لورين 2009 / لورين 2009 /لورين2009

السلام عليكم ...
المسؤولات عن المنتدى وككككككككككككلللللل العضوات ...
انتشرت بالفتره الاخيره ظاهرة الطراره او التسول او الشحاذه عن طريق الرسائل الخاصه ...
تقوم هالطراره وتدز لك رساله خاصة تطلب فيها مبلغ من المال ..بحجة انها محتاجه وماعندها وتبي تتعالج والفلوس اللي من ابوهم ماتكفيهم و.....و....الخ.
وانا عن نفسي اكثر من مرة اتعرض لهالسالفه...والمشكله انهم مو بس طرارات لاااا قليلات ادب بعد... انا ما ادري شلون هذوله الله بوفقهم بحياتهم...هذا مثال من الرسائلكيف حالك اختى
((انا قصتى انى اعانى من حبوب فى جسمى من 5 سنوات فخضعت للعلاج هذه السنة لكنى صدمت انى لا املك ثمن جلسات العلاج و الادوية وراتب ابى لا يكفى بتاتا بسبب مصاريف اخوتى بالجامعات و الان علاجى متوقف حتى توفير المبلغ فالذى اطلبه منكى ان استدين مبلغ من المال و اشهد الله و اشهد الله بمجرد ان اتوظف باذنه تعالى سوف ارجعه لكى كاملا مع العلم انى طالبة جامعية المستوى التالت باقى لتخرجى سنة و نصف .
و جزاكى الله خير الجزاء
ارجو الرد سواء بالرفض و القبول و بارك الله فيكى))
المهم اني رديت عليها بشوية كلام وقلتلها اذا صحتك مهمه عندك تنازلي عن الدراسه وعالجي نفسك والاخت ماعجبها الاسلوب وقامت تحسب ربها وان في عضوه عطتها ومدري شتقول غيره...
راحت وردت علي هالرد:
((و انا سوف اسجل باسم اخر و سوف الغى هذا الاشتراك لانى لا اريد قراءة رسالتك
الله يعين زوجك عليكى و يهديكى
سلااااااام
و اكيد انتى محرومة من الدراسة هذا السبب بدك اتنازل عن دراستى ما تحلمى
الدنيا يوم لك و يوم عليك _
انتهى تسجيلى بالمنتدى و انتحرى ))
يعني اذا صج في عضوه مسلفتها فلوس .. تقوللهم باي باي ولو اني اشك بصحة كلامها هالهبله ..
لا وتقولي اكيد انتي محرووووووومه ,,,
يامسكييييييييييييينه ... ماتدري اني اعلى منها أدبا وخلقا ومستوى دراسي هالهبله ..
الزبده خواتي ..
ديروا بالكم من لورين 2009
ترى هالطراره سجلت الحين باسم ثاني...وكل هجومها هذا لاني هددتها اني ببلغ ادارة المنتدى!!!

هلا أختي . . .

شوفي في ناس ما يخافون الله عبالهم كل خليجي وخليجية برميل بترول وبنك متحرك
مادروا بالقروض والرواتب اللي ناهبنها التجار بغلاء اسعارهم تاكل الراتب كله . . .
تلاقينهم يدخلون المنتديات وبمنتهى السرية يراسلون العضوات ويقدون يطرون بطرق غريبة ومستحدثة
دوركم خواتي اهنيه بلغي عنها لان المنتدى لا يقبل اي موضوع عن الطرارة ايا كانت
ولا يقبل بمواضيع المساعدات المالية . . .
انا مخليه جم موضوع حق جم وحدة يبون ملابس لا وبعد بره الكويت لكن بحذفها كلها . . .
لاني عارفه مصير هالملابس بيتم بيعها والشحن بيكون ع ظهر العضوة الكويتية بعد !!
خواتي . . .
مثل هالمواضيع مرفوضة تماما ياريت تساعدونا لمعرفة هالمتسولين والمتسولات اللي عندهم كمبيوتر وانترنت . . .
واخذوا بالكم ترى النصب والاحتيال له مليون وجه واحنا مو مسؤولين عن اي عملية نصب عليكم فديروا بالكم خواتي . . .

جزاج الله خير ام عبدالله والله يعطيج العاااافيه يا قلبي ..

اثابك الله

وسلمت اناملك

حياكم الله حبيباتي ....
وانا ماقصدت من كتابة الموضوع الا اني افيدكم والله يشهد علي ...
ديروا بالكم...