قوة بنات ابي ردود افعالكم لما تولدين وتسمعين البيبي يبجي او بعد فترة ايبولج اياة بعد الولادة الي كانت قيصرية او نايمة ردوا عاد متشوقة اول بيبي لي وكل يوم افكر ؟؟؟؟؟؟؟؟؟؟؟؟؟؟؟؟؟
هههههههههههه انااا اول مااجبولي بنتي كنت حيل تعباانه وطلعت جدامي جابوهاا يعني يورونيهاا قتلهم زين زين خلااااص هههههههه بس بعدهااا من رحت الغرفه بستهاا وحظنتهاا ربي يخليهاا لي يارب
بوقتها انتي بواااادي تحمدين ربج عالسلامه واكيد لمن تشوفين البيبي يخف التعب الله يسهل عليج ويهون عليج الولاده يارب وتشوفين البيبي وتقوليلنا ردت فعلج لمن شفتيه
مادري شراح أقول...بس أدري إنها لحظة حلووووووووووووووووووووووووووووووووووووووة صدقين عاد اليوم قاعدة وبحضني ملابس البيبي جان أبجي قالي زوجي شفيج قلت أبي البيبي أبي أصير أم قال إن شاء الله حبيبتي بتجي بموعدها إن شاء الله....." أنا بالثامن ادعولي بتسهيل الولادة ويعطيني الذرية الصالحة السليمة.
:emoticon_U:انا بصراحه اول ماولدت بنتي قلت (الحمد لله حمدا كثيرا كما ينبغي لجلال وجهك وعظييييييييييييم سلطانك)
قلت الحمد لله رب العالمين لان كنت اعاني بعدين شفت البيبي واستانست ولا شعوري كل ام راح تحمد الله من الوناسه وفعلا شعور حلو مره الله يرزق كل محرومه
والله انا ولدت قيصريه بطلت عيني على طراقات الدكتور لي كان يطق على ويهي عشان اصحى من البنج واول ماقالي اني ولدت والبيبي بخير والله من غير شعور وانا ابنجه وللحين ماطلعت من غرفة العمليات رفعت ايدي فوق وقمت احمد ربي بصوت عالي ودموعي تنزل واسمع صوت امي من بعيد تقولي يمه انتي ولدتي وبنتج زينه مافيها شيء وانا ولدت قيصريه لانه ضغطي وصل 150 على 100 الدكتور قال لازم نولدج والاراح تنفصل المشيمه وتوكلت على الله والحمدالله الله وهبني نور دنيتي خديجه واول ماشفتها قمت ابجي من الفرحه لاني ماتوقعت راح ايي اليوم واصير ام والله يسهل على الكل ويرزق كل محرومه
انا عكس البنات ... انا يا حبيبتي حاسة فيج وبمشاعرج .. لاني بلحظة ولادة ولدي نور عيوني كان العام الي طاف خذيت ابرة الظهر وكنت هادية وكل الي طلبتة مني الدكتورة سويتة واللحظة الي طلع فيها ولدي وقام يبجي اول ماسمعت صوتة وشقتهم حطوة على الطاولة وقامو يقصون الحبل السري قمت ابجي بصوت عالي من الفرحة وامي كانت فوقي تبجي معاي...وترى ولدت بالخاص لكن مارضيت ينحط ولدي بالحظانة مع اليهال من اول ماسبحزة خذيتة وحطيتة بحظني ومانمت اول يوم انا اطالعة واقول سبحان الله امس قطعة مني واليوم نايم يمي... والحين انا حامل بالسادس وهم متلهفة ومتشوقة حق الياهل الي ياي وقعدة انطر اللحظة الي راح تشوفة عيوني فيها واسمع صوتة واشم ريحتة ... عسى ربي يسهل عليج ولادتج ويبلغج بولدج او بنتج..
احلى لحظه حطت الدكتوره إلياس فوقي اول ماولدته حتى ماغسلته وقالتلي امسكيه حطيت يدي عليه وقلت حرام عليك كل هذا سويته فيني من التعب والفررررحه مادري اش اقول الحين عمره شهرين الله يحميه ويرزق كل محروم
واااااااااااااااااااااااااااااااااااااااااااااو شعور الامومة ياسبحان الله انا اول ماولدت حسيت شيء غريب والله احس اني مومصدقة اني يبت ياهل والدكتورة يابتلي النونو توني والدة حطتها على ريلي والله كاني احلم حتى الدكتورة طلعت صدري وانا مافي الدنيا سبحان الله وماقدرت ارقد من الوناسة انا ولدت ثمان باليل قعدت لين الساعة وحدة بس مسجات ياية ومسجات رايحة امي تقولي ارتاحي وودري هالتليفون عنج سبحان الله الله يرزقنا جميع يارب اللهم لاتحرمنا ونحن ندعوك ولاتخيبنا ونحن نرجوك وريلي شاد حيله اول ماظهرت النونو صور فيديو واسمحولي على الاطالة
انا عن نفسي بولادتي الاولى طلع راس بنتي ورجع داخل بطن يمره ثانيه قالي الدكتور ملتف عليها الحبل السري خفت وعقب نمت طلعوش افطينها حطوها على صدري ابجي بدون دموع واقولهم بنتي سمره ولابيضه قالو بيضه قلت ابيها سمره اقصد برونزيه قلت راسها طويل ليش قالو شافطينها وبستها وخذوها بس عقب ماصحيت قعد ابجي والمها واشمهاا واحط صدري بحلجها اوقول صوروني خخخخخخخ مومصدقه وبولادتي الثانيه كنت واعيه قبل الولادهبساعه ونص خذيت ابرة ظهر حسيت لما بنتي نزلت شعووور حلو وحطوها على صدري جان ابجي واقول لخالتي وزوجي ومرت حماي هذي بنتي واقعد ابجي خخخخخ واقولهم شوفوهااا هذي بنتي عقب جان اقول ليش جلدها جذي يخرع لانها مسكينه بس كيلوين ضعيفه وخذوهااا ولما رحت غرفة الولاده اصورها والمها واشمهااا
