قوووووه بنات شخباركم انا تونى جايبه ولدى عمره الحين خمسه شهور مالى اللى اهو الكلام مو هنى الكلام ان زوجى رفع ضغطى يقول شفيج طلع لج كرشه على انهاا صغيره و شفيج سمرتى وشنو الخطوط اللى فيج((( اهو دقيق خلقه)) بس هذا الشى سوالى توتر وقلق نفسى امانه ابى حل منكم والله زهقت قولولى شنو اسوى انا ماعندى احد اقوله الا انتم اللى عندها اى شى يزيل الكرشه الصغيره تقولى والاسمرار خاصه اللى عند البطن والخطوط وجزاكم الله خير
هلا أختي حمدلله ع السلامة هذي ضريبة الحمل والامومة وكل شي يتعدل لاتحاتين قللي من السكر سوي رياضة المعدة وسبحان الله الرحم ترى ما رد مكانه على 6 شهور بيرد بإذن الله والإسمرار سوي حمام بخار سونا مغربي ودهني جسمج قبل ما تتسبحين بفازلين او زيت زيتون ودخلي الحمام وحاولي قبل ما تدخلين تسوين رياضة علشان يصير في تعرق ورطوبة وتسبحي وليفي جسمج . واه شي انج تسوين هالامور لنفسج مو علشان زوجج لاحظ هالشي نفسج اولا وثانيا اهو
جسمك حيرجع متل اول مع الرضاعة اصبري شوي واحكيلو انه تغير جسمك بسبب الولادة مو اهمال منك والمفروض ما يحسسك بشي لانه هذا شي طبيعي بصراحة انا لسا ماحملت ولا مرة والله يرزقني يارب بس من هذه الايام مجهزة زوجي انه حتتغير كثيييير اشياء بجسمي وخبرته بكل شي واعملي رياضه للمعدة اصلا هي مفيدة بكل الاحوال وحاولي دايما تزبطي شكلك ولا تحسسيه انك اهملتي بنفسك بسبب البيبي والله يهديه .
نفس الماساه عالاقل انتي صارلج خمس شهور شتقولين عيل اللي صارلها عشرين يوووم وقاعد ينقد على هالسوالف صج قهر جنة هالبلاوي اللي فيني احنا حاطين ما جنه يايبين عيال حقهم الله يخليهم ان شاء الله انا اكثر شي باط جبدي الخطوط شنو اسويلها فيدونا
حبيبتي الخطوط ما تروح ممكن تخف فيه كريمات بالصيدليه ممكن تخفف الخطوط والاهتمام بالحمام المغربي والتزيت والكريمات ممكن تحسن من النتائج والله يعينكم ويهديهم لكم ....
حبيبتي انا كان عندي خطوط حمر بعدين صاروا بيض جان احط خل شهرين وراحوا بس لازم الصبح وبليل اتمنى فدتكم :wink_smile:
حبيبتي ليمن يقولج ريلج عن الكرش والخطوط و هل اشياء دوري العيوب الي فيه وقوليله عشان يصير عنده هم يعابل فيه على ما انتي اتضبظين نفسج وصدقيني راح تنجح الخطه هههههههههه والله يوفقج انشالله
في الوقت الحالي حاولى تنظمين أكلج يعني حليب خالي الدسم وتوست أسمر وجبن كرافت قليل الدسم سمعيني والله عن تجربه بعدي عن الخبز الأبيض. ومرة ثانية عودي روحج تشفطين بطنج على طول سواء حامل والا مو حامل بالنسبة للخطوط طيري على الصيدلية واشتري كريم للتشققات واستمري عليه وبعد الولادة مثل ما قالت الأخت بس يكون خل تفاخ طبيعي ونوعية ممتازه حتي تشوفين النتيجة صح وبعد ديري بالج يبيلج تهتمين بنعومة جسمج أكثر حطي كريم غير معطر ودعكي بالليفة المغربية عند الاستحمام عشان تحصلين النعومة واهم شئ ادعي ان الله يحليج في عينه ولا تتضايقين يا حبيبتي ترى كله من صحتج وانت كذيه قاعدة تزيدين سمار من ضيقة الخلق روحي عند أهلج وخواتج فرفشى وانسي وفكري بروحج وبس واعملى اللي قلت لج عليه عشان نفسج أولا ولا تنسيني بالدعاء
صح نقصي من الخبز وخصوصا الابيض والعيش بعدي عند والبطاط والمعكرونة وسوي رياضة روحي النادي اذا تقدرين منها تغيير جو ومنها تستفيدين واذا ا تقدرين سوي حركات بالبيت حركات المعدة هي لما تنامين على ضهرك وترفعين نصك الي فوق لين ما يلامس رجولك واشفطي بطنك على طول والله عن تجربة لا ترخين عضلات بطنك ممكن بالاول تتضايقين بس بعدين بتتعودين بس مو تشفطين واجد لا شوي بس ومتل ما قالو طلعي له اهو بعد كل مرة عيب لين ما يستحي على دمه انتي عالاقل مسوية شي كبير شايلة بيبي تسع شهور وولادة وتعب والله الي يعلم ليش الله قال الجنة تحت اقدام الامهات والحمام المغربي ترى اذا تبينه يضبط لا تحطين زيوت ولا كريمات على جسمج ما تخلي الجلد الميت يطلع واذا تبين نتيجة زيادة اخدي الصابون المغربي وحطي معاه شوية شبة بودرة ورح تشوفين شنو رح يطلع منج بس لا تكترين منه كل مرة لا بس مرة كل شهر وبتصيرين كانك توك ما تزوجتي
الخطوط الخطوط الخطوط ... وانا مثلكم.... مالحقت اخش الخطوط ملوت اول مرة واخليهم شبة يختفون ....ربي رزقني وحملت ثاني مرة وردتلي الحين نفس المشكلة... شوفو يابنات ... انا جربت شغلة وخلتلي الخطوط تختفي بنسبة 95% بس كانت مكلفة وايد وهم بنفس الوقت اذا اهملتي نفسج ورديتي حملتي بتردلج.... والطريقة اهي ابر الميزو ثيربي للسترج مارك يعني علامات تمدد البشرة.. وانا سويتهم بعيادة بوحمرة على مدى جلسات والله العظيم والله العظيم والله العظيم اول جلسة بان مفعولها عقب 3 ايام بس وكان التحسن بنسبة 70% . بس عيبها اناها مؤلمة واكثر من 100 مرة يحقنونج ورح تزرق المنطقة .... بس والله المفعول يستاهل .. ردتلي ثقتي بنفسي بوقتها... حتى ان اهم يخلونج تحطين كريمات مضادة للتشققات وهم تاكلين فيتامينات (( لان الي عرفتة عن التشققات ان اهي نقص فيتامينات وهم نقص بمادة الكولاجين بالجسم..... والابر هذي عبادة عن فيتامينات وكولاجين تسد الفراغات وتخلي الخطوط ماتبيبن الا حق الي ببقق عيونة عليج))) .. انا الحين حاطة ميزانية لا ولدت رح اطق هالابر وهم سامعة عن الليزر العجيب الي يخفيها طول العمر بعيادة الحساوي كلينك بس رح اتاكد عقب ما اولدواشوف شنو الافضل واسوية....)) وبالتوفيق لكم جميعن..
