السلام عليكم ورحمة الله وبركاته كيفكم اخواتي مثل ماهو باين في العنوان اللي محزني ولدي عزووووز الله يحفظه وديته اليوم المستشفى وقررت له الدكتوره عملية اللوز واللحميه ومن ساعتها وانا ابكي عليه ماعندي الا هو وارحمه واخاف عليه من البنج والعمليه بس لازم نسويها لانه دايما ملتهبه وتاذيه بس مررره حزييييييينه ولا كليت شي تكفون اللي عندها ولد اوبنت وصلحت لهم عملية لوز تطمني وكيف تعاملتي معاه بعدها عمرولدي 4سنوات يمكن تقولون سهله بس مره خايفه عليه وهو عند دكتوره ممتازه بس ما ادري طمنوني الله يوفقكم اختكم الحزينه :ام عزووووووووووووز
انا مسويه لولدي لحميه والحمدالله مافيه الا الغافيه الحين بيدش الروضه الحمدالله حاله تحسن قبل ماايقدر ينام يختنق
ياقلبي ..هونيها وتهون ... الحمدلله ولدج مافيه اللي العااافية والعملية في صالحة ... والحمد لله سويت لعيالي الاثنين عملية اللوز مع اللحمية في مستشفي العدان ... وكانت عمارهم ..أقل من 4 سنوات ... وقالي الدكتور اللوز كلها صديد ومالها علاج اللي العملية لان خلاص المضادات الحيوي مراح ينفع معاااه ... وكانت مدة العملية تقريبا ساعة الا ربع .. ومدة القعدة في المستشفي 3 ايام ... يوم الاول صايم واليوم الثاني الصبح عملية واليوم الثالث خروج من المستشفي ... بعد العملية يقعدونه ويجيبوله ايس كريم ... بس ما أدري شالحكمة ....ومن النصائح بعد العملية ... تبعدين عن ولدج ائ شئ فية ساخن ... وخليج على شراب أو الاكل البارد .. وبعديه عن الاكل اللي فيه بهارات ... وكثر من ااااالايس كريم ... والله يقوم ولدج بالسلامة ... ولا تنسين قراءة القراءن والدعااااء ... ولا تحاتين قلبي ....ترا مافي أسهل منها ....
هلا حياتى ما تشوفين شر والله يعافى عزوز ان شاء الله ترى ما قصرت الاخت حسناء ولى صديقة ايضا مسوية لابنها نفس العملية من عشرة ايام وما فيها شى انتى بس خليج قوية شوية واقرئى القرأن الكريم وان شاء الله يصير احسن ولا تنسين تطمنينا ولا تنسى تنفذين تعليمات الطبيب بالحرف
حيالله ام عزوز وقفتي قلبي علبالي ولدج فيه شي لا سمح الله لوز ولحميه.....بس؟مافي ابسط منها والخوات اكدوا لج هالشي بس انا عندي ملاحظه انه بالحكومه تاخذ مده على مايشفى لانه خياط اما بالخاص بلليزر ومجربتها لعيالي بنفس اليوم يطلعون وتبارك الرحمن مافيهم الا العافيه دخل ولدي الساعه 8 العمليات والساعه 8 و45 دقيقه هو بالافاقه وعلى طول طلع غرفته ورجع الطبيب قعد معانا لغاية ما رجع دم احمر يسمونه فريش بلد دليل نجاح االعمليه وبعدها عطوه ايس كريم وجلي والعصر في بيتنا يلعب مع اخوانه وربي شاهد على كلمه كتبتها لج ربي يشافي ولدج ويعافيه لج مافي الا العافيه هذي عملية بسيطه
