السلام عليكم: ياخواتي أنا متزوجه ولي 13سنه مع زوجي ولله الحمد بس بغيت منكم شي شرايكم بطبعي عمري ماكلمته بكلام غزل وودي أقوله كل إلي بقلبي بس ما أقدر مدري ليش وبعض الأحيان يقولي شكثر تحبيني أقوله بالأسلوب هذا (شرايك يعني ) ويسكت بس أحس إني مقصره فيه حيل بالكلام الحلو ودي أصير جريئه مثل ما أنا أحتاجه بس شلون تكفون فيدوني وخلو الي في قلبي ينفجر بس يمكن يستغرب مني لأني ماعودته من الأول لأن صارت مشاكل بالبدايه ومسكت معاي بس والله إني أحبه مدري كبر فيني ولا حياساااااااااااااعدوني حبه ...حبه..............................وشكرااا
هلا حبوبه لا انا اعتبره حيا وانا صارلي متزوجه تقريبا بتم الست سنوات ولي الحين استحي منه واذا كلمته بالتلفون الكل يضحك علي شلون انحرج بس تغلبت على حياي بالتدريج واول شي خليت المسجات تعبر عن اللي في داخلي والله انا بعض المرات ادق عليه في خاطري اقوله كلام حلوو اول مااسمع صوته ارتبك واغير رايي وخليتني على المسجات بس الحيين الحمدلله صرت احسن من قبل بشوي ويبي لي بعد شوي واهم شي يسمع منج الكلمه الحلوه لان بنات ابليس بكل مكان والله يحفظ ازاجنا لنا ويسخرهم لنا يارب..
مشكور ه حبيبتي والله أن هذا الشي إلي مضايقني مدري لوين وأنا على هالحال وأخاف يدور على الحنان من غيري أدعولي أن الله يخليه لي قولو آمين وجزاكي الله خيرا على هذا الرابط
هلا حبيبتي الحين صار لك 13 سنه ولا كلمة حلوة شوفي ترى الرجال يزهق وبعدين صدقيني راح يدور على بديل صداقه او اي بنت يكلمها عشان تشبع رغبته بالكلام شوفي حبيبتي حاولي تكتب له بكرت صغير وتبوسينه بشفافك وتحطيه على التواليت عشان يشوفه وحاولي اول مايجي البيت تهلين فيه وتناديه باسم دلع له وبعدين والله انا انصحج لوجه الله شوفي تبين زوجج يبقى لج اكسري هذا الحاجز يعني ترضين يروح لغيرج ويكلمها والحين البنات مشالله عليهم مخضرمات والرجال نفس الطفل يبي كلمة حلوة حبيبتي تغلبي عشان حياتج تصير احلى والله تندمين بعدين .
ماسويت شي عزيزتي واحنا خوات بهالمنتدى ومشاكلنا وحده وكل وحده فينا تكون عون وسند للثانيه وعن الرابط جزيت وياج ويا المسلمين الجنه بإذن الله.
يعطيج العافيه حبوبة اصلا كلام الغزل وهسوالف تزيد المحبه واذا انتي ماقلتيلة وتغزلتي فيه ودلعتيه منو يسويله جذيه
يعطيكم العافيه خواتي والله إني حبيت هذا المنتدى لأني ماأشكي لأي أحد إلا الله سبحانه وتعالى ثم أنتم لأن الكتابه تريح إي في الصدر وجزاكم الله خير وأنشاء الله بحاول
هلا أختي وحياااج الله بين خواتج ابدئي وياه بالمسجات لان يبصراحة نفس مشكلتج لكن انا اخف شوي قاعدة ادرب نفسي اتحجى وياااه ولله الحمد انفكت العقدة الأولى وربي يهديه ويخليه لج يااارب
