للمميزاااااااات فقط

السلام عليكم.........شلونكم بنات .....هذي اول مشاركة لي (تدرون ليش؟عشان قبل بس كنت اكتفي باني اطالع المواضيع عن البشرة والشعر...لكن قلت لازم اشارك عشان أفيد البنات وانشالله تستيفيدون مني)...احنا ندري ان مقومات الجمال الاساسية هي البشرة,الشعر,الجسم...........على كثر ماتهتمين فيهم يبين عليج.....وهذا شي مهم للبنت سواء متزوجة او لأ ....لكن يبيلج وقت لانهم مثل النبتة اذا اساسها صح تصير صح .اكيد فاهميني.....راح احاول انقلكم من تجاربي كثر ما اقدر ...
اول شي البشرة........
1-استخدمي ماسك النشا بماي الورد مو طبيعي ......وطريقته........تحطين ماي ورد مع شوية نشا على النار وتحركينه لما يثقل تحطينة على بشرتج.....راح تحسين بشرتج نظفت وتفتحت حتى المسام خف .....
2- حاولي تحطين ماي ورد في بخاخ وحطيه بالثلاجة وكلما تمرين صوب الثلاجة رشي على وجهج راح ينظف وينعش البشرة.
3-استخدمي سنفرة لوجهج (آنا استخدم ستيفز)بس حاولي ماتسحكين البشرة وعلى طول رطبيها(آنا استخدم اولاي التوت البري)وحطي حماية من الشمس قبل لا تطلعين من البيت.
4-استخدمي المرة على وجهج لفوايدة العجيبة لانه يشيل خطوط البشرة وترهلها ويشد البشرة (انا استخدم مجموعة لميس المطران وفيها ماسك مرة مو طبيعي)
5-استخدمي الثلج على بشرتج لانه يورد البشرة ويعطيه نضارة
6-حاولي تخففين الميك اب عشان ما تقمتين البشرة وتطلع شاحبة (حتى كريم الاساس ما راح يضبط عليها )يعني عطيها بريكات ماتحطين عليها شي
7- استخدمي الاسكينول على بشرتج (استخدم البابايا) وحطيه بعد على ايدينج ورجولج خصوصا لما تردين من الدوام.
الجسم......
-لما اتسبح امشي بخطوات معينة.........يعني اول شي اغسل جسمي بصابونة البابايا عدل وبعدين احط حمام مغربي وبعدين احط خلطة صابونية من لميس المطران ...واهم شي انه تكون طبقه بيضه من الرغوة على الجسم..واحيانا استخدم ملح الحليب...وبعدين ارطبة اما بفازلين زبدة الكاكاو او كريم فيتامين سي(لان الجفاف يسوي سواد )وبعدين لما اخلص اتبخر بخور القرشي عشان يثبت بالجسم...واهم شي اذا طلعتي من البيت حطي حماية من الشمس للوجه وللايدين ...ولبسي تسوس عشان ما تصير سودة ورطبيهم دايما ب(لونا)
الشعر ..........
احاول على كثر ما اقدر (على صعوبته)احط ثوم على شعري .يعني اطق ثوم بشوية ماي بالخلاط واحطة على شعري ينظف الشعر ويفتح المسام عشان الشعرة تنبت ....ولما اتسبح بشامبو جونسون للاطفال احط خمرية وابخر شعي والريحة تختفي تقريبا..وبعد استخدم ماسك وسيرم كوليستار حده عجيب وخصوصا للمناسبات .........اهم شي عندي الزيوت ......احب استخدم الحلبة دايما على شعري وطريقته متعبة لاني اضطر اني اخذالحلبة وانقعها واهرسها واطلع زيتها بالهرس ..يعني طريقة متعبة لكني ارتحت من هالتعب من لما قمت استخدم زيت الحلبة وحبة البركة من لميس المطران(يعني ريحتني)......وانا استخدم بعد باراشوت ودابر املا واصغر علي وزيت الجرجير وزيت الحية وجربت زيت الحشيش بس ريحته ماعجبتني ومرة اختي جربت المايونيز على شعرها لكن حرق فروتها حرااام ...واهم كريم عندي كريم الباراشوت حق شعري واستخدم حمام كريم فاشكول بالتوت البري ......ودمتم
هذا الموضوع كتبته بمجهودي الشخصي .....ارجو انكم تستيفيدون واي استفسار انا حاضره.................

مشكووووووووووووره اختي على هالمعلومات المفيده
وتسلم ايدياتج
والله احنا الكويتيات اسنع ناس وافهم ناس بس الكسل ذابحنا والا والله كل شي نعرفه

يعطيييييييييييج العافيه خوووش موضوع وحيل مفيد
بس صح كلام كيييييييكه الكسل ذابحنا

يعطيج الف عافيه

مشكوره