السلام عليكم ورحمة الله وبركاته انا اليوم اشتركت بالمنتدى بعد مامدحو صديقاتي هالمنتدى وحبيت اشاركم واتمنى تساعدوني لان ماعندي احد اشكي له لان الموضوع حساس استحي اسولف لاختي او امي الموضوع الي مظايقني تاخري بالزواج بعد ماعديت26 بديت اتظايق واحاتي مع اني قبل هالعمر ماكنت افكر بالزواج ولا اتظايق لكن من نظرة الناس وسؤالهم المتكرر حسيت فيني شيء غلط انا دخلت الجامعه عمري18 وتخصصي صعب يبيله تفرغ دراسي ماكنت افكر بشيء اسمه زواج وللاسف ماحد نصحني من خواتي وامي مره كبيره عمرهااخر50 وقتها لان تقدمو لي كثير ايام الدراسه ومنهم كويتين علما بانني سعوديه لكن رفضت وللاسف مانصحوني خواتي الاكبر مني ولا فهموني الحياة لان وقتها تفكيري بريء ماعرف شنوبيصير فيني وان البنت لازم ماترفض لان اذاكبرت بتقل الفرص تخرجت عمري23 واشتغلت انا بطبيعتي بيتوتيه وهالشيء اكبر غلط ماكنت احضر اعراس ولاحفلات بس دوام البيت بالدوام تقدمو لي حضر لكن اهلي مارضوو وصار الي يجوني المترديه والنطيحه الي مايشتغل والي طمعانين بمعاشي والي امه سمعتها موزينه والي يبيني زوجه2 الحين انا29 سنه كل الي يشوفني يقولي انتي مزيوونه حيل وموناقصج شيء ليش مومتزوجه؟؟ انا كرهت هالسؤال؟ليش مجتمعنا مايرحم اهم يعرفون ان البنت ماتزوج نفسها ليش يسالوني؟؟ الحين اشوف البنت المايعه المنحرفه الرديه بسرعه تتزوج والبنت الي محترمه ومحافظه على نفسها ماحد يبيها وبما انني كنت البس بس عبايه ولفه مااتنقب اهلنا عندهم انا متحرره؟؟وفي ناس من اهلنا مايبوني علشان انا مومنقبه؟؟مع العلم كثير بنات يتنقبون بعد الزواج ولاني اشتغل بمكان مختلط للاسف مايسلون هالبنت تصلي تخاف ربها يطالعون هالظاهر ياكثر بنات منقبات من اعمارهم12 لكن لادين ولاصلاة ولا خوف من الله وفي ناس من برا يسالون عني يقولون لهم هذي متحرره مومنقبه؟؟شفتو حقد وحسد مثل جذي انا لماابي اتقب اتقب لربي موعلشان عاداتي والحمدالله عقب مارجعت من الحج لبست النقاب انا مؤمنه كل شيء بيد الله موبيدهم وكل انسان ياخذ نصيبه بالدنيا لكن مرات اتظايق من سؤالهم انتي جميله وذربه ومتعلمه وشكلج نعومه مومبين 29 ليش ماتزوجتي؟؟احس كاني منبووذه موشرط كل وحده جميله لازم تتزوج بسرعه تدرون والله مرات اتمنى اني اكون جيكره علشان ماحد يسالني ليش مومتزوجه؟لو اناجيكره يقولون اي علشان جيكره ماتزوجت تدرون مره دقيت على خطابه الي تشتغل بالنهظه ام ابراهيم جت شافتني واهي تعجبت ليش مومتزوجه وقتها عمري27 اخذت مني40دينار ولاشفت رقعة وجهها حسبي الله عليها انا اسفه طولت عليكم لكن ابي راييكم بالموضووع جزاكم الله خير
يالغاليه ولا يهمج شنو يعني 29 تدرين مجتمعنا شلون ؟ مجتمعنا يدرب البنت انها لازم تكون زوجه بعمر معين واذا طافت هلعمر قالو عانس حبيبتي العمر جدامك لا تطوفين شي والزواج اذا كان مقسوم لج راح تتزوجين التفكير والقهر ما راح يغير شي وبعدين تدرين انه يا ما بنات متزوجات يحسدونج ويقولون يا حلاة بيت اهلنا لا تسمعين للناس علشان ترتاحين
الله يعينج ويعيني معاج انا تقريبا مثل عمرج ونفس المشكلة ......لا تقولين نقاب انا متنقبة من عمري 17سنة واهلنا ...اقصد عيال عمي ما يبون المنقبة يسمونها ( المعقدة)والله العظيم تزوجوا بنات الله لا يبلانا المتردية والنطيحة لا تقولين مقهورة منهم عشان جذي اقول لا والله العظيم هذا مو كلامي هذا كلام اهلنا كلهم لان خياسهم بدا يبين ....حياتي خلي املج بالله كبير وادعيه وان شاء الله ما يردج 29 ولا39 ودايما قولي اكيد هالتاخير فيه خير لي انا ماني عارفته...زمثل ما قلتي حبيبتي مجتمعنا ما يرحم الله يهدي الجميع ويصبؤج يارب .وسامحيني عالطوالة لاني مقهورة مثلج
لاتشيلين هم حبيبتي ولا شي هذا الموضوع قسمة ونصيب صدقيني هذا الشي مكتوب لك من كنتي صغيرة يعني مو عيب فيك وبعدين الناس لايهمونك ماريحوا احد لامتزوج ولابنت ولامطلقة ولا ارملة (( من راقب الناس مات هما)) عيشي حياتك ولاتستعجلين على رزقك والله اللي ربي كاتبة لك بتاخذينة.. اكثري من الدعاء والاستغفار وقوي علاقتك بربك ومالك ومال الناس ضعاف النفوس.. والله يرزقك باللي في بالك يآآآآآآآآآرب ولا يخيب املك فية.. دعوآآآآآآآآآآآآآتك
صباح الخير حبيبتي شوفي الزواج نصيب مو شي بيد احد وربي يرزقج انشالله وكلام الناس طنشي الناس عمرها ماتسكت زينه ولا شينه بس حجي اهم شي انت ونسي عمرج وقبل كل هذا ذكري ربج والله يوفقج انشالله
في ناس كل همهم التشهير والكلام الفاضي والتدخل بخصوصيات غيرهم اتكلي على الله واكثري الاستغفار وان شاءالله يرزقج الله بزوج يخاف الله واخلاق وسمعه طيبه
حبيبتي انا حاسة فيج المجتمع عندنا عجيب صدقيني هذا كل نوع من السخافة لان كل شي قسمة ونصيب و الله بحكمتة بيرزقج الرجل الصالح الى يقدرج ويحترمج ويحبج ولا يسبب لج مشكلة في شغلج ولا طبيعة حياتج ويتقبلج مثل ما انتي وممها طال الوقت بس حبيبتي ادعي ربج بقلب صادق وبحرقة المحتاج و ان شالله نسمع خبر زواج باقرب وقت ممكن
معاك يا اختي الله يفرح قلبج باللي تتمنينه اكثري من الدعاء والاستغفار واقرئي سورة البقره ...وادعي الله يرزقج الزوج الصالح الطيب الميسور الحال وشوفي هذا الرابط بنات لأني أحبكم}}}أقروا سورة البقرة كل يوم - منتديات عالم حواء الله يرزقج انتي وخواتي ..وكل بنت تتمنى الزواج المستقر
حياتي أنا نفس مشكلتك بالضبط وعمري 27 كنت أحاتي وايد بعديت قلت هذا شي مكتوب واذا بظل أحاتي بموت من القهر.. وعلى قولتج المجتمع مايرحم لكن دخلي من هالأذن وطلعي من الثانية.. وبالتوفيق
لا تفكرين بكلام الناس راح تتعبين ودلعي نفسج واستمتعي بحنان اهلج ودلالهم والله يوفقج ويرزقج بالزوج الصالح اللي يقدرج ويصونج
السلام عليكم اختي العزيزة والله انا اقرأ الموضوع وفيني احساس كبير انج عارفه وفاهمه كل شي ومتأكد ان الزواج نصيب ومتاكد ان عارفه ان هالشي مكتوب تتزوجين الحين بكره سنه ماتتزوجين هالدنيا هذي فانيه وكلنا راح نفنا فيها ولو بطالعين وتسمعين الناس راح تتعبين وتعبين نفسج ان الله مع الصابرين اصبري وادعي ربج ان يقدم الي فيه الخير ويجيج الرجال الصالح قولي امين صحيح الواحد يسال نفسه انا ليش مو نفس فلانه انا احسن من فلانه شفيني انا هذا موزينه ومتزوجه وانا خايفه ربي وساتره نفسي ماجاني نصيبي صدقيني لو كل واحد فينا يعرف قدره في هالحياه كان صارت بلاوي ومصايب ولكن حكمه من الله عزوجل محد يعرف شنو مستقبله ووين الخيره فيه حاس فيج تبين اسره وعائله تكونينها تبين رجال وعيال تبين تعيشين حياتج ولكن اسالج سؤال شنو الدنيا مقابل الاخره؟ ممكن انسان ياخذ كل شي يبيه من الدنيا ولكن يفلس بالاخره وممكن انسان ماياخذ شي من هالدنيا ويملك الاخره كلها التفكير في هالموضوع راح يتعبج حيل والله اطلبي من الله وألحي لله بالدعاء وألحي ألحي بالدعاء له وتوكلي على الله شوفي حياتج وعيشيها بما يرضي الله شوفي والدتج واهتمي فيها ووالدج اذا كان عايش واقرب الناس وبيتج عيشي حياتج في بيتج وربي راح يرزقج ويجازيج في الدنيا وفي الاخره انشالله وهذا ابليس يقعد يوسوس بالواحد والناس والله مهما قلتي وسويتي وفعلتي ماراح تغيرينهم ربج يهدي من يشاء لاتتعسين نفسج ولاتفكرين ولاتحاتين لان ماراح يجيب هالشي نتيجه ألجي لله وعسى الله يوفقج سلام
