الله يسعدكم شور علي اليوم زوجي جاب زوجته كانت عند أهلها وهو له أسبوع ضايق ما أدري اش فيه واليوم جامن عندها مبسوط أرسلت له رساله أنك كنت متضايق واليوم أنت متغير وأنه مو قصدي غيره أو حسد لكن أن فرحانه أنك مبسوط رد علي أنتي وين وأنا وين وكان المسج يدل أنه زعل أنا موهامني ألى أني بينت له غيرتي وجات له السالفه على طبق من ذهب والله أني من اليوم ألوم نفسي على ألرساله بكرة هو عندي قولولي وش أسوي شور علي أنا عارفه طبعه بيجي ماد بوز علي بكره أحس أني أغبى أنسانه لما أرسلت ... الله يسعد الي ترد علي
أختي ما قلتي لي انتي الاولى او الثانيه وهل انتي تعرفين ليش زعلان عليها او على شي ثاني وبعدين انسي السالفه ولا تطرينها بالمره وسوي اكله يحبها والبسي ملابس حلوه وليس مغريه يعني خليج ناعمه وغير متكلفه
أنا الزوجه ألاولى وهو كل ليله معي في الفراش من يوم تزوجها صار بلجنس معي بكثره في كثير من ألايام يتعذر بعذر لما يكون عندها حتى يجي عندي لكن صار له كم يوم ما يكلمني وساكت وهو يتكدر لما تجيني الدوره وكنت أستغرب أنجذبه لي بها ألشكل لكن قلت يمكن حس بغلطه أنه تزوج علي وشاف الفرق لكن أنا حاسه أني بينت له غيرتي منها وأكيد بيجي بكره ينكد علي وانا ما أتحمل أي كلمه منه وبقولي ألاسطوانه ألي دايما أنتي حاطتها في بالك وأنا أعطيكي أكثر منها بل أهتمام .. ردي علي أذا كنت متوأجده يا قلبي
الله يكوون بالعووون .. مثل ماقالت اختي انسي السااالفه ولاتحطينها في باالج ولاتلومين نفسج وعن الغيره ام المؤمنين رضي الله عنها وارضاها عائشه غااارت لما في قصه من القصص قال غارت امكم .. يعني لاتحاتين من هالناحيه والغيره لابد منها بس انتي هدي وغيري من نظااام شقتج غرفتج النووم غيري نظامها وصالتج بعد والبخور والريحه الحلووه اللي تفتح النفس وسوي له اكله حلووه وضبطي نفسج وخليج مرتااحه نفسيااا واضحكي في وجهه وعادي والله يهديه لج ولايغيرعليكم وان شاء الله اني فدتج والبنات مايقصرون ان شاء الله ..
مساء الخير ولاتضايقين نفسج ياقلبي مبين عليج طيبه حيل وعلى نيتج شوفي لوجالج زوجج لاتفتحين الموضوع معه ولاحتى تقولين له اسفه اوكي ولبسي وكشخي ونسيه كل شي حتى لو ماد بوزه مثل ماتقولين بطريقتج راضيه لاتخلين هالرساله تفتح لج مشكله وتخليه يتخيل شغلات انتي اساسا ماتفكرين فيها وبعدين تقولين زوجج مشالله مومقصر معاج من ناحية حقوقج خلاص ونسي زوجج وريحيه والله يعيطج على قد نيتج يارب وربي انج على راسي وكلج احترام وذوق صج انج بنت ناس وربي صدقيني بيعطيج كل خير قولي امين
حبيبتي لما يكون زوجج معج اهتمي فية وكوني له عروس ولا تكثري علية بالاسئلة ترى الرجال ما يحب كثرة الاسئلة ولما يكون عندها مالج شغل فية واذا لين الحين زعلان انسي اللب صار وتدلعيله و هو بعد بينسى الله يسعد الجميع يا رب
انا رأي من رأي الاخوات اللي فوق ما شاء الله علييهن ما قصرن وياج بس ما حبيت ادخل واطلع بدون دعوة حلوة لج الله يهديه ويسعدكم ويا بعض ونولج اللي فخاطرج ياااا رب
هلا أختي . . . انسي الرسالة وان حاول يفاتحج فيها قولي اي رسالة وان ذكرج فيها قولي اي هالرسالة وابتسمي ابتسامة براءة >>عاد شلون ابتسامة البراءة مدري لكن هي نابعة من القلب انج ماقصدتي شي وربي يصبرج ويوفقج
حبيبتي انا من رايي ما تكلمينه بالموضوع نهائيا ولا تتأسفين ولا تبطلين الموضوع وخلي نفسيتج حلوه وفرحه وكشي واللله يكون بعونج
