السلام عليكم ياخواتي اشحالكم ان شاء الله بخير ... حبيت اضيف موضوع جديد عن تجربتي ويا ريلي واتمنى تعطوني رايكم بالي سويته لاني وااايد حاسه بضيق ومب عارفه اللي سويته صح ولا غلط؟؟؟ الموضوع هو ان دوام ريلي امسويلهم رحله ترفيهيه للموظفين بالشركه وحجزولهم بفندق اطلنتس بدبي وسمحولهم ايبون اهلهم اذا كانو حابين ايبونهم وياهم الفندق وطبعاً ريلي استانس واايد وطلب مني ازهب الملابس .. ورحنا الفندق وكنت واايد مستانسه ومجهزه شغلات واايده اسويها حق ريلي من قمصان نوم والعاب زوجيه وشموع وورود يعني بختصار كنت ناويه اسويله جو رومنسي .... :wink: المهم وصلنا الفندق وبعد ماارتحنا طلعنا من غرفتنا ورحنا نتمشا بالفندق وتصورنا وشفنا حوض الاسماك واتشرينا اغراض واايد حلوه وهو ابد ماقصر ويااي وونسني وااايد ...:regular_smile: والحين صارت الساعه 8,00 بالضبط وهذا الوقت يفتحون فيها الالعاب المائيه وقالي انه متفق ويا ربعه انهم بيلعبون بالالعاب المائيه ... مااجذب عليكم جاسني ضيق وماارتحت من رمسته لاني من حقي اغار على ريلي لانه اهناك اختلاط حريم وريايل بس بنفس الوقت ماكنت احب اكسر ابخاطر ريلي واخرب وناسته ...:sad_smile: ورحت وياه عسب يسبح وياربعه واول مادخلنا حديقة الالعاب شفت العجب والله وحده لابسه شورت بس واصل لين نص اخداقها والثانيه الله يستر من اللي شفته وطبعاً ريلي وياي يمشي ويشوف اللي اشوفه من اغرائات الاجانب من اجسام ولبس البحر .... سكة وضغط على عمري وخليت الغصه بداخلي وسويت عمري عاادي افرررييي ولعب ريلي وستانس بس انا لاني حامل مارمت اتحمال الحر فضطريت اخليه ارجع الغرفه وبعد ساعه ونص رجع ريلي من الحديقة الالعاب وهو مستانس يلس يسولفلي عن الالعاب اللي لعبها وشو سوا اهناك وهو رايح الحمام لحظة ان ريلي مب طبيعي المهم اكتشفت انه الريال واصل حده وتعبان وخاطره ياخذ حقه من حقوقه الزوجيه بس انا رفضت لاني من الصبح وانا احاول اني اغريه بس ماله فايده لبستله وتعدلت بس هم ماله فايده ويوم اول مايرجع من السباحه ايكون خاطره حسيت انه تعب من اللي شافه بالحديقه مب تعبان فيني وياي ايريح عندي ابهاي الحظه حسيت بالاهانه وواجهته وقالتله انت مب ياي علشاني انت ياي علشان اللي شفته برع وانا آسفه مااقدر اعطيك سكت ريلي وماعرف يدافع عن نفسه او حتى انه ينكر الرمسه وراح .... ادري اني طولت وياكم بالموضوع بس يالريت انكم اتفيدوني برايكم اذا اللي سويه صح ولا غلط اني خليت ريلي ايروح هاي الاماكن ورفضي له..؟؟؟ والسموحه منكم:sad_smile:
حياتي يسعدني اني اول وحدة ترد عليج....ياقلبي حتى لو ....جان معطيتة حقة الشرعي ....واهو لو بيخربط جان ماجابج وياة صح....بس اهو يحيج ويبية منج مو من غيرج لاتخربينن عاعمرج وبعدين لبسيلة بيكيني وشورت ترا الريايل يموووووووووووتون فيهم واتدلعي وانتي ماشاءالله شكلج ذكية وتفهمينها عالطاير.........
هلا اختي صج انتي من حقج تغارين بس خلي الثقه متبادله بينج وبين ريلج والريال الوفي لو بين مليون وحده مادام يحب مرته مايفكر يخونها وتوقع اهو موزعلان منج ولاماخذعلى خاطره لان المره الحامل تكون واااايد حساسه0000
حبيبتي من حقج اللي قلتيه بس انا مع البنات اهو لو ما يبيج جان ماوداج معاه ولا رجع عشانج كان بامكانه يسوي كل شي من وراج حافظي على زوجج وحطي في فالج اذا زوجج طلبج وانتي رفضتي تلعنج الملائكة لين يرضى
والله من حقج الغيره وماالومج باللي سويته واهو بعد مايلومج بس لو زوجج فيه خراب جان خربط بره اهو يبيج انتي والله يهديه لج ويصلح بينكم يااارب ويسخره لج تقبلي مروري
فديتج صح الوحده تغار ع ريلها وماتباه يشوف هالمناظر بس الحين فكل مكان هالمناظر استغفر الله بس اللي يعرف ربه ماله خص بهالسوالف وانتي الحمدلله عارفه ريلج ولا تخلين الشيطان يوسوسلج اتعوذي بالله من الشيطان واعتذري من ريلج وفهميه قصدج باسلوب حلو وراضيه ولاتتسرعين بحكمج ع ريلج تلاقينه استغرب من اللي قلتيه لانه ماتوقع انج تقوليله هالشي ... بس انا ادري اللي قلتيه ماقصدتيه بس لانج كنت مضابجه وربي يسعدكم ان شاء الله
اي والله صح كلامكم الريال اذا يبي يخربط جان ماخذاج وياه والغيره موجوده فينا وشعور طبيعي ما تنلامين لكن في فرق بينها وبين الشك فحرصي على ريلج وديربالج عليه والله يهينكم مع بعض انشالله ويوخر عنكم البلا
حياااتي والله من حقج تغااارين عليه بس انا رايي المفرووض تعطينه حقه الشرعي لان يااالج وما خربط من وراااج وشاكرتلج
ياقلبوووووووز معاك حق تغارين ومعاك حق تزعلين....... بس المفروض داريتي الموضوع..وعطيتيه حقه ..وصدقيني ربي بيعوضج على صبرج على هالموقف..الموضوع انتهى لكن حاولي تبررين لزوجج..وتقولين نفسية الحمل مأثره عليج,,وبيني له انج واثقه فيه بس الغيره لعبت دورها والشيطان وسوس لج.. الله يوفقج حبيبتي.......
ما الوووومج الغيره في قلب كل مرا طبيعي تغارين على زوجج بس اهوا ماله ذنب هاذي مناظر موجوده جدامه ولو يبي الخربطه جااااااااااااااااان خربط والله يهنيكم فبعض انشالله ويقومج بالسلامه حبيبتي
والله من حقج الي سويته صج قهر يعني احنا ما عندنا احساس و لو انه اهو ما يدري انه غلطان جان سوالج سالفا ما سكت
اولا مو من حقج ترفضين لج ذنب عند الله حتى لو كنتي بتموتين وطلب منج لازم تعطينه حقه ولا تحاسبين ثاني شي مو مشكله اهو شاف ما شافه لكن انتي لازم تكونين له الصدر الحنون والملاذ الامن لو ما شاف بالمسبح بيشوف بالتلفزيون او المجلات او باي مكان ثاني الرجال مثل الطفل لا تنسين هالنقطه واهم شي رجعلج يعني هذي اكبر نعمه وشكرا لو تبين اي شي دزيلي ايميلج وضيفج واقدملج استشارات زوجيه اكبر
