مرحبا حبايبي انا قريت فالمنتدى قصه شدتني حيل شبيها فاللي صار معاي وسبحان الله البنت اللي كاتبه قصتها بنفس عمري تزوجت عمري 20 سنه وزوجي اكبر مني ب11 سنه يعني عمره 31 اول شهر من العرس شالني من الارض حسيت اني عايشه بعالم ثاني نساني اهلي لدرجة انهم اذا دقو علي مارد عليهم لان بالاساس مالي خلق لهم وبنفس اليوم اللي كملنا فيه شهر بدت المشاكل على اتفه سبب ايده تنمد علي بس انا السبب فهالشغله خشو اهله السالفه و ضحكو علي حتى اهلي ماخلوني اقول لهم وانا مثل السكرانه قالو يمين رحت يمين قالو شمال رحت شمال تمادا الريال حملت منه مدة اسبوع واحد وسقطت الياهل احترت انه ماكان يزورني فالمستشفى عرفت السبب ونصدمت متهمني اني انا مسقطه متعمده وكرهني دنياي قعدت ثلث شهور سبوعين عنده وسبوعين عند اهلي زعلانه وللاسف تطلقت بعد سبع شهور وانا قاعده عشت بس شهرين وباجي الشهور كلهم عند اهلي وانا الحين بموت واسمع صوته احبه ماني قادره انساه قالولي انه مسحور واهوا صغير وانا مسحوره بليلت العرس بس ماقتنعت معني بكل شهر من نفس الليله لازم تصير لي معاه مشكله اهوا انا ني وحقير وجذاب ومقصر معاي وايد بس انا حبيته وانا وايد غلطت هملت الموضوع مشيت ورى كلام الناس وبسبة الناس تطلقت توصل وصلت طليقي سوالف من الناس اني انا مابيه وانه جلب وراعي مخدرات وسوالف كلها جذب واهو ماحاول يدق يعرف انا صج مابيه طلق على طول والحين لي شهر مطلقه ولليوم هذا وانا احاول اكلمه بس اهو مطنش بموت من القهر ادري فيه مايبيني بس انا ابيه واحبه واتمنى يرجع لي تكفووووون دعولي يرجع والله اموت فيه مابي اتزوج غيره والله اذكره بكل شي بكل مكان اتفه شغله تذكرني فيه تكفون تكفون دعولي الله يصلح حاله
حبيبتي انتي تقولين انة طلقج خلاص بعد ليش تفكرين فية لو كان ناوي يصالحج مانطر كل هالفترة وانشالله الله بعوضج باللي احسن منة
ربي يعوضك خـير حبيبتي .. لو انك لسة متمسكة فيه .. حاولي تمسجي له وقوليله انك مفتقدة وجوده في حياتك .. وانك لسة شارياه لو ما رد عليك .. طناش كالعادة حاولي تشليه من دماغك .. وتحاولي تنسي أو على الأقل تتناسي حاولي تدوري على شي سشغل تفكيرك والله أكيد راح يرزقك بالأفضل منه ان شاء الله
الله يصلحه ياااااارب ويهديه لنفسه اولا ولج ثانيا بس نصيحتي لا تعلقين امال عليه وتنطرينه ترى الدنيا ماتسوى اننا نخسر نفسنا عشان اي شي والشكوى لغير الله مذله ادعي ربي انه يصبرج ويعينج على ماابتلاااج وفي مثل يقولج من باعنا برخيص بتراب ينبااع والله يعينج يارب وينولج اللي بالج واذا ماتم الصلح بينكم اللي يرزقج باللي احسن منه واللي يصونج وقدرج
حبيبتي اثرت فيني حيييييييييييييل سالفتج بس الله يعينج على ما ابتلاج وانشالله اذا فيها خير ردته لج يرد واذا فيها شر الله يكافيج شره
حبيبتي الزواج نصيب وانتي مهما سويتي هذا حد نصيبج معه ولاتزعلين نفسج الله يرزقج احسن مه انشالله ويعوضج يمكن هالطلاق خير لج ولا بعدين بتصير حياتج معه تعب والحمدلله مابينكم عيال صدقيني واضح خيره لج وربي بيوفقج مع غيره
