لو ان اسمي فهد بالله ماكان احلى من جابر..!!؟...قصيده حزززينه حيييييييل

قصيده للشآعر .. جـِـآبر العتيبـِـِـيً ~


بصراحه اعجبتنـــــي قلت انقلها لكم..



.قصيده في منتهى الروعه...



************************************


سبع ساعات اسولف واتكلم واستخف دمي

وهي تسمعني وتضحك ومبسوطه على الأخر




::


سبع ساعات اعلمها عن احزاني وعن همي

واسولف عن حكايا الطفل كان وصار هالشاعر

::



سبع ساعات تتساقط حروف الصدق من فمّي

على صحرا مسامعها سحاب العشق متناثر



::


سبع ساعات وتحلف لي بالله يا خلي

تقول انت الوحيد اللي ملكني حبك الساحر


::


سبع ساعات ونادتني بأسمه ما هو بأسمي

تناديني فهد واسمي انا ياللاسف جابر

::


تشنج كل شيٍ كان حولي ومسمعي يدمي

ركز خنجر فهد في مسمعي من صوتها الخادر


::


تخدّر فكري وجسمي وذاب بداخلي عظمي

وصرت اسمع صدى صوتٍ يردد غلطة الشاطر


::


يردد غلطة الشاطر بعشرة واقعي وحلمي

وترددها زوايا غرفتي والواقع الغادر



::



كثير اصوات شقت جلدي اللي يحتضن عظمي

وصراخ الباب والدولاب والشباك والساتر



::



وونات القلم والدفتر اللي يلتفت يمي

وخايف وش ابي اكتب بوسطه من هنا لـ باكر


::

وكانت ساكته وصوت النفس من خشمها و خشمي

ربع ساعه وبحة صوت قالت: خير وش صاير

::


وطرا في بالي عبدالله وخالد واحمد ونشمي

ولآخرهم فهد تسعه وانا مدموغه العاشر

::


وقلت ابداً مغير الخير ولكن امسحي رقمي

اكيد انه فهد جالس سبع ساعات وهو ناطر


::



وقالت لي: رجاءً او اقولك.. طير ياعمي

مسوي حضرتك في هالزمان العاشق الطاهر



::



وقالت لي: اقول! وقلت: انا بقول وذا علمي
عجب هالناس وش هالناس تخطي وبالخطى تكابر



::



انا يابنت بنثر لك حياتي واجمعي لمّي

بعضه بنثره في مسمعك هالحين ومن خاطر



::



ترا عمري انا تسعه وعشرين وكذا رسمي

ولكن عشت ايامي دبلها مقبل وعابر



::



اصيل وكل اصيلٍ مايبي مدحي ولا ذمي

وسبع انعام في هالناس اخص الحامد الشاكر



::



انا من نجد وربعي هم عتيبه وخالي الدحمي

وبرقا لحمي ودمي وانا من روق ومع ناصر



::



انا جابر ولد هايف وسلم الطيب هو سلمي


ابوي اللي مربيني على الجزلات واتفاخر



::



انا راعي مجاهيمٍ يشع بفخذها وسمي

وراعي خيل وراعي بير وبيتٍ مبغضه كافر




::



على الرمضى ابت رجلي بأرضٍ عاشقه ضمي

وشمسٍ تشرق وتوقف على راسي وانا صابر



::



عرق وجهي يصب وامسحه بشماغي وكمي

وألد عيوني عن ناسٍ سرقني يمها الناظر



::



وانا شاعر ولو اكتب عجز كل فكر في نظمي

ولاني بالغرور احكي ولكن واثق وقادر



::



وانا رجال هاوي للقمم ويقودني عزمي

وابي ارقى على راس الجبل وانتي مع الحادر



::



عرفتي ليه انا طاهر؟ لانك همي وغمي

ولان الدنيا في عيني جبل نرقاه ونغامر



::



يابنت الناس شفتي كيف بليّا سلاح مانرمي

ولانوقف بوجه البندق المليان ونخاطر


::



خلقنا الله بشر بعقول وذا واقع وذا وهمي

وكلٍ يتبع مراده وفينا رابح وخاسر



::



وقالت لي فمان الله شعلت النار في جسمي

فمان الله يالطاهر ومثلك قله ونادر



::



ورحت آخذ كتاب الله واحلف بالكتاب:" امي

لو ان اسمي فهد بالله ماكان احلى من جابر..!!؟​

قصيدة بمنتهى الروووعه..

يسلموو يالغلا على النقل..

رووووووووووووعه يا قلبي :smile:
وانا شاعر ولو اكتب عجز كل فكر في نظمي

ولاني بالغرور احكي ولكن واثق وقادر

فديتكم يسلموووووو على مروركم حبايبي​

كلمات رووووووووووووووووووووووووعه

يعطيج العافيه القصيده واااااااااااايد حلوه

ولوووو يا قلبي وانتي اللي رووعه على مرورج الراقي​

روعه روعه تهبل حلوه وااااااااااااااااااااااااااايد وايد كلها حساس
مشكورة حبيبتي عالقصيده :thumbs_up:

وااااااااااااااو روعه بس حرام عليها

العفوو وهذا من ذوقكم ويسلمو ع مروركم​

يسلموو الأيادي ع النقل

صرااااحة تشكرين على هذة القصيدة الرائعة
وتقبلي تحياااتي
عبق الورد

الله يسلمج قلبي وثانكس ع المرور​