محتاره ومعاكم اكيد بختار

السلام عليكم ورحمة الله وبركاته


اخواتي الفاضلات انا تورطت وشريت قطعه قماش لونه فضي على لولو ابيض قيمتها مشاء الله 5 الف ريال سعودي وتوهقت مع الموديل ماعرفت شنو اسوي فيه تكفووووووووووووووووون طلبه الي عندها موديل حلوو ويصلح مالتيي تساعدني ولها دعوه عند باب الحرم ان شاء الله وتقبلن مروري لثقتي فيكن طلبتكن لاتردوني بنتظار ردودكن

على حسب كم متر شاريه اذا شويه سويها بدي وخيطيلها تنوره ساده
واذا امتار وايد مايبيله موديل بس شوفيلج احد يسولج قصه حلوه
أو شوفي الكتالوجات

تصدقين ماعرف اقص خام من غير موديل....ماعلينا المهم احنا بمشكلتك ونحاول نساعدك الخام من قيمته باين عليه راقي
بس أول شي لازم نعرف كم متر؟
والمناسبة اللي بتخيطين لها عرس والا حفلة استقبال؟
مقاسات جسمك او باختصار طولك/وزنك....وين اماكن البروز عندك>>>>>عشان قصة الموديل
وانشاءالله نقدر نفيدك

تسلمون حبيباتي القماش شاريته مالت زواج اخوي والامتار 3 امتار تكفون لاتخلوني متوهقه

والله حبيبتي ودي افيدج بس دورت بقوقل ماكو شي حلو
ان شالله البنات يفيدونج

حاااسة فيج لأني شريت خامة وانا مسافرة وليمن جيت للكويت توهقت
بس صرفت نفسي وفصلتها وطلعت رووووعة
بس ممكن أشوف الخامة أو وصفيلي شغلها على الأقل وراح أطلع لج أحلى موديل
ولا يهمج حبيبتي