اشلونكم يا حلوات ادري اذيتكم بس محتاجه افضفض ولد خاله زوجي متزوج وحده مريضه نفسيا حاطه دوبها ودوبي لان الكل يمدح بلبسي ومكياجي واني احلى منها والله مو غرور اهي بعد عندها مميزات وايد زينه عندها زوج طيب ويدور رضاها وباني لها شقه تهبل بس ماكو فايده فيها حسوده وغيوره تخيلوا تبي اي شي بس عشان تتفوق عليي كل ما اقول شي تقول حتى انا وانا من نوعي احسن الظن وادز لها مسجات واتصل واهي نادر ما تتصل او تدز مسجات المهم ان انا من السنه الي فاتت كان بخاطري سفره وكنت اقول ان احتمال اسافر صيف 2008 ودي باوربا وهي قالت انها بتروح امريكا بس ماراحت والمهم زوجي ماكان راضي نسافر وكسر فيني وتهاوشنا وعقب تراضينا المهم قبل شهر اتصلت عليها اسال عنها ولا قالت انها بتسافر بس قطت عليي كلمه ضايقتني وقلت بخلي علاقتي فيها من بعيد ما وعيت الا خالتي اول يوم رمضان قالت لي ان هالبنت وزوجها توهم رادين من جوله اوربيه واهي كانت دازه لي مسج عشان ايي معرضها بس مارحت كان عندي ظروف و طنشتها ولا اتصلت عليها لانها ادري بتتفلسف فوق راسي واتصلت اهي من يومين لان شافتني ما اتصلت ولا عبرتها ماعندها سالفه قالت لي اشلونج وباركت لي بالشهر وباركت لها جان تقول لي اي انا توني راده من جوله اوربيه انا وزوجي ردينا شهر عسل يديد ورحت فرنسا وايطاليا وسويسرا وخليت عيالي عند اهلي واختي وزوجها راحوا المانيا والنمسا وخلو بنتهم عند اهلي بس حيل استانسنا قلت لها عليج بالعافيه الله يهنيج بس والله من داخلي مقهوره انا عارفه ان اتصالها قاصده بتحرني لانها عارفه ان انا بخاطري بسفره وانا صار لي جم يوم احن على زوجي عشان نسافر بعطله الشتا او الصيف الياي قال لي يصير خير وقلت له مالي شغل ابي سفره كافي الضغوط والمشاكل الي مريت فيها ابي اوربا او امريكا وانا مقتدره الحمدلله وقلت له عن اتصالها وقال لي مينونه واشلون زوجها مستحملها جان قلتي لها ان احنا بعد يمكن نروح امريكا جان اقول له قلت لها عشان ما تتفلسف وايد بس نفذ مو ماتوديني وقال لي يصير خير انا قلت لج ان شاء الله والله مقهوره انا صج بخاطري سفر بس مو عشان احرها واحر غيرها انا مريت بضغوط وابي اغير جو واهي استغلت هالشي وقالت خل احرها وانا ادري قصدها بتحرني لكن اذا هذا كان مقصدها حسبي الله ونعم الوكيل فيها يارب توريني فيها يوم يارب يارب ارزقني بالسفره الي اتمناها عاجلا غير اجلا يارب
حبيبتي لاتحرج ولاشئ انت بنفسج قلت انه مريضه وطبعا مرضه واضح وهو الغيره دواها يالغاليه الحقر احقريه اذا نطق السفيه فلا تجبه فخير من اجابته السكوتا لذلك طنشيها والله يسخرلج زوجج ويسفرج احسن سفر
حبيبتي اذا بتسمعين لها وبتهتمين لكلامها راح تتعبين طنشيها وخليها والتزمي السكوت لان السكوت من ذهب واذا شافتج ساكته راح تطق وتموت ولاتحرين عمرج حبيبتي ,, ولا تبينين لها شي ,,
جان وديتها بيتج عزمتيها بعدين ضربتيها بعدين قعدي عليها وفقسيها ليمه تتعور مره رفيجتي تهاوشت معاي جان اعزمها واضربها واقعد عليها واضربها من وره نيمتها عندي في البيت سويتها خدامه عندي لمده يومين قمت اعاقبها مثل اعيالي اوقفها على الطوفه وترفع ايدينها وريلها
عليها بالعافية والفال لج تسافرين سفره تبرد قلبج وماله داعي تقولين حق ريلج انها دقت وقالت تبين تطلعين جدامه انج انتي المحتره؟؟ تبين تطلعين صغيرة عقل؟؟؟؟؟ ومو بس جدامه حتى جدام نفسج ماكو احد يسوى احطه في بالي و احتر منه
هلا أختي حياج الله في المنتدى اولا وثانيا معلش يمكن يكون كلامي قوي شوي لكن لمصلحتج انتي تقولين انها مريضة نفسيا وانها قاصدة تحرج تدرين شلون صايرة انتي وياها انتوا كل وحدة تحاول تتفوق ع الثانية بأي طريقة كانت انتي تفكرين فيها واهي بعد تفكر فيج يعني لو تقعدين ويا نفسج شوي وجلسة مصارحة واتخاذ قرار يا اما تخلين هالانسانة صديقة لج غصب وبطرق معينة او انج تعطينها ع قد عقلها وطنشين سوالفها وتمسحينها من دائرة اهتمامج عندج انا مريت في نفس تجربتج لكن اتخذت قرار اني اعاملها بدبلوماسية وعادي جدا يعني اسولف واتكلم اكون انا مو اتصنع جدامها ارتحت نفسيا كوني انتي في كل الاحوال لا تخلينها في دائرة الاهتمام انسانة بتقعد وياج ساعة بتتصل اكلمها عادي ومن غير ما تحطين في بالج اي شي او اى فكرة انها متصلة علشان جذي وعلشان تحرني اتمنى تكون فكرتي وصلت اللي اهي كوني نفسج وخليها خارج دائرة اهتمامج
حياكم يا قلبي ام عبدالله والله حاولت اطنشها وحاولت اتقاضى يمكن ساعات احس ان اي طريقتنا احنا الثنتين حريني واحرج بس عقب قمت اكبر عقلي وانا عارفه المقصد من اتصالها انها تبي تغثي حياكم ماقصرتوا يا قلبي
حبيبتي الكل فادج برأيه بالموضوع وانا ما راح اكثر بالكلام بس بقولج هالكلمه .......من راقب الناس مات هما ......وانتي عطيها طاف مثل ما يقولون وطالما انتي واثقه بنفسج وبأنج احسن منها بالتفكير لا تعطينها بال .....وارتااااااااااااااااااااااااحي
بالصراحة احب اقولج يامزيونة وانت بحسبج مكان اختي احسني الظن ويمكن بحكم العلاقة اللي بينج وبينها قالتلج بعدين اهيا حتى لو ماقالتلج بتعرفين من اهل زوجج يعني دقت او مادقت بتعرفين وخلي عقلج اكبر من جذي لأنه صدقيني انما الاعمال بالنيات وكل واحد على قد نيته الله بيعطيه فإذا اهيه قاصده تحرج فصدقيني بيجيها يوم وناس بحرونها حتى لو اقرب الناس لها الدنيا دين وحاولي تكونين رسمية وياها وخففي اتصالات ومسجات وطنشي الناس ترتاحين وعيشي حق نفسج وزوجج اسالي مجرب شلج بعوار الراس سألي مجربة انا شفت بلاوي من عذال بس والله لو اقولج ماتصدقين بس اللي ذابحهم اني مطنششششه من قلب وما توقعين شلون الله فتحها علي الله وياج وهالله هالله بزوجج ياقلبي وطولت عليج ادري ولاتزعلين مني
ماقصرتوا يا قلبي منوره الفراوله من اول احسنت الظن فيها بس شفت الشي زاد عن حده حركاتها حركات يهال بس اذا كانت قاصده تحرني عسى الله يوريني يوم فيها
اقول احسن علاج لها احقريها ليش تضغطين على نفسج وتجاملينها واذا اتصلت عطيها طاف لانج موملزومه فيها واذا تبين يحرين الناس بس احقريهم ويموتون
هلا بك ،، كلن يغني على ليلاه ،، هـ المظاهر وحب الفشخره ،، هدم بيوت خلق الله ،، يا هلا ،، ،،هنا ركب الأغرااااااااب،،
