محتاجة شقة مفروشة بالكويت

السلام عليكم
الحمد لله على النعمة خلاص طفشنا من الثلج والبرد :52_52:
ناقص 37.... كأنا دجاج مفرز الله يعين
ان شاء الله قررنا ننزل الكويت على الصيف حتى نشبع حر :shades_smile:
بس محتاجة مساعدة وين ممكن او شلون الاقي شقة مفروشة وياليت بالسالمية ما ابي شقق فندقية لاني بتم بالكويت تقريبا ثلاث شهور 7 و 8 و 9
الله ينولها اللي ببالها يلي بتساعدني

حياج الله أم عبدالله بالكويت
تنوريــــــــــــــــــــــــــــــن

في بالسالميه شقق مفروشه طبعا تتأجر بالشهر لعوايل.. أخذنا فيها مره لاهلنا لما يو من الامارات
حلوه ونظيفه بس انتي شكثر ميزانيتج؟؟
وجم غرفه تبين؟؟ غرفتين يكفونج؟؟
ناطره ردج وبس تردين اقول لزوجي يدق عليهم أو اذا تبين يكلّم ريلج حاضرين

تسلمين يا قلبي على ردج السريع
والله يحييك ويبقيك بصراحة اشتقنا للكويت وشمس الكويت الله لا يحرمنا منها:shades_smile:
المهم
بصراحة غرفة وصالة وحمامين ومطبخ يكفون ان شاء الله واذا غرفتين بكم تكون بعد؟؟؟
الايجار ياليت اشوف اللي عندكم لان ما عندي خبرة بالايجارات بالكويت من زمان

الحين عندنا الساعة 6 ونص وابو عيالي نايم.. بعد ساعة يقعد فديته ويروح الشغل
بكلمه ان شاء الله واقوله عن ردج حياتي
تسلميلي يا قلبي

خلاص تم ان شاء الله

اليوم بنشوف لج الشقه اللي قلت لج عنها .. وان شاء الله بعد باسأل ريلي اهو خبره
وبارد لج الرد المفصّل اليوم باذن الله
وعندي مكان بعد اتعامل معاه لحجز الفنادق بره يعطيني أسعار واااايد حلوه .. أكيد عنده للكويت بعد
باشوف لج سعر الغرفه وصاله وسعر الغرفتين وصاله ,,انتي قارني واختاري الأنسب
عاد الكويت ألحين تغيرت وااايد عن قبل جم سنه .. توصلون بالسلامه ان شاء الله

وحياكم الله بارضكم وديرتكم
ترى حتى الكويت ولهت عليكم

ليلى وينج ناطرتج؟
زوجي سوى بعض الاتصالات وبنشوف الاحسن ان شاء الله
ياليت تحطين اللي عندج من الشقق ولو غرفة وصالة تكفي ان شاء الله
أهم شي قريبة من البحر او على الاقل قريبة من السوق او المعالم الكويتية الحلوة

حبيبتي كلمي ليلى على ملفها الخاص .. أو رسالة خاصة لان هي يمكن نست الموضوع


بالتوفيق ....

الشقق القريبه من البحر غاليه والشقق قريبه من السوق وايده فى عماير تتئجر الشقق فيها ايام او اسابيع او اشهر للعوايل وانتى طالبه غرفة وصالة وحمامين ومطبخ موجوده بالسالميه بالسوف تكون ائجرى شقه بعماره اشهر او اسابيع عوايل ارخص من الشقق الفندقيه بوايد

​