محتاجكم جدا

السلام عليكم خواتي شلونكم بختصار الموضوع اني امر بظروف جدا صعبه اكثر مماتتخيلون ومحتاجه وظيفه ترد علي بمردود لوبسيط جدا لاني مقدمه بديوان ولحد الحين ماوظفوني اعتقد يبون واسطه وانا ماعندي فياريت الي عندها طريقه تقدر تساعدني فيها اووظيفه لاتبخل علي وان شالله بميزان حسناتكم والي مابيدها شي عالاقل تدعيلي بتفريج كربتي قولوا آمين والله اني محتاره حدي ومهمومه تكفون طلبتكم لاتقرون وتطلعون ولاتبخلون بالمساعده
من فرج كربة عن مسلم فرج الله له بها كربة من كرب يوم القيامه

الله يفرج همج ويفتحها في وجهج

بس اعتقد التوظيف الحكومه يطول دوري لي شغله لو بسيطه بس تخدمج تاجرات يدورن مودبه لتوصيل وماشالله شوفي باليوم جم توصلين اذكر مره عطيت مندوبه توصل شغله بسيطه بمكان مو بعيد خذت مني 5 دنانير شوفي باليوم جم تطلع وراح تنفعج

هذا اللي اقدر عليه وبلغتج فيه

وانشالله تلقين الحل بأقرب وقت

الله يسلمج ماقصرتي عالمرور

موفقه يارب
عزيزتي
في بالمدارس مشرفة اغذيه تقدمي للديوان وانشاء الله يقبلونج على طوول
ومعاشهم سمعت انه فوق 400 دينار
بس يكون عقد مده معينه ويجددون الموظفات
حاولي والله كريم
اللهم افتحها علينا وعلى المسلمين اجمعين
تقبلو مروري

الله يوفقك ويوفقنا معاك ويفك كربك ان شاء الله والله لوبايدى اساعد كل محتاج بس الله كريم ان شاء الله بعد الضيق فرج وعلينا بالاستغفار

الله يفرج عليج

في طريقة مشرفات التغذيه بالمدارس حلو شغلهم ويطلعون مبجر الساعه10 بس لو مقدمه عليهم لانه اعتقد هالحين خلص التقديم

اذا تسوقين سياره حطي رقمج وحطي توصيل بنات معاهد ترا والله حلوه هالشغله وكل بنت تدفع مبلغ منها تستفيدين وتساعدين البنات اللي مايبون رجاجيل

او التاجرات اذا وحده تبي تصرف بضاعتها
اما اذا على الديوان ترا بيطولون

الله يوفقج ان شاء الله

الله يوفقج ويفتح لج ابواب الرزق يا رب

الله يرزقج بالؤضيفه عاجل غير اجل اللهم امين يارب العالمين

الله يسلمكم خواتي ماقصرتوا والله يجزاكم خير ويتقبل دعائكم قولوا آمين

الله يرزقج بالوظيفة ان شاءالله ويفرج عليج كربتج يارب

حبيبتي الله يوفقج ويفرج همج
ودي اساعدج بس ماباليد حيله حالي من حالج ناطره الوظيفه من الديوان

بس ليش ماتروحين شركات خاصه وتقدمين طلب عندهم يمكن يقبلونج قبل الديوان

الله يرزقج ان شاء الله

الله يرزقج يارب

الله يفك كربج ياااااااااااااااااااااااااااارب ويرزقج من اوسع ابوابه فكرت توصيل للكليات اتجنن كل بنت تاخذين عليها 45 دينار في الشهر يعني البنتين 100 دينار والبنات هذولي خوات زوجي في الرابيه ويبون حق كليت كيفان والشاميه وعندي بنات اختي في الفردوس ثلاث مدرستهم في الفروانيه شوفي جم يطلعون بشهر قزري فيهم لين ربي يرزقج اذا بغيتي انا حاضره ومن عيوني

اقوى الصبر والله ماقصرتي والله يوفقج يا ام جروح
ترا الشغل مافيه عيب

الله يسلمكم ماقصرتوا