضيف شي واذكرج فيه الظاهر انج لاهيه عنه الا وهو .... التقرب الى اللـــــــــــــــــــــــــــــــــه يا اختي والله تقربي الى الله وتوبي توبه نصوحه وشوفي اشلون الله بيوفقج بالدنيا والا خره ان شاء الله وربج كريم علام الغيوب .... استغفرك اللهم من جميع الذنوب والخطايا واتوب اليك
كل بنى ادم خطاء وخير الخطائين التوابين مرات الانساء يخطا متعمد ومرات غصبن عنه حاولو تكوني ان شاء الله من الذين تعلمو من اخطائهم واعتبريه كابوس او حلم وارجعي لصوابك قلبي واستغفري الله لعله ارادة لكي الخير بهذا الشيء لتعرفي نعمته عليك هدى الله بالك واراحك من كل هم وغم واعتبريني اخت لكي باى لحظه
رحتي للشر بريولج اختي انتي يوم دريتي مرته سحاره وراعية طبوبه شمالج رضيتي يعني كنتي متوقعه انها بتخليج بحالج عقب ماسحرت زوجها ؟؟ روحي عالج عند الشيخ والله يبعد عنج البلى ويرده بنحرها ان شاء الله اشكره مسويتلكم سحر
