بسم الله الرحمن الرحيم انا متزوجة من 3 سنين وما صار حمل ولله الحمد ... اخر دورة اجتني 19/12 /2008 وانا دورتي منتضمة كل 28 يوم الشهر هاد ما اجتني والحمد الله اتأخرت علي ولكن في الموعد اصابني وجع الدورة ونزل علي تعليمة زهرية وما اجت وبعد يومين من تأخرها عملت فحص منزلي وطلع سالب قلت يمكن متأخرة لسبب معين بستنى وبعد يومين كمان ما اجت في تأخرها كان كل يوم يصيبني مغص متل مغص الدورة وصداع وحكة بصدري واحكي اليوم بتيجي وما اجت رحت للدكتورة حكتلي انو في سماكة بالرحم انشالله خير بس لازم نتأكد وتعملي فحص دم حساس عملت وحكولي مبروك حامل حسيت الدنيا ما وسعتني من الفرح 3 سنين انتضار واخيرا صار حمل اعطتني الدكتورة حبوب فوليك اسيد ودوفاستون بعد يومين صار معي مغص ببطني ووجع بضهري ونزل علي مشحات لونها زهري فاتح خفت حكيت مع الدكتورة وقالتلي انو لازم اجي رحت لعندها وبعد ما فحصتني حكتلي لازم نعيد الفحص بالارقام منشان تشوف نسبة الهرمون وبعد ما فحصت حكتلي النسبة اقل من 1 الحمل ضعيف وقفي الدوفاستون واستني ينزل روحت عالبيت الله يعلم بحالتي ووقفت الدوا بعد ما وقفتو بيوم صار ينزل علي مشحات بني غامقة وبعد يومين صابني عالفجر وجع رهيب ببطني وضهري ودخت وزاد النقط البنية فرحت عالمستشفى وفحصني الدكتور داخلي وموتني من الوجع وبعد ما خلص صار ينزل علي دم متل دم الدورة بني واسود قلي ما في اشي بس انا شاكك انو حمل مواسيير لازم نعمل فحص الدم مرة تانية عملتو وطلعت النتيجة 45.5 وقلي انو لازم تنزل بعد يومين لانو هو شاكك انو حمل مواسيير ولازم ينزل اللي ببطني ضل علي الدم يومين وكان متل الدورة وبعدين اخدت بيبي اسبرين ونمت على ضهري وقطع ولحد الان ما في شي بينزل علي بس كل يوم مغص دورة و انا رحت عندكتورة شاطرة بعديها بيومين وفحصتني وقالتلي انو ما في حمل مواسيير ولا شي وكل شي طبيعي بس الكيس مش مبين لانو صغير بدك تصبري اسبوعين انا عندي الاحد مراجعة عندها بس يا بنات انا خايفة كتييييير تحكيلي انو نزل والله الله اعلم بحالي لا نوم ودايما بكى الله يخليكم ردو علي انا اجهضت ولا لا والله دمرولي اعصابي هاد اول حمل الي من 3 سنين وما خلوني افرح وهدو حيلي امانة
