للطيب درب و للرخامة متاهات !!!

يالله يالـي فـوق سبـع السـمـاوات .... تفـرج لحـال الـي عصتـه الليالـي
سايرتهـا بسكـات بسكـات بسكـات .....واقـول بكـره يصلـح الله حـالـي
ماودي اشكي عنـد عـاذل وشمـات..... ولابي علـي النـاس تلقـى مجالـي
اقضي طـوال الليـل نـوح ٍوونـات .....والناس ماتـدري عـن الـي جرالـي
صبـرت واستبدلـت قولـي تنهـات .....وتسابقـن دمعـات عينـي تـوالـي
عليـك ياحلـم ٍاشـوفـه ولا مــات .....رغم الحضـوض النـادرات القلالـي
لك الذي مـا تختلـف فيـه هقـوات..... ماتختلـف هقـوة رفـيـق ٍعنـالـي
لا والله اثبت والحـق القـول باثبـات .....والقول مـا يثبـت عـزوم الرجالـي
لا والله الى الفعـل والفعـل بالـذات..... محـد ٍيقـول المـر يانـاس حـالـي
للطيـب درب وللرخامـه متـاهـات .....ويالي بغيـت الطيـب اسمـع مقالـي
صـل الصـلاة واد كـل العـبـادات .....واسجد لوجـه الله عزيـز الجلالـي
وللوالديـن حقـوق ذكـرت بالايـا ت .....ياجب عليـك اصغـاااء ثـم امتثالـي
ثـم عقبهـا لاتلحـق النـاس نمـات .....اوزن كلامـك يرفعـك فـوق عالـي
ترى لسان الشخص للشخـص مرئـاة .....ان اعتـدل عدلـت وان ملـت مالـي
واحرص على وقتك ترى الوقت لافات .....تنـدم علـى فوتـه ليـال ٍطـوالـي
لاصـار مـا شيـد شبابـك بنايـات .....لاصرت شايب مـا بنيـت العوالـي
شيدلك من الطيب قصـر وعمـارات .....تذكربهـا لاصـرت تحـت الرمالـي
اسمع كلام الناس وانضـر للامـوات ....واختـر لنفسـك مـا تريـده يقالـي
واحذر ترى للنفس رغبـه وشهـوات ......ان طعتهـا راحـت عليـك المعالـي
طـرد الهـوى ذلـه ولافيـه شكـات .....يامـا تنـزل مــن (سبايبَه)عـالـي
ولا تلحقك من قلـة الحـال ضيقـات .....خلك على ماقال( صـدرك شمالـي)
اضربهـا واحـذر تطيـح بمغـبـات .....ولا تنفتـن نفسـك بطـرد الريـالـي
واعرف ترى غال الكنـوز القناعـات..... من فـاز فيهـا فـاز والفـوز غالـي
ولا تخـوَف مـن نهـايـة بـدايـات ......خـ لك علـى كـل الامـور ارتجالـي
الخوف يرمـي صاحبـه فالهزيـلات ....ويثنيه عن كسـب الامـور الجزالـي
الموت مره لاكـن ان خفـت مـرات ....والله مـا تمشـي حيـاتـك عـدالـي
خالط جميـع النـاس كـون علاقـات ....لا تجلـس لحالـك تصيـر انعزالـي
لاكن بنفس الوقـت ياصـاح هيهـات .....تمشي بهواك الناس فـي كـل حالـي
فالناس طيب واكثـر النـاس عيَـات ......رافق هـل الطـولات خـل الثعالـي
والجـار كثـر جيتـه والـزيـارات ......سيَر تـرى الدنيـى سريعـة زوالـي
فنجال بن وعـود ٍ ازرق وضحكـات .....تشيـل هـم الـي همومـه ثقـالـي
مافـات فـات ومـاهـو اتــي ٍ آت .......اسمـع كلامـي وافهمـه للتـوالـي
رتـب حياتـك حـط الـك اولويـات ......وخطوط حمرى واضحـات ٍ جلالـي
الدين لا ترضى على الديـن خمـلات ......هـاك الكـلام الـي يهـز الجبالـي
والله ما ترضـى عليـك الولايـااااات .......اليـن تتبـع درب ذيــك المـلالـي
جاهد عـدو الله فـي كـل الاوقـات .....بالحـال ولا الـمـال ولا العيـالـي
ثـم الوطـن احيـان تاتيـه حـزات ......تبـي رجال(ن)يحملـون الحمـالـي
وقـف بعـزة نفـس قلـه سلامـات .....يالمعتدي فالعقـل جـاك اختلالـي؟؟
ثم اقطع الرجعه وقـل جيـت مـوات .....والله مـا تفـرح بـيـوم احتـلالـي
هاذي لأهل الطيـب مثـل العلامـات ......نضمـت فيهـا كـل كـار ٍ طرالـي
وللطيـب درب وللرخامـه متاهـات ......ويالي بغيـت الطيـب طبـق مقالـي



منقووووووووووووول

يسلموووووووو

حبيبتي

الله يسلمج أختي

لاهنتي يالغلا

مشكوره بشوره

يعطيج العافيه غلاتى

الله يعافيج

رآقت لي
تسلم إيدج حبي

الله يسلمج حبوبه

روووووووعه
راقت لي

سلمت اناملك حبي
لاخلا ولاعدم حبي

كلمات اكثر من راااائعه
تستحق الوقوف على كل حرف
كل بيت منها زاخر بالحكم التي تخط بحروف من ذهب
تسلم يمناك على هالنقل
ربي لايهينك
بأنتظار جديدك

يسلمو ع الكلام الحلو

و شاكره لج مرورج

صح لسااان شااعرهاااا

ولاهنتي خيتوووو ..

ابدعتي ياقلبي
..

العفووووووووووووووووو خواتي