معـانـاتي مع أخـواني السلام عليكم اخواتي بعض الاخووان ينحط علي الجرح يبري وبعض الاخووان عله ونقص ماهم زوود نفس الي عندي أنا يااخواتي مكتوب علي الشقا لحظه مانولدت تربيت في اسره مفككه كل وواحد يشيل علي الثاني وابوي مريض بمرض انفصام الشخصيه وماله شخصيه والام كذلك مالها شخصيه ومافيها متعافيه لكن ماكوو شخصيه واخوان متسلطين يتفاهموون بلغه الطق والهوواش من الله خلقني علي الدنيا وانا طق وخناق معاهم مشكلتي في هالحياه اخوواني بقولكم مشكلتي باختصار انا تزوجت انسان بالشكل مطوع لكن لادين ولا اخلاق وامه متسلطه تتبلي. علي وانا ماذيتها بكلمه والمهم تطلقت وجبت بنوته وابتدت رحله المعاناه اخواني كل شي ممنوع عندهم ويطقوون طق جني حما ره وهم خرفان عند حريمهم اخرها الحين قاعده اكتبلهم ودمعي علي خدي توه اخوي طقني وتفل بوجهي لان جيت الساعه 11يقول ليش مااستئذتني مني ولا اخذت محرم معاج وهو اصلا ماقالي قبل استئذني يقولي يمكتن تحسين علي نفسج وتستأذين وانا مره خايفه ربي عاقله عبايه عالراس ونقاب وامشي سيده حت طقني مع صدري واحس بووجع فيه قوي والي كاسر خاطري بنتي كانت نايمه وقعدت من نومها علا صراخهه مخترعه تصارخ حت قعدت ساعه متنحه **دومه انا خايفه عليها من هالوحوش تجيها حاله نفسيه خلاص انا وحده انتهيت المجتمع ظالمني ولو قلت لابوي بيوقف معاه ويجسررره حت حرم علي اطلع اسبووع والله مسكينات حنا البنات اتمنا ربي يفكني منهم واتزوج وانسعد بس اهم شي بنتي عندي عشان مايعقدوونها هالوحوش ادعولي يابنات ادعولي تراني بحاله مايعلم فيها الا الله
ياقلبي قلبچ عسسئ اللهـ يعوضچ بالرجال اللي يسعدج ويسعد بنتچ اللهم آميييين واللهـ ان قلبي عورني تبين نصيحتي كثري من الاستغفار والصلاه بوقتها واقري صورة البقرهـ وصدقيني اللهـ بيرزقج يابعد عمري عمرچ
ياعمري مشكوره رسالتج اثرت فيني الله كريم توني قمت من سجادتي ودموعي تسبقني انا اخواني حيل متسلطين مثل تسلط بشار علا شعبه اخوي الي طقني توه الحين يضحك مع مرته ولاكنه صايررر شي اسد علي وخروف عند مرته حتا اخوي الثاني قبل فتره هم طقني طق قعدت يومين ماحرك والله الي يعرفني اني ا**ر خاطره انا متا كده راح تصير فيني حاله نفسيه منهم انا عمرري ٢٧وعندي بنت وانطق وانهان جني مراهقه انا قلت يتزوجون يعقلوون لا والله ماعقلوا الا زادوا كله الشك لاعب بروسهم وان اكيد راح نغلط عشان جذي ايدهم فينا وتعالوا شوفوا حريهم سيارات وطلعات وعبات مخصره وجيتز والكبه اكبر من راسها وانا لا طلعت عبات راس ونقاب حت كحل ماحط الي يشوفني يقول ام ٥٠ لكن الله كريم لا خالات لا عمات ولا احد واقف معاي غير ربي وانا متاكده انه بيعوضني
هلا اختي . . . ربي يفرجها عليج عاجلا غير آجل،وربج كريم وارحم منهم انتي امشي جنب الحيط خلج بحالج لا تسوين شي يلاقون عليج منه مدخل ويمدون ايدهم مجتمعنا مجتمع يظلم المرأة المطلقة ويحملها مسؤولية فشل زواجها وكانها مجرمة او مريضة ويجب ان تنزوي وماتطلع ويعلا الصوت عليها من اهلها والبعض ايدهم ! هذيلا ربج بيعاقبهم في حياتهم ما تدرين الدنيا تدور وتطلق بنت واحد من خوانج وبيحسون باللي تحسين فيه ارمي حملج على رب العالمين وتوكلي عليه واكثري الاستغفار وقيام الليل والدعاء وبنتج حاولي انج ادخلينها حضانة اذا كبرت شوي وتشغلينها عن جو هالاسرة التعبان وكل عايلة فيها الشين والزين لاتتصورين ان كل عوايل هالدنيا اسوياء واصحاء نفسيا البيوت ياما فيها بلاوي لكن ربج ستار وحليم . . . وانتبهي من شغلة انتي بحالة نفسية متعبة وما الومج لا تثقين بأي شخص او عضوة عبر النت ترى في ناس واشباه رجال تتصيد في الماء العكر انتبهي على نفسج اختي . . .
اختي ام عبدالله الله يجزاج الف خير علي هالكلام الطيب عزالله كلامج ريحني ولا تخافين علي اختج انا بحياتي ماغلطت وعارفه سوالف المنتديات ولكن محد قدر يلعب علي انا مره تكانه وخايفه ربي واطالع الله قبل لا اطالع اخواني في اني احافظ علي نفسي ويعلم الله شكثر ضحيت في زواجي وشكثر هو ظلمني ويا امه وتبلوا علي لكن انشالله الله ياخذ حقي منهم باذن الله انا واعوذ بالله من كلمه انا كل من شافني مايصدق اني مطلقه ويتحسبوون علي طليقي لان حسب كلام الناس اني جميله وخلوقه وطيبه لا بعد الحدود حتا حقي ينهضم انا مو خايف كثر مو خايفه علا بنتي لا تتعقد بنتي عمرها ٤سنين عورت قلبي لما طقني وفزت من نومها ياعمري وقامت تصارخ صرخه ال**دووم ورد عليها بعصبيه وقال اسكتي والله قلبي يعتصر من الالم عليها خايفه عليها لاتزوجت تذوق الي ذقته*
مآ عليهـ يالبئ قلبچ ربي بيفرجها عليچ واللهـ مآني قآدرهـ أنآم قآعدهـ أفكر فيچ وإدعي لچ عسئ اللهـ يفرجهآ عليچ ويرزقچ من حيث لاتحتسبين ويخليلچ بنتچ ويقر عينچ فيها وإدعي اللهـ ان يسخر لچ أخوانچ هاذي الدنيا مره تفرحنا ومره تبكينا وكلنا راح نعبر محد دايم الا وجهه سبحانه الله يفرج همج وغمج والله يوفقج ويوفق بنتج الله ينصرج علئ من ظلمج الله يرزقج السعاده بالدنيا والاخره اللهم آمين
رووح عبرا روحي عسالله يووفقج ويعطيج علي قد نيتج تدرين رفيجتي واعز من خواتي ماحست فيني ولااهتمت هذا يدل علي طيبه قلبج ونبل اخلاقك ام عبدالله اصلا موضوعي مااعرف اي قسم انا فيه انا دشيت قسم ممكن تساعدوني ولقيت موضوعي منقوول
اختي هذا مو كلامي كلام واحد احد تبين ترتاحين بكل شي ((( قال تعالي __ فقلت استغفرو ربكم انة كان غفار يرسل السماء عليكم مدرار ويمددكم باموال وبنين ويجعل لكم جنات ويجعل لكم انهار )))) تردين المال والبنين والذرية الصالحة بس ماعليك سوا ان تستغفرين وتكثرين من الاستغفار وان الله على كل شي قدير واصبر وصابري واجتهدي بالدعاء وقت السحر ان يعديهم وعليك بالرجوع الي الله (× وفي الحديث ان الله ارحم من الام بولدها ))) واختي عليك بتقوى الله والفرح بيد الله واستعيني بالصلاة وقت السحر والله اني اول في كربة وادعي الله وفرج عني كربتي بس بشرط انك تعبدين الله حق العبادة لاافراط ولا تشدد
ربي يفرج همج كنت بقولج كلام بس ربي يحفظها ام عبدالله ماقصرت كفت ووفت كثري من الاستغفار والدعاء وكل شي له نهايه رددي دعاء الهم والكرب والحزن وربي المستعان
+++++++++++++++++ قال تعالي ( وعسا ان تكرهو شيئا وهو خير لكم وعسا ان تحبو شيئا وهو شر لكم ))) يااختي والانسان مايدري وش الخيرة فية والله ولله طبقي تبين مال وولد صالح وجنات بالدنياء والاخرة هذة الاية بالقران وراح تصير لك كل شي (( فقلت استغفرو ربكم انهو كان غفار يرسل السماء عليكم مدرار ويمددكم باموال وبنين ويجعل لكم جنات ويجعل لكم انهار )))) واكثري من قيام الليل فان الله على كل شي قدير فاني في اجر عظيم لانك في كربة والله يبتلي العبد على حسب ايمانة
حسبي الله عليهم من اخوان لا بارك الله فيهم شوفي حبيبتي انا رفيجتي نفس حالتج مطلقه بس ماعندها اطفال كرهوها في نفسها خلوها انطوائيه لا تطلع ولا تروح .. حتى الدراسه منعوها منه اما حريمهم كملو الجامعه وتخرجو منها والحين مدرسات مااقول غير حسبي الله ع كل اخو يستقوى ع اخته شوفي حبيبتي ادعي عليهم كل ليله وابجي وانتي تدعين وتحسبي عليهم وربي راح ياخذ الله حقج منهم انا رفيجتي كل ما يطقونها ولا يمنعونها ماعندها غير انها تدعي عليهم كل ليله تدعي ان الله ياخذ بحقها منهم وان يشغلهم الله عنها في صحتهم وعافيتهم واحد اخوها يبجي من عوار اللي في معدته والحين راح برا اهو وزوجته والثاني يشتكي من راسه من مطوع لامطوع وكل رابط راسه ... مايدرون هذي حوبتها مااقول غير الله يزيدهم باللي اهم فيه .. صلي ركعتين بعد الساعه12 بالليل بعدها الدعااااااااااااااااااااااااااااء ع كل ظالم ادعي عليهم من كل قلبج وربي ينصرج وحسبي الله عليهم اللي مايخافون الله واذا تبين ادعيه قويه باخذها من رفيجتي كل تقول ان هالادعيه كل ماتقولها سبحان الله يبين الله نصرها فيهم
الله يعينج ويصبر قلبج هذوال الخوان ها الوقت الله حسيبهم. الله يعينج ويوفقج ويعينج على تربيت بنتج ودام الله معاج لاتخافين ياعمري
مشكورين أخواتي علي شعوركم بس أنا مابي أضر أخواني مهما كان هذولي أخواني لومهما يسووون فيني بيضلون أخواني وأنا مادعيت علي طليقي عشان أدعي علي أخواني لقول الله سبحانه والعافين عن الناااس وأناأبي حقي منهم يوم القيامه يووم لاينفع لامال ولابنوون انا بس ابي الستر وادعي كل ليله ان الله يرزقني بالي يعوضني ويهديهم انشالله والله العظيم اني كارهه حياتي ولا عندنا أحد قريب نشكيله اصلا قرايبنا كلهم مايجوونا ولا يحبونا مالي غير الله بس أمي مسكينه ارتفع ضغطها وهي تتنصحه تقوله حرام عليك ليش هلون علي خواتك بس تطقهم رح بس لاتكلمني الحين اختك انحدت عليكم وجت عندكم يعني من ضيم الي ضيم جان يقول روحي بس انتي ماتعرفين تربين حنا نربيهم واختي لوسنعه اقعدت عند رجلها وربي أني مظلومه بس مجتمعنا مجتمع ذكوري ماقالي اخوي استإذني ولا خذي أحد معاج سيده جا وطقني ماتفاهم معاي حسبي الله عليه وهاذي مو اول مره يهاوشني ويطقني حت قبله اخوي قبل شهر طق الباب علي وأنا نايمه الساعه تقريبا ثلاثه بالليل علي سالفه تافهه وطق وب**ات ورفس في بطني حت فيني صيحه ماقدرت اصيح لا ن بنتي نايمه ومابي اقعدها كاتمه الصياح رغم الالم بس قطني عليها وقعدت اهي اهي اهي اهي والله اني مظلوومه ماتهنيت لحظه في حياتي حسبيالله عليهم اخس جتني حاله نفسيه صرت اخاف من كل شي وعندهم مبدأ ان الزوجه بنت ناس ماتنطق بس اختك عادي طقهااا يابنات انا مالي الا الزوواج خلاص انا مت منهم يارب تاخذ حقي منهم والله العظيم اني ماشيه جنب الطووفه بس هم يكبروون الموضوع ومايعطوني مجال اتفاهم
الله يعينج غلاتي ... لكن اصبري مهما كان ... الصبر مفتاح الفرج حتى لو طال الصبر ... تحملي و اجرج عند الله سبحانه و تعالى ... و كثري من الاستغفار حيل فالاستغفار يأتي بالرزق و الخير بأذن الله و خلي ايمانج بالله قوي و ان الله راح يحقق الي تبينه و ان الله راح ينصر المظلوم و لو بعد حين بس انتي عليج بالصبر و الاستغفار و قراءة سورة البقرة و خصوصا اية الكرسي بعد كل صلاة مكتوبة فانها تدخل الجنة ...و لا تشكين لغير ربج ... صدقيني راح تحسين براحة لما تقعدين بالدعاء ... ادعي و كثري بالدعاء ... فأن الدعاء عبادة ... و طلعي كل الي بقلبج و لا تخشين شي ... صدقيني راح تحسين براحة غير طبيعية ... و لا تنسين ان الدنيا اختبار تحدد **يرج ... اصبري و انطقي بالخير دايما ... و لا تشيلين شي بقلبج والله ان الدنيا ما لها قيمة ادري اني رديت متأخر حيل غلاتي لكن انا حبيت اساعدج و اتمنى لج كل خير حبوبة بالتوفيق
بعد قلبي مالك غير الدعاء والاستغفار وصلاه الليل قومي لربك صلي وطولي بالسجود واشكي لربك وناجيه واطلبي ربك الفرج وتذكري ان الله مايرد احد خايب وتذكري قول الله سبحانه (وإذا سألك عبادي عني فإني قريب أجيب دعوة الداع إذا دعانِ) صدق الله العظيم.. حبيبتي هذول اخوانك تحملي وادعيلهم بالهدايه واهم ماعليك بنتس انتبهيلها وحطيها بعيوونك وربي ان شاء الله يعووضك بالزوج الصالح وتربين بنتس احسن تربيه.. انا كل ماتضايقت وانظلمت اتعب بس اللحين لا كل مااتذكر ان الله سبحانه اذا حب عبد ابتلاه افرح وربي بيشوف مدى صبرك على هالامتحان اصبري وربي قريب يفرجها ويعووضك بالجنه وخلك دووم متفايله وادعي ان الله يصبر قلبك.. وماراح انساك من الدعاء فدييييييييييييييتك وطمنينا عنك. ربي يفرجها عليك ويسعدك دنياء واخره ويرزقك الفردوس.
