السلام عليكم ورحمة الله وبركاته أخواتي الغاليات: عندما يجد المرء نفسه في ضيقة يلجأ أولآ لله ومن ثم لمن كلامه يريح الخاطر والبال صدقوني.... عرضت كم مشكلة لي في المنتدى ووجدت منكم مايريح النفس واتضح لي كم يستطيع الإنسان أن يكسب الأجر والثواب من الله لوبكلمة لوبرأي لو بمشورة.... فرج الله هم كل من أدلى بدلوه سواء بكلمة أو بدعاء أو برأي أو بأي وسيلة كانت سببآ في تفريج أخواتي انا محتاجه لمساعدتكم بجد احس نفسي ضايعه ومتشتته ومافي يوم يمر علي الا وافكر في الموت ,, استغفرك ربي واتوب اليك واللي يساعدني الله يفرج عنها همومها يارب انا وزوجي بيننا اختلاف وياليتني اعرف شو سبب والله احس نفسي وايد متضايقه مع انه عمره مافكر يبتعد عني لو يصير الي يصير وحابه منكم مساعده زوجي طول وقته عند زوجته يعني ممكن يظل يوم كامل ولاشي ولا كأن في حياته انسانه وفوق هذا انا اكون مسويه الاكل له وكل شي وحتى البس واتشيك له يكون فرحان لما يجي من الدوام وبس بمجرد مايحط راسه ينسى انه في حياته انسانه وأول ماتكلمه بروح لها ركض حسبي الله عليها غيرت علي أعز ماعندي بالذنيا اتعبني الموضوع وأزمني ماني لاقيه حل معاه كل يوم على هذا الموال تعبت معاه نفسيتي زفت ويوم اسأله اقوله حبيبي دخيلك صارحني شو الي غيرك ع انسانه حبتك وتحدت الكل عشانك يرد ويقولي غيرتك زايدة الي مالها حد صح انني انسانة غيورة لآبعد وماني قادرة اتغلب عليها وصاير كل مايصير امبينا زعل انا الي لازم اصلحه لاني ماحب زعل يطول امبينا وصرت احس بعمري ماعندي شخصية جدامه وهدا شي خلني اكون ضعيفة جدامه مع انه عمرك مافكر يزعلني وحتى لو صار زعل على طول يراضيني بس الله لا يسامح الي غيره علي اتخيلوا من اسبوعين مارقد عندي بس كل يوم يتصل ويطمن ويمر وعلي ورغما دلك صابرة اليوم جاني ع 10 بالليل وخبرني انه اليوم الفجر بيسافر وعطاني مصروف وقالي انا اسف ياعيوني وحقك علي وان شالله يوم برجع مالك الا طيبة الخاطر والي تبيه يصير بيصير وراح عني خواتي الي قاهرني اني موعارفة سبب تغيره واغلب مشاكلنا يوم اعتبه اقوله ليش مابترقد عندي اليوم هني يصير زعل وان احبه حب ماتتصورونه والله مو باايدي وكل احس بعمري تعبانة ويجيني صداع براسي ماني عارفة شو صاير فيني شو تنصحوني ابغي اطرش له رساله اعتبه فيها وفي نفس الوقت تكسر خاطه دخيلكم خواتي ساعدوني مالي غيركم
يابعد عمري والله عورتي قلبي .. انا مقلج غيوره وايد لو اطلع مكان وحده تطالع ريلي اغار شلون حرمه ثانيه .. مالج الا الاستغفار والدعاء
هلا وغلاا اختي القلب المهجوور .. اولا لازم لازم تغيرين من نفسج ومن غيرتج الزاايده انتي تزوجتيه وانتي تعرفين انه متزووج يعني مو لج بروووحج ومالج الا الصبر .. انا ماالوومج بالغيره بس مالج الا الصبر وتخففين عليه والله الغيره الزاايده ماورااهاا الا التعب والهم والشقاا ورفعت الضغط ومراح يسرج اذا نفسيتج تعبت والا ارتفع ضغطج .. والله كل الرجاال يشوفوون وين مكان راحتهم ويتوجهون له لاتقولين حب ومن هالسوالف الزووج اذا لقا الرااحه عند زوجته والدفأ وسعة البااال صدقيني رااح يرتاح لهاا ووياهاا وماراح يفكر بغيرهاا مهما كانت الاسبااب .. خلينا نكون واقعيين واحنا اهني نقدم لج الحلوول عشان تكتشفين وين الغلط فيج وتحاولين تصلحينه .. صح اول مايجي عندج تكلمينه انه مقصر وياج وانه مايقعد عندج وتتهاوشين ويااه وليش متغير علي ومن هالحجي << هذا غلط ولازم تغير ين منه انتي مو بس بروحج بحيااته ومستحيل رااح يكوون برووحه لج لازم ترضين بالامر الوااااااااقع وتغيرين من نفسج .. خليه اليوم اللي يجيج فيه تكوون غرفتج جنته من السوالف والضحك واللياالي الحلووه والالعاب الزوجيه وانسي الزعل واللوم وصدقيني رااح تلقينه تغير من ناحيتج .. اما هواش وغيره وانت ماتحبني ومن يدش لين يطلع لوم وسوالف مالها لزمه اكيد وماالومه اذا فضل زوجته الثاانيه عليج .. اللي اطلبه منج انج تهدين وتخففين من غيرتج وتهتمين بنفسج وتنسين زوجته الاولى وتفكرين انه مافيه غيرج بحياته وتريحين نفسياا ولاتجعلينه اكبر همج عشاان مصلحتج وراحتج النفسيه صدقيني اني انصحج نصيحة اخت لاختهاا .. اتمنى تتقبلين كلامي بصدر رحب وماتتضايقين مني ..
عندش عياااااال منه اذا عندش اهتمي فيهم وخلي وقتش لهم وماله داعي تحسسينه بالغيره حسسيه كانك زوجته الوحيده والايام اللي مايكون عندش فيها نايم اعتبريه مداوم عشان تخففين غيرتش واذا قعد عندش خليش عاديه ولاتذكرين الثانيه قدامه خلي عندش ثقه بنفسش ولا تتشكين عنده واكشخي واضحكي بوجهه وخليه يشتاق يرجع لبيتش ولغرفتش فهمتي خليييييييييييييي دار النوم دار الراحه له واذا طلع ما له داعي تتصلين عليه كل شوي لااااااااء غلط كل يوم طرشي مسج حلوووووو بسسسسسسسسسسسسس جربي هالطريقه وشوفي؟؟؟؟؟؟؟؟؟؟
عزيزتي انت لازم تعرفين انج انت الثانيه ولاكن لج حقوق لازم هو يعرف الشي هذا دايما فكري انج انت الوحيده بحياته اليوم اللي يروح فيه لها احسبي انه لرايح للعمل وقت مايجي حسسيه بالامان والراحه جربيها ماراح تخسريت شي والله يوفقج وانتبهي علي نفسج
والله كسرتي خاطري الله الله يكون بعونج ونصيحتي لج كل كل حياتج اتجاهة اللي كنتي تسوينة غيرية ولا تهتمين فية سوي نفسج مشغول بس بشرط واجباتج اتجاة الزوج لاتقصرين انتي فاهمة كلامي
باين عليج حساسه وايد وما الومج يمكن تحبينه اكثر ما هو يحبج ترى الرجل ما يهمه قلبه آخر شي اهم شي وناسته ويكره المره الحنانه اللي تحن وايد مبين انج زوجه ثانيه وانج في ديره وهو في ديره ومبين بعد زواجكم بالسر مثل ما فهمت انه ما ينام عندج الله يعينج ولازم تعرفين اللي يرخص بالاولى يرخص بالثانيه اشتري راحة بالج وحاولي تشغلين نفسج بشي ثاني الرجل وجوده بحياتنا مو ضروري خليه يولي لا تبينين انج ميته عليه ترى الرياييل داهيه اذا تمسكن تمكن وهو متمكن منج انج تحبينه وعزي نفسج عنده وخليه يعدل ليش متزوج ثانيه اذا ما ينام عندها ونصيحتي لج لا ترخصين نفسج ترى يرخص فيج ومالج الا الدعاء والاستغفار وشنو سالفة تتمنين الموت ما فيه احد يستاهل تتمنين الموت علشانه استغفري ربج وادعيه انه يهديه لج ...
مشكورة اختي قمرين ولا احلى ع مرورج اختي زواجي مو يسر ونحنا تزوجنا عن قصة حب وتحدى الكل عشان يتزوجني وكنت بكون انا اولى بس ماحصل نصيب وكنت انا ثانية
مرحبا اختي مسوكة انا وزوجي تزوجنا على علاقة حب وعندنا عيال فكيف زواجي منه في سر مشكلتي اني ماعرف انزل اول رابط بس عشان تفهمي القصة
حبيبتي داامكم عن حب لاتخلينه يمكن هوو متعود علي الدلال والعز معااج ومتعووود انتي تدقين وتسالين خلاااص دقي اسالي سمعيه كلاام حلووو وومسجاات حلوة انصحج دزين الحين مسج (( احبك)) بس وبعدهاا بساعه دقي عليه وقوليله وينك ياروحي اشتقتلك دنيتي ماتسوااا بدونك ومن هالكلام المعسوول الي يذووب القلوووووب وخلج معاه مسجاات وكلام حلووو ولاتغيرين مهمااا صار خلج معاه العسل وخلي غيرج البصل وموفقه
حبيبتي وحده من ربعي صاير لها نفس السالفة وراحت الشيخ أوصاها بعدة أمور أتقوي علاقة الزوجين وتولد الألفة والمحبة وتحنن قلب الزوج على زوجته 1-قرأة سورة البقرة يوم السبت أوالثلاثاء بنية الألفة 2- قرأة سورة الجمعة خمس مرات بدون مقاطعة 3-كتابة آيات المحبة وتعليقها عليك 4-قرأة البسملة مائة مرة على كأس ماء وأسقيه زوجك 5- قرأة دعاء يامن تحل به عقد المكاره (دعاء الأمن)كل مساء 6-الصدقة قبل البدء بهذه الأعمال مع القيام بحقوق الزوج والثقة بالله 7-وهي بالفعل مجربة عليك بالوضوء بعد كل حدث وقول سبحان الله والحمدلله ولاإله إلا الله
الي محيرني ان زوجي عمره ماتغير علي او فارقني بس صدقوني ياخواتي زوجي مو على طبيعته مليون في المية مسحور
حبيبتي من خلال قرائتي لمشكلتش لاحظت انك وايد لاغيه شخصيتش بديتين تنسين نفسش صار شغلش الشاغل وتفكيرش في زوجش وتعب نفسي وغيرة وخرابيط انا راح انصحش نصيحة والله خليها في بالش اهم شي خلنه نقول بكرة نبدأ برنامج تغير الذات والنفسيه العفسة وتبدي تهتمي بنفسش عشان انتي تحبينها لأن محد بدلعك غيرها صح في كلشي من داخل للخارج يعني اذا بتغيرين من شكللك لا تسوين هذا عشان زوجش لا ، عشانك انتي لأنش تستاهلين التدلع خصصي وقت للراحة النفسيه صفي مخك من كل شي مثلا: روحي سجلي في نادي صحي، خصصي يوم للمساج، يوم للأذكار والادعيه وقرائة القرءان ، دلعي نفسش بطبخ اكلات جديدة عمرش ماجربتيها . بعد كل هذا راح يحس زوجش انش ماعاد تحنين وايد عليه او تغارين عليه من زوجته او من طلعاته وراح يلاحظ التغير النفسي اولا ثم الخارجي الملفت وجدول ملاء اوقات الفراغ صدقيني بأذن رب العالمين راح يحس زوجش بنقص من ناحيتش اولا ويبدأ الضمير بتأنيبه ماراح يسألش اكيد من تغيريش وحبش لنفسش وعدم اهتمامش في لأن اهو مقصر من ناحيتش بس اكيدا راح يخاف من ان يخسرش او تروحين لأحد ثاني وراح يشتغل رادار الغيره الخفيفه عليش ويبدأ قلبه ينبظ من جديد لش وبعدين خلني اقولش اذا صار يوم ظرتش لا تستاأين بل افرحي لأن يوم راحه وتصفيه الذهن والاهتمام بنفسش وتجديد العلاقه بينش وبين زوجش وانتي وشطارتش بعد في التأقلم سامحيني اختي طولت في الشرح بس مشكلتش بظبط صايرة الى صديقتي والله نصحتها بنفس الاسلوب والله ستفادت
