لقيمات أبريل ....

هلا حبايبي

كيف حالكم بعد عددة تجارب و خلطات اللقيمات اكتشفت التالي

اذا تحبين لقيمات مقرمشه (( فيها يبوسه - يابسه )) لا تحطين العسل الا و

اللقيمات بارده + عسل بارد = يابسه مقرمشه

و إذا تبينها لينه

اللقيمات حاره + عسل بارد ( درجة حرارة الغرفه ) = لقيمات لينه

اذا حطيتي نشا مع اللقيمات تصير صعبة المضغ

عجينتي الحالية ومازالت التجارب مستمره لاجاد الافضل

3كوب طحين ابيض
م ط كسترد (ممسوحه )
رشة ملح
نص فنجان زيت ذره او دوار الشمس
م ط خمره ( مليانه )
2 م ط سكر
شوي هيل
شوي زعفران
كوب حليب بدرجة حرارة الغرفه استخدم المراعي السائل
و تعجنين و تضيفين الماء شوي شوي و تعجنين
لما تتوصلين للسماكه المطلوبه

لالالالالالالالالالالالالالا ززززززززززززززززممممم تعجنين عدل مدل بضمير


و بعدين تتركينها تتخمر ( من ساعه الى ساعتين )


و بعد ما تتخمر سخني الزيت عدل

قصري على النار

نزلي اللقيمات

قلبي عدل

حطيها على الورق الناشف للزيت

حطيها بالمشخال صبي الشيره

جديد[


اضيفو رشة فانيلا بودر او سائل كيفج

اضيفو م ص بيمنغ بودر تتنتتفخ و تصير حلوه مدوره اكثر


انتبهوا ترى الاضافه جديده اليوم الجمعه حطيتها

فك الشفره


م = ملعقه

ط = طعام

م ط = ملعقة طعام

الشيره :
3كوب سكر مع كوب ماء مع هيل و زعفران
على نار هاديه
اضيفي شوي عصير ليمون تقريبا م ط

شوي برش ليمون

و على النار الهاديه لما يستوي مع التقليب بين فتره او فتره او المستمر

مشكورة ابريل

والله شكلها حلوة بس عندي مشكلة مااعرف اصبها تطلع طوال و اشكال عجيبة !!!!!!

تسلم ايدج على الشرح بس استحااااااله اغامر واسويها
لان عندنا لقيمات امي توب بالعايله
مشكوره يالغاليه

يعطيج الف عافيه

وفيه بعض الحريم يحطون بطاط مسلوق او يحطون روب


كل وحده وطريقتها

وماقصرتي

يعطيج العافيه حبيبتي وان شاء الله اجربها .​

حبايبي

اشكر ردودكم الحلوه مثلكم

كيييكه ممكن تعطينا طريقة امج

و بالنسبه لشكل اللقيمات بصراحه مو انا الي اسقطها

خدامتنا هي تسقطها عدل طبعا في البدايه تتطلع اشكال
مع الوقت تصتخمرير عدله

تقدرين تستخدمين القفشه طريقه ثانيه اتكورين العجين بعد ما

يتخمر و تريحينه مره ثانيه 40 د و تسقطينها بالزيت طبعا انا ما جربت هذي الطريقه

مشكورة وماااقصرتي . . .

وبانتظااار طريقة ام كيييكة الله يسلمها . . .

واغلب الامهااات يجيلووون بحسب النظر والخبرة يعني من غيررررررر مقااادير . . .

مشكوره حياتي والله يعطيج العافيه وانشاء الله راح اجربها

العاشقه

والله روعه:wink_smile::wink_smile::wink_smile:

ام عبدالله
ام عبيد
هشه

شكرا يا حلوات على الردود

هلا بنات اليوم جربت وصفه احلى من القدديمه هي نفسها بس مع اضافات

الفانيلا م ص

البيكمغ بودر م ص

و طلعت مدوره وحلوه

و صبيت عليها عسل اللدونات

يمكن اعيد المعلوما ت على الصفحه الاولى حتى الكل يشوف

تسلم ايدينج حبي ,,,

الله يعطيج العافيه يا قلبي