بنات منو فيكم توها والده بالصباح ابي اعرف اذا عندهم كمام للولاده الطبيعيه و و اشلون خياطهم و اذا في تجميلي او لا ؟؟؟
ابصراحه الحين صار زين لانهم يعطونج ابرة الظهر البنج يعني اللي ماتحسين بالطلق كلللللللللش ياليتهم من زمان حطوها اناوالده لي سنه عقبالج تولدين بالسلامه الصراحه اشزينهم والله تمام رعايه حتى خياطهوم صارو منا وفينا يعني اتراعيج وتفهمج مو نفس هالهنود جنها قاعده تخيط وزار ريلها وتوكلي على ربج تغيروووو حيل والله انا ولدت عيالي كلهم بس الاخيرررررر غير والله موحاسه بطلق كلش وكنت مرتاحه يالغاليه تسولفين وتنامين وبس تيي تفحصج الدكتوره وتقولج بس بش لجدام اشوي الا انتي والده وتقومين بالف سلامه ياقلبي:shades_smile:
هلا حبيبتي انا والدة صارلي سنة ونص عندهم ابرة الضهر بس ولادتهم كانت على ايد السستر والدكتور ماكان الله خلق يولد وبالنسبة للخياط اللي خيطني كان طالب لة ميداني والله انو شوهني مو خيطني لانة خياطة غلط ومايل والله العظيم اني قعدت عشرين يوم ماقدر امشي والسبب الخياط وما اقدر اقعد والله كانت معناه مو ولادة
اى صح هذي مشكله الصباح بس انا ااقول لانهم عندهم خبره و يقدرون يتعاملون مع كل الحالات يعني احسن من غيرهم
أنا قيصرية تأذيت ما في رعاية خالوني بدمامين حتى ما نظفوني كلش وأنادي عليهم ولا اكو فايده إنهرت وصحت ما أدري شسوي ليما يت أمي ومصغرتهم والله المسكينة أخترعت من شكلي الروب مفجوج والشعر منكوش وأحاور أستر نفسي ما أقدر الخياطة كانت قوية لدرجة جني متجمدة بسلك ليما شاف الدكتور المعالج قال خياطتهم غلط ما خذين من الجلد وااايد وحالتي أنا حاله والله ظليت متجمده ثلاث أسابيع أصيح كل ما قمت لا حول ولا قوة إلا بالله ما أبي أخرعج بس هذا اللي صارلي
الكلام ما يطمن كنت ناويه اولد عندهم بس المنتديات الثانيه يمدحونهم والعدان طبعا وخري عنه اذا تبين روحج
خرعتوني انا اول حمل وبعد شهر باذن الله ولادتي بس الجنين عندي مو مكتمل جمجمته وخايفه لاني اول مره وما اريد رجل يولدني ولا يكون ممرض رجل اريد امراه اخاف يدخلون علي رجل والله اموت ولا يشوفني غير زوجي ساعدوني شنو تنصحوني وحالتي ما تستقبلها اي مستشفى خاص
شوفي العدان والصباح نفس الشي على حسب وقتج حظج يا نصيب ممكن وقتها ناس شطار وممكن وقتها مثل ما قالوا توهم ويتعلمون فيج انا ولاتي في العدان كانت روعه جني مستشفى خاص بس عقب الولاده لما صعدت الجناح شفت الهوايل والسسترات معاملتهم خايسه بس انا ملاحظه الحكومه مخدرهم احسن من مستشفيات الخاص كلهم واذا تبين خاص بس الماده ما تساعدج روحي مستشفى لندن كل ولاتهم تكلفج 300 رخيص وكل شي حلو حاله حال المستشفيات الغاليه الله يسهل عليج وتقومين بالسلامه
حبيبتي انا والده عيالي ال3 الله يحفظهم بمستشفيات حكوميه 2 بالصباح و1 بالفروانيه اذا عندج واسطه وتقدرين تدخلين الفروانيه اشور عليج روحي ركض والله والله والله رعاااااااااااااااااااايه تااااااااامه تولدين بغرفه بروحج مثل الخاص وحمامج عزج الله بغرفتج بس انا مالله كتب اولد طبيعي بس الصراحه وااااااايد واااااايد واااايد زينين ((((( اذا عندج واااااسطه )))) اما اذا ماعندج فالله اعلم اذا كانت ولادتهم نفس الشي والا لا والصباح رحت لهم على ولدي الاخير فديته الصراحه واااااايد كانوا زينين معاي بس ما اقدر افيدج انا قيصريه كل عيالي لان الرحم ما يتبطل سبحان الله ,,,, بس خذيت ابره الظهر عجيييييييبه ومرييييييحه ورعايتهم 100 % وانا سامعه ان العدان مذبحه مو مستشفى بس انتي هم شوفي يمكن تغيروا وعسى ربي يسهل عليج
العدان يمدحونه اكثر من الصباح بس انا علشان مكان سكني لازم الصباح و الله مادري حزتها يمكن اروح خاااص الله كريم
صراحة ما عندج سالفة انتى بتولدين اول مرة وكل هذة خوف سمعى حبوبة تعرفين الحظ كل شى فى الدنيا حظ انا عيالى كلهم ولادة الصباح بواسطة وبدون واسطة بس اخر مرة طحت بيد دكتورة متدربة مطنشتنى وطلقى كان حامى نار مادرى اشلون نزرتها وقلت لها بتدخلينى الولادة او اولد فى الممر ر جلى ينطر برة الدكتورة شكت نادت دكتور مصرى كان مناوب جزاه الله خير علمها عن حالتى لان المشيمة نازله يعنى مافى فحص والبيبى غرقان فى الماى واهى تقول يمكن قيصرية اسمع صوت القلب فوق البيبى مانزل راسة وخبصت فينى لانى سبق لى الولادة لكن البكرية يعنى اول مرة حييييل يهتمون فيها حتى الدكتورة ماتباعد عنها روحى للصباح واتكلى على الله وتركى الوسواس وقولى يارب
السلام عليكم تقبل الله طاعتكم عدت لكم بعد ما خلصت الاربعين وما اريد منكم الا ان تدعو لي ان يعوضني الله بذريه طيبه رزقت ببنت كانت في غايه الجمال سبحان الله والكل الي شافها والله كان يقول لي جمالها جمال اخره وليس دنيا _ماتت_ وما شفتها ولا سمعت حتى صوتها لانه ما كان فيها دماغ ولا جمجمه وولدت بمستشفى الصباح وما راح اقول الا حسبي الله عليهم كلهم لانهم ما راعوني ولا اهتمو فيني والله اني ولدت نفسي وبالجناح فوق مو بغرفه الولاده وتميت اناديهم اقولهم راح اولد حاسه بشي بيطلع بس كل كلامهم الرحم عندك 2 سانتي بس وما تكون ولاده واعيد عليهم واحلف لين ولدت وطار الكيس عزكم الله لين الستاره وسمعت صوت كانه انفجار والله لدرجه اني خفت ونسيت الم الولاده من الخوف بهدلوني حسبي الله عليهم ارجوكم دعواتكم لي ان يعوضني الله انا وزوجي ويفرح قلوبنا ويصبرنا
والله انا بجر واللي اسمعه انه يمدحون الصباح الحين وخصوصا بالبجر وانا راح اولد عندهم ان شاء الله على اخر شهر 11 لانه طلع لي تليف وعشان خايفه من اي مضاعفات ادري انهم راح يهتمون مع انه الحين بديت اراجع عندهم ومراجعات والطوارئ مالهم خايس بس يمدحونهم بصراحه وراح اتوكل على الله
اسمحيلي الاثريه احس ان كلامج وقصتج غريبه والله يعينج بس المستشفى ماله ذنب هذي حالة بنتج والله يعوضج خير
