بسم الله الرحمن الرحيم .. السلام علكم ورحمة الله وبركاته .. شلونكم بنات ؟! عساكم طيبين .. ما بطول عليكم :smile: أنا توني مالجة يعني حوالي شهرين / شهر ونص .. المشكلة إن خطيبي دوم يتصلي وهالشي يفرحني .. بس غالبا أسهر معاه ع الفون لحد الساعه 5 الصبح ونصلي الفجر وننام أو أحيانا نواصل .. وأحيانا ينام ع الخط وأبند الفون ويرد يتصل يقول خلي الفون مفتوح .. والمشكلة الأعظم إن أنا أدرس جامعة أحيانا ارجع البيت على طول أدرس بدون ما آكل ولا شي.. عشان أخلص بسرعه وأفضى له وأكلمه .. لأن لو ما كلمته يقولي تحبين الدراسه أكثر عني وجذي .. وأنا بالعكس محسستنه أن هو اهم شي بدنياي .. بصراحه ما أدري إذا السالفه (رومنسيه) أو (مراهقه!!) .. بس حابه أعرف كيف أقنعه إنه ما يطول معاي .. والله أحيانا أتعب بس اسكت ما أحب أكسر خاطره .. ... ممكن تساعدوني خواتي ؟!
امم في وايد طرق يعني انتي وشطارتج بدبلوماسيه تقدرين تخلينه مايطول ع الفون بس انا اقوول استانسي ايام الملجه احلى ايام بحياة البنت بعدين راح تتذكرينها وتحسين ودج ترجعين يوم فيها مو لانه تتغيرون بعد الزواج لا لانها ذكرى حللوه وودج انها تنعاد فخلي حبيب القلب على مواله واخذيها بوناسه ههههه الله يوفقج حبوبه
احللللللللللى ايام العممر غنااااتي لا تضيعنيها موووووول اتحملي وانا من رااي عاادي اسهري ويااه وجذاا .. وخللج كووووووول غنااتي ... وهاي يسمونها رومانسيهـ ... مب مراهقهـ ..
حبيبتي انا بفترة ملجه واكلمه نفس حالتج حاولت ابعد واخف لكن اهوا يجيني واحيانا نتهاوش ع هالسالفه فخليت الوضع عادي متى مايبي يدق وانا بعد .. لكن متفقين قبل العرس بشهرين او شهر نقطع خلج مثل ما انتي لا تصنعين وادري ان الكل يقولج خفي و.............. وكلام زايد يملل لكن طنشي واتصرفي ع طبيعتج الا اذا كنتي مصره لا والله كلميه وقوليله خلنا نخف احسن لنا ولمصلحتنا لا تعذرين بدراستج او اهلج لاااااااااااااااااااااا تكلمي بالواقع والشي اللي انتي تبينه وبيصر بتواجهين صعوبه وحجي بس تحملي ترا انا كنت نفسج وطلبت نخف ونفذنا هالشي بس تهاوشنا وبعدنا وماطولنا ردين وانتي وكيفج اف اف كثرت بالحجي طمنينا يالغاليه
ويييييييه ذكرتيني بايام زمااان انتي عالاقل تدرسين انا سقطت كورس كامل بسبه هالسالفه :teeth_smile: البنات ماقصروا عطوج حلول حلوه وربي يهنيج انشاءالله
