السلام عليكم ان شاء الله ان الجميع بألف خيـــر اخواتي راح احكيلكم موقف حصل لفتاة متزوجة والقصة حكتها بنفسها لصديقاتي كمشورة بصراحة ما قدرت ارد عليهم طبعا بما انه الموضه صايرة مواضيع" الاكتئاب والنكــد "الله يبعده عن الجميع بما فيهم اختنا صاحبة الموقف الله يهدي زوجها ويبعده عن طريق الغواية اللي ماشي فيه . طبعا هي عروسة جديدة مالها اسبوع من يوم اتزوجت لاحظت انه زوجها منشغل بالجوال والمكالمات ولاحظوا من اول خمسة ايام زواج وصارحته بطيبة نفس زيها زي اي بنت متزوجة جديدة وتبغى تحمي بيتها وحياتها الزوجية وقبل تدخل الأهـل وردة فعله كانت ... بكل برود اعترف لها بأنة على علاقة مع فتاة اطلق عليها لقب ( حبيبتي ) والعلاقة وطيدة ومتينة ولما قالت له يا تتركها يا اروح لأهـلي رد عليها وقالها والله اذا انتي بنيتك ترجعي لأهلك وانتي مالك خمسة ايام فأرجعيلهم عادي اما انا فحبيبتي هذي أخر سنة لها في الجامعة ما اقدر اتركها وما ابغاها تتأثر عاطفيا وتدهور دراستها من هنا لين تخلص جامعة يصير خيـر .... وطبعا ما الومها عروسة جديدة كانت راسمة في بالها بداية حياة غير اللي انصدمت فيه وما اظن راح تتحمل طبعا ممكن تقولوا في بالكم انه اساسا ليش خطب واتزوج مدام هذا وضعه نفس سؤالي بس ما لقيت جواب .
مع احترامي الشديد هذا انسان سخيف و ما عنده احساس في احد يعامل زوجته في اول ايام زواجه جذي يا اخي اذا انت عندك وحده و تحبها جذي و خايف على مشاعرها و دراستها عيل جان نطرت سنه و تزوجتها و لا تلعب بمشاعر زوجتك جذي صج سخيف و عديم الاحساس
مادام الرجل تزوج لازم يترك أفعال المراهقة ويهتم بزوجته والبيت الذي أسسه إذا كان هو من اختار العروسة . والحبيبة لازم تراعي ظروفه وتنسحب من حياته دام أنه تزوج ترى الزواج مسؤولية مو لعبة بيد المراهقين .
حمدالله والشكر بس سؤالي عاشرها اول يوم او لاء لانه هني البلا وتقدر ترد بيت اهلها او لاء مادري اذا يصير اكتب جذي او لاء
صباح الخير ياقلبي زعلتيني صراحه شوفي واضح من جراته مع زوجته ومن اول زواجهم انه متزوجها بس جذيه ممكن لاسباب يرضي اهله ساعات الاهل يظلمون عيالهم بنت او رجال ويمكن بعد ماياخذها ناوي يطلقها وبعدها ياخذ حبيبته قولي لصديقتج لايقرب منها وتاخذ حبوب مانع للحامل لو صار بينهم جماع نصيحة لاتربط نفسها بحياة انسان سخيف نفس هالانسان والطلاق الحين اهون من تجيب منه عيال وباجر تتوهق وتزيد المشكلة مو اول مشكله اشوفها ياكثر البنات الي ضاعوا نتيجة عناد اهلهم وبنفس الوقت الرجال ممكن ينظلم الله يعين وهذا رايي والله يوفقها
من جد انسان تافه..شكله متزوج ارضاء لرغبة امه..وتسكيته للناس..الله يكون بعون زوجته..ويصبرها ويكتب لها الحياة السعيده مع غيره..يسلموو ع الطرح..
اللي هذا أوله ينعاف تاليه لو أنا بمكانها صراحه ما أتحمل ذالانسان التافه عديم الاحساس والذوق ولا اجلس معه ولا دقيقه (شين وقوي عين ) الله يكون بعونها ويعوضها خير الدنيا والآخره
حبيبتي مدام انه اعترف لها من اول اسبوع وما عمل لها احساب انها عروس وجديده بحياته يعني ما يحبها ولمن خيرته اختار عشيقته ليش تذل نفسها وتهين كرامتها بكره لصار شي بينهم راح يقول انه معترف لها عن عشيقته وياما راح يجيها الضغط وانكد والحره منه خليها تقول حق اهلها تبتعد عنه وتطلب الطلاق احس تجي منها مو منه علشان كرامتها واهم شي انها ما اغلطت ولله سالفتها تحر
