محتاجتكم حيييييل مقهوره

السلام عليكم
وشلونكم وش اخباركم


متضايقه وابي فض فض لكم

انا مزوجه من6 سنين وعندي 4 اولاد

انا تزوجت زوجي وهو اكبر من في السن ب15 سنه حزتها كان عمري 17 وهو 33

المهم عقب الزواج كنت مرتاحه لمده بسيطه
بس من حملت باول ياهل
بدات المشاكل بينا احياننااحس انه مايحبني

زوجي عصبي اذا صار بينا شي ولو على شي بسيييط يزعل ويخاصم ولا يعتذر حتى لوكان غلطان انا الي اروح وعتذر له

ولما يخاصم خلاص حتى السلام مايسلم ولا يكلم عياله ولا يلعب معهم

بس يبي يهاوشهم وهذا الشي يضايقني كثيييير

اش ذنب اليهال

ولما اكون بعيده عنه عادي عنده يتصل ويسئل بالتلفون بس ما احس انه مشتاق لي بلع** احس انه مرتاح

يحب يوديني عند اهله ويرد يقعد بلبيت بروحه مع ان اهله يضايقوني ويقولو لي دقي على زوجج يي ياخذكم وادق عليه يقول الحين واصل 4 ساعات 5 على ما يي

وزعل وقوله لا توديني عندهم ما يبونا نقعد عندهم يقولي انتي ماتبينهم ولاتبين تقعدين معهم

احاول افهمه انهم مو متعودين على اليهال ويتضايقو من الصراخ ولوية اليهال بس ما يقتنع

وكم مره لما تقولي امه لا تييون عندنا الا في الجمه اقولها كلمي ولدج وكلمته وهم **ر اني مابي اهله
مع اني والله ماييب طاريهم عنده الا بكل خير

ومرات يقص علي يقولي انا بديوانيه وهو في البيت

وااذا راح الديوانيه وانا بلبيت يتاخر ما يرد الا 2او 3

اذا كنت تعبانه او متضايقه ما يحس فيني ولا يسئلني اش فيج ابد الا اذا قلت له انا

لما اطلب منه شي ماييب الا بلحسره ولا اذا ابي اروح السوق يرفض واذا وداني يتحلطم

ماسمع منه كلام حلو ابد ولا حتى يقولي يعطيج العافيه اذا شافني اشتغل في البيت وفي اليهال عادي عنده هذا واجبي ومو محتاج شكر بس يعني حتى يعبر بكلمه واحده انه يحس فيني

بس اذا لهيت عنه شوي ونشغلت بالبيت واليهال ولويه يسويها سالفه اش كبرها ويقول انا مهملته

والي اكثر شي يضايقني فيه اي شي يصير لازم يعلم امه اول باول وما اكتشفت هذا الشي الا قبل سنه تقريبا
لدرجه اذا متضايق او فيه شي ينعزل عننا بس يفض يفض لامه انا مو انانيه
بس مو انا زوجته واحق انه يفض فض لي قبل الكل

امه تشيشه علي واايد ويسمع لها
يعلم الله اني كنت اعز امه مثل معزة امي بس الحين احس انها ظالمه

تفضل بنات اختها علي الي هم زوجات عيالها ثنتينهم

لما نروح عندهم اذا عندها شي بس تعطي بنات اختها وتستشيرهم وانا ولا كاني موجوده
تشتري لعيال عيالها الثنين ملابس وهدايا وعيالي لا

وفوق كل هذا تشيش زوجي علي
والله انا كنت حاسه بهذا الشي بس كنت اتجاهله وقول يمكن تفكيري غلط بس لما قالو لي بناتها تاكد انها ماتحبني لا انا ولا عيالي

بنات انا في يوم من الايام صارت بينا مشكله وطلبت فيها الطلاق
بس هو مارضى مع اني كنت متوقعته يوافق بس رفض
وقال انه مايستغني عني وسالفة الطلاق شيله من راسي
انا احترت ماعرف اذا يحبني ولا لا
بس تصرفاته تثبت الع**

هو انسان قليل الكلام وخجول وبعيد عن ربي نوعا ما احيانا يصلي واحيانا لا
واتضايق لما اشوفه ما يصلي واكتاب
مع ان عمره كبير بس احس تصرفاته غير عن عمره

هذي الايام بعد عننا حييييل
بس دوام ولابتوب وتلفزيون وبس

امس صارت بينا مشكله
قلت له يودينا نلعب اليهال شوي
وداني طفل المستقبل انا واليهال وراح الديوانيه

تخايلو اربعه يهال اكبر واحد 4 سنين واصغر واحد 8 شهور

والله تعبت وانا لعبهم ومع هذا تاخر علينا ودق عليه ويقولي الحين ياي ما وصل الا الساعه 1
وديت اليهال الحمام وحطيت التليفون يم المغسله ونسيته لانه راح واحد من عيالي السلم المتحرك خفت عليه رحت له ونسيت التلفون
انا كنت ناسيه تلفوني بالبيت وهو عطاني تلفونه مال الدوام
المهم ونسيته وطلعت
وحنا بسياره جان يرن تلفونه يشوف الا رقمه الثاني يقولي شكو متصله اطالع انا الا التلفون مو موجود رد الا حرمه تقوله انها لقت التلفون في الحمام ودقت على اخر رقم
رجعنا له وخذيت منها التلفون الله يعطيها العافيه

عاد اهو يسوق ويزفني لين وصلنا البيت اشوف الا يكلم امه وتقوله ليش راحت هناك اش وداها وليش نست التلفون لا يكون صاير شي ثاني هي تكلمه وصوتها واصل لعندي لاني كنت يمه
قالها شنو شي ثاني يعني
عاد انا والله جنها طعنتني بخنجر شوفو شنو فكرت قالها انا موديها هي واليهال الالعاب مافي شي ثاني

امببببببببي احس اني بنفجر من القهر
قلت له اش قصدها خالتي ولا يرد علي اكلمه ولا يرد اخذت التلفون ابي ادق عليها وقولها شنو قصدها جان ياخذه مني بقوه ودزني

والله بنفجر من القهر مخاصمني ومسويها سالفه اش كبرها وهي صغيره
ليش محد ينسى الا انا يعني
ابي مشورتكم تكفون لا تطلعون بدون رد

انا صراحه مليت من هذي العيشه بس ثقتي بالله تخليني اصبر عشان يهالي ولعل وعسى ربي يهديه


سسسامحوني قرقت عليكم وااايد

والله ماني داريه ايش اقول ..


كان الله في عونك ..

شوفي حبيبتي زوجج عمره كبير يعني انسي ان يتغير لو شنو تسوين واهوا هاملج بشكل واضح وكبير .. ولا تنسين فرق العمر بينكم علشان جذي مايفهمج .. ماكو الا تدعليه بالهدايه وتخلين ابوج يكلمه او احد كبير عندكم لاازم ادخلين احد كبير بينكم ولا بتعيشين بضيقه طول عمرج .. واذا شفتي ماكو فايده كلش صبري بس لا تطلقين لان عيالج مالهم ذنب ..

لا تضايقين ولا شي سمي برحمان وهذا زوجك توج شفتي عيوبه غيري اللي تقدرين تغيرينه مثل الروحه لبيت اهله امه تزفج اشكره لا تروحين لهم الا بالسبوع مره وسالفة مايفهمج حاولي تقربين منه يمكنج لهيتي مع الجهال ونسيتيه وانا بنظري انه زين يوديكم الالعاب يعني فيه ميزات حلوه وشوقي ياعمري ماكو زوج كامل لا زم يجي فيه عيب انتي تغاضي عن بعض الامور وسالفة امه ماتحبج أكيد ماكو ام زوج تحب مرت ولدها الا القليل اللي يخافون ربي اصبري وأدعية برمضان ان ربك يهديه وستانسي مع عياللك وفي بيتج والباقي يهون تقبلي مروري

عندي لك حل جربيه والله ماتخسري الاستغفاااااااااااااااااااااااااااااااااااااااااااااااااااااار وشوفي النتيجه

اصبري والله بيجازيج خير موكافي جابلج هالعيال خلاص انسيه وتعوضي ربج ولاتشيلين هم باجر عيالج يكبرون ان شالله وبيسمعونج كلام حلو وبيشكرونج ويصرفون عليج ويطلعونج وانتي عندهم الدنيا ومافيها واهو بيطلع خسران لما يشوفهم ملتفين عليج بس لاتهملين تربيتهم لو بادق التفاصيل وزوجج انتي خليج كاشخه على طول وتجاهليه وقعدي بغرفه وهو بغرفه وانتو بنفس البيت خليه يشوفج دقايق باليوم وشوفي اذا مالقيتيه هو يدورج ووده يقعد معاج لان بيستغرب انج ماعدتي تحنين وتطلبين وجوده معاج بيسأل نفسه ليش مطنشتني ويجيج والله يسعدج ويوفقج

يعطيكم العافيه
وجزاكم كل خير

ونستوني بردودكم
عسى ربي يفوقكم دنياء واخره

السلام اختي
لا يرد قضاء الله الا الدعاء مبين عليكي مع صغر سنك عاقله ونزيهه يعني مو كاسره ولا طويلة لسان بس انتي لازم تحسسيه بهالشي اشلون يعني لا تبطلي روحه عند اهله حتى لو ما يبونك واسمعي وكل ما غلط فيكي او عملك قصه على شي قوليله انا احسن من فلانه وفلانه انا صابره وووو بس لا تغلطي في اهله واعتقد ماتسويها لانك عاقله وقصدي انتي فاهماه يعني حسسيه بقيمة عقلك ورزانتك وووو والدليل على كلامي انه رفض الطلاق وحكالك ما يستغنى عنك انت ذره والي قاهره وقاهر اهله انك صغيره يعني تقدري تقولي معقدتيهم .غيييييييره .
زوجك يحبك بس في نوع من الناس ما يعرفوا يعبروا الله غالب موجود عالعيب في الرجال والنساء. صدقيني زوجك يحبك بس يبيله دعاء منك من قلب وبنص الليل -الله يسخرلك ياه يارب .
بس نصيحه لا تزوجي بناتك بواحد اكبر منهم بكتير ترى العمر له دور .
الصغير ما يقدر يتلاءم و خمول الكبير والكبير ما يقدر يتلاءم ونشاط الشاب (الرسول له حكمه) بتقولي سيدتنا خديجه اكبر منه وعايشه اصغر منه اقولك وقتهم ووقتنا غير والدليل نصيحته عن التقارب العمر اواي مستوى ثاني.

ربي يكون بالعون
اكثري من الاستغفار والدعاء له بالهدايه وربي كريم

ترى الطلاق مو شي هين لو شنو كان ..
عليج بدعاء